Romano 12:18 - Tachi Ak'õre Pedea

¹⁸ Mãrapa jɨrɨt'ɨ jõmãɨrã ome ne k'ɨ̃risiawẽa p'ananai k'orea.

Romano 12:18 ပူးပေါင်းရင်းမြစ်များ

Mateo 5:24

Mãɨpari chi ãnimara paapataɨk'á ameek'ari pɨ ũpẽa ome pia pedeade wãse, ichi ome sõpia p'aneenai k'orea. Maapaepuru jĩitea chek'ari pɨ ãnimara Tachi Ak'õrea paatease.

Mateo 5:5

Pia p'anɨma mãrapa atepe k'awa p'ananai k'orea jɨrɨdawẽa p'anɨrã, Tachi Ak'õrepa mãrá jõma nãɨ ĩjũa jɨ̃anamẽrá teai pẽra.

Mateo 5:9

Pia p'anɨma chi mãɨ ẽpẽrapa nepɨra tachi ũpẽa ome uru p'anɨ mãɨ k'aripa p'anɨrã, Tachi Ak'õre warrarãane adai pẽra.

Marco 9:50

T'ã pia bɨma maamina k'ɨyaawẽa beesira ¿sãmaasã́ mãicha k'ɨyaa beeima? Mãɨpuru Tachi Ak'õre pae pia p'anat'ɨ. Mãɨnepa ara machi ẽpẽerã paara sõpia p'anat'ɨ.

Romano 14:17

Tachi Ak'õrepa ichi juade p'anɨrã́ jarak'ama k'ãre k'odai p'anɨt'a mãɨnepa k'ãre todai p'anɨt'a. Mãɨpari k'ɨ̃ria bɨma ãchia ichi Jaoredepa jĩp'a oo p'ananait'a, ne k'ɨ̃risiawẽa p'ananait'a mãɨnepa arapá p'ananait'a.

Romano 14:19

Mãɨ k'orea jɨrɨdai p'anɨma ũpẽarã ome ne k'ɨ̃risiawẽa p'ananai k'orea. Mãɨya chi k'aripa p'ananaipɨ pia ĩjãanai k'orea.

1 Corintio 7:15

Maamina chi Jesude ĩjãawẽa bɨpa ichi k'imak'aapema ãyá wã k'ɨ̃ria bɨpɨra, mãɨya wãrãapadade adai pia bɨwẽma. Mãɨya chi ĩjãa bɨ, chi ãyá wãna k'ima ome beeiwẽa bɨma. Tachi Ak'õrepa tachi t'ɨ̃sima ne k'ɨ̃risiawẽa p'ananamẽrá.

2 Corintio 13:11

Ũpẽarã, k'aadea mɨa nãɨya bɨruma: arapá p'anat'ɨ, mãicha jĩp'a oo p'anayá jɨrɨt'ɨ, mɨa jara bɨt'a oo p'anat'ɨ, abarik'a k'ɨ̃risia uru p'anat'ɨ mãɨnepa ne k'ɨ̃risiawẽa p'anat'ɨ. Mãɨya chi Tachi Ak'õre tachiá k'ɨ̃riapiparí mãɨnepa ne k'ɨ̃risiawẽa bapiparí mãra ome baipɨ.

Gálata 5:22

Maamina Tachi Ak'õre Jaorepa nakɨɨ teaparima: waapẽarã k'ɨ̃ria p'anapataɨ, arapá p'anapataɨ, ne k'ɨ̃risiawẽa p'anapataɨ, jõma choa p'anapataɨ, ẽpẽrarã ome sõpia p'anapataɨ, ẽpẽra pia p'anapataɨ, ãchia jara p'anɨ jĩra oopataɨ,

Ep'esio 4:3

Tachi Ak'õre Jaorepa mãra ne k'ɨ̃risiawẽa p'anapi bɨdepa nejõma oot'ɨ piarã ará p'ananamẽrá.

1 Tesalonicense 5:13

Ãchi k'orea pia k'ɨ̃risiat'ɨ. Ãchia oo p'anɨ k'orea minachia k'ɨ̃riat'ɨ. Jõmãɨrã ome pia tuanat'ɨ.

2 Timoteo 2:22

K'ũtãarãpa nemietá oo k'ɨ̃riapataɨ jĩra oorãse. Mãɨpari jĩp'a ooi k'orea base. Jesude ĩjãa base. Jõmãɨrã k'ɨ̃ria base. Jõmãɨrã ome ne k'ɨ̃risiawẽa base. Tachi Chiparia ɨt'aa chiidipataɨrã ome sõ jĩp'a bɨdepa ãarea mãɨya base.

Hebreo 12:14

Ãareaɨrã ome ne k'ɨ̃risiawẽa p'anat'ɨ. Mãɨnepa Tachi Chipari pae pia p'anat'ɨ. Chi Tachi Chipari pae pia p'anɨwẽpa ichi p'ue ununaiwẽma.

1 Pedro 3:11

Ichia nejõma nemietá itu bɨk'ari pia oo bai bɨma. Waapẽarã ome ne k'ɨ̃risiawẽa bai k'orea jɨrɨk'ari mãɨya bai bɨma.