Romano 12:13 - Tachi Ak'õre Pedea

¹³ Ẽpẽrarã Tachi Ak'õreneerã chi nenea k'ede k'aripat'ɨ. Chi mãra tede cheutá pia pedeat'ɨ.

Romano 12:13 ပူးပေါင်းရင်းမြစ်များ

Mateo 25:35

Mɨ jarra baside mãrapa mɨá nek'opisidama; mɨ opisia baside pania teasidama; mɨ chĩara ĩjũanepema jĩra nipaside mãra tedea ateewãsidama; mɨa neet'á newẽa baside mɨá teasidama; mɨ k'ɨdade baside ak'ɨde chesidama; mãɨnepa mɨ eda jɨ̃a nɨbɨpataɨ tede baside ak'ɨde chesidama”.

Hecho 10:4

Corneliopa Tachi Ak'õrepa ɨt'aripa peeda minachia ak'ɨk'ari ne minachia wap'ea bɨdepa idisima: —¿K'ãre, mɨ chipari? Mãɨne Tachi Ak'õrepa ɨt'aripa peedapa jarasima: —Pɨa Tachi Ak'õrea ɨt'aa chiidi bɨt'a mãɨnepa nenea k'ede k'aripa bɨt'a ichia mãɨ pia unu bɨma, ichiá ne paatearu jĩra.

Romano 12:8

Chi tearua teasima ũpẽarã k'aripa p'anɨnepa pia ĩjãanamẽrá. Mãɨya teasipɨra, ũpẽarã k'aripadai p'anɨma pia ĩjãanamẽrá. Chi eda waapẽarã́ teasima ne tea p'anɨnepa waapẽarã k'aripadamẽrá. Mãɨya teasipɨra, sõpiadepa teadai p'anɨma. Chi eda waapẽarã́ teasima chi ĩjãapataɨrã ak'ɨpataɨrã p'ananamẽrá. Mãɨya teasipɨra, jĩp'a oo p'ananai p'anɨma. Mãɨnepa chi eda waapẽarã́ teasima waapẽarã k'ĩra chupuriadamẽrá. Mãɨya teasipɨra, arapaadepa k'ĩra chupuriadai p'anɨma.

1 Corintio 16:15

Ũpẽarã, mãrapa k'awa p'anɨma Acaya tuade Estep'anapa mãɨnepa ichi ẽpẽrarã naa Jesude ĩjãanana mãɨnepa ãchia k'ɨ̃risia p'anɨ jõma ũpẽarã k'aripadai k'orea.

2 Corintio 9:1

Mãrapa ũpẽarã Jerusalenepema pae erreara jɨrɨp'e p'anɨ k'orea mɨa nãɨ k'art'ade waa bɨiwẽa bɨma,

2 Corintio 9:12

Mãrapa erreara teautapa abapuru k'aripawẽma chi ũpẽarã nenea p'anɨpa uru p'ananamẽrá, mãɨpari mãɨ k'orea ãchia Tachi Ak'õrea minachia pia bɨade a p'ananaipɨ.

Gálata 6:10

Mãɨ k'orea tachia p'ue ooutacha, jõmãɨrã minachia k'aripadai p'anɨma. Chi Jesude ĩjãapataɨrãt'a mãɨya atepe k'aripadai p'anɨma.

1 Timoteo 3:2

Mãɨpuru chi ĩjãapataɨrã ak'ɨparí nepɨra pará bɨade adaiwẽa bai bɨma, k'ima aba uru bai bɨma, minachia bɨ jĩra baiwẽa bɨma, k'ɨ̃risia piadepa bai bɨma, k'ĩrip'a bai bɨma, ichi tede cheutarã́ pia pedeai bɨma mãɨnepa pia k'awa jaratea bai bɨma.

1 Timoteo 5:10

Ãchia pia oodada k'orea t'ɨ̃ p'oa p'ananai p'anɨma. Ãchi warrarã pia taup'ãepachidapɨra, ãchi tedea chedaadarã́ pia pedeapachidapɨra, ũpẽarã jĩru sɨɨpachidapɨra, chi mĩa k'ede k'aripapachidapɨra mãɨnepa nejõma pia oopachidapɨra, mãɨ p'ẽtã́ t'ɨ̃ k'art'ade bɨdai p'anɨma.

Tito 1:8

Mãɨpari ichi tede cheutarã́ ãarea pia pedeai bɨma, nejõma nepia oo k'ɨ̃ria bai bɨma, k'ɨ̃risia piadepa bai bɨma, jĩp'a bai bɨma, Tachi Ak'õre pae bai bɨma, mãɨnepa ichia ichi k'ak'ua jĩp'a uru bai bɨma.

Tito 3:14

Tachi chi Cristode ĩjãa berãpa pia oo k'awadai p'anɨma nenea k'ede k'aripadai k'orea. Mãɨya ara tachi pari p'ananaiwẽma.

P'ilemón 1:7

Ũpẽa, pɨa ẽpẽrarã Tachi Ak'õrenepemarã k'ɨ̃rianepa sõpiapida pẽra mɨ sida arapaapisima mãɨnepa minachia sõpia nipapisima.

Hebreo 13:16

K'ɨ̃risia atuarãt'ɨ pia oodai k'orea mãɨnepa mãrapa uru p'anɨnepa chi k'aripa p'ananai k'orea. Mãɨ ãarea Tachi Ak'õrepa pia unu bɨma ãnimara paatea p'anɨ jĩra.

Hebreo 13:2

K'ɨ̃risia atuarãt'ɨ chi mãra tiidá cheuta mãɨa pia pedeadai p'anɨt'a. Chi eda waapẽarãpa k'awadawẽa Tachi Ak'õrepa ɨt'aripa peedaɨrã ãchi tiidá pia chepi p'anasidama.

Hebreo 6:10

Tachi Ak'õre jĩp'a bapari pẽra mãrapa pia oo p'anɨt'a mãɨnepa ichi k'ɨ̃ria p'anɨt'a k'ɨ̃risia atuaiwẽma. Ichi ẽpẽrarã k'aripa p'anɨnepa mãrapa unupisidama chi ichi k'ɨ̃ria p'anɨt'a. Wapida k'aripa p'anɨma.

1 Pedro 4:9

Chi mãra tiida cheutarã́ k'achia k'ɨ̃risiadawẽa pia pedeat'ɨ.

1 Juan 3:17

Chi nãɨ ĩjũane ne uru bɨpa chi nenea bɨ ũpẽa unu bɨt'a k'aripaepɨra, ¿Tachi Ak'õrepa k'ɨ̃ria bɨ jĩra ichi sõne mãɨya bɨk'ãra? Mãɨyawẽma.

3 Juan 1:5

Ũpẽa, pɨa ũpẽarã k'aripa bɨdepa pia oo bɨma. Chi pɨa unuk'apɨ́ ũpẽarã sida k'aripapari pẽra piarã minachia pia oo bɨma.