Romano 12:19 - Tachi Ak'õre Pedea

¹⁹ Ũpẽarã, abaɨ pida mãra piawẽa oosira abarik'a piawẽa oorãt'ɨ. Mãɨpari itu bɨt'ɨ Tachi Ak'õrepa ɨtɨamẽrá. Tachi Ak'õre pedeade nãɨya bɨ bɨma: «Mɨapuru mãɨrã ɨtɨaipɨ. Ãareaɨrã́ teaipɨ ara ãchia nemietá oodada jĩra», a jara bɨma Tachi Chiparipa.

Romano 12:19 ပူးပေါင်းရင်းမြစ်များ

Mateo 5:39

Maamina mɨa jararuma: pɨ piawẽa oosidara k'ĩup'ea choase. Abaɨpa pɨ uitarra chi juaraaripema p'esira, ichiaba uitarra juawieripema unupise p'emẽrá.

Romano 12:14

Chi mãra ẽp'ẽ berã́ pia pedeat'ɨ. Tachi Ak'õrea ɨt'aa chiidit'ɨ waapẽarã pia bapimẽrá; ɨt'aa chiidirãt'ɨ ãchi mietá bapimẽrá.

Romano 12:17

Abaɨ pida mãra piawẽa ooipɨra, ara mãɨya oorãt'ɨ. Jõmãɨrã k'ĩrari pia oot'ɨ.

Romano 13:4

Piarã mãra minachia k'awa berã Tachi Ak'õrepa ichi pae pari mimiapataɨrã jĩra bɨsima mãra k'aripadamẽrá. Maamina mãrapa nemietá oodaipɨra, ãchi wap'eat'ɨ piarã minachia ɨtɨadai p'anɨ pẽra. Ãchi Tachi Ak'õre pae pari mimiapataɨrã jĩra p'anɨma chi nemietá oo berã ɨtɨadai k'orea.

Ep'esio 4:27

Tiorea itu seapirãt'ɨ.

1 Tesalonicense 4:6

Mãɨneepuru tachi ũpẽarã nemietá oorãt'ɨ, mãɨnepa mãɨya searãt'ɨ. Jõma makɨɨ Tachi Chiparipa ɨtɨaipɨ taipa mãrá jaradada jĩra.

2 Timoteo 4:14

Alejandro chi jiorro ne ooparipa mɨ piawẽa ooda k'orea Tachi Chiparipa ɨtɨaipɨ.

Hebreo 10:30

Tachia k'awa p'anɨma Tachi Ak'õrepa nãɨya jarasit'a: «Mɨapuru mãɨrã ɨtɨaipɨ. Ãareaɨrã́ teaipɨ ara ãchia nemietá oodada jĩra». Mãɨnepa nãɨya jarasima: «Tachi Chiparipa ichi ẽpẽerã ɨtɨak'oaipɨ».