Romano 12:11 - Tachi Ak'õre Pedea

¹¹ K'oa p'anarãt'ɨ, mãɨpari chok'ea p'anat'ɨ. Tachi Chipari Jesupa k'ɨ̃ria bɨt'a sõnepa jõma oot'ɨ.

Romano 12:11 ပူးပေါင်းရင်းမြစ်များ

Mateo 24:12

Mãɨya mãɨ atepe nemietá oodai pẽra, ẽpẽrarã chok'araɨrãpa waapẽarã waa k'ɨ̃ria uru p'ananaiwẽma.

Mateo 25:26

Mãɨne chi chiparipa jarasima: “¡Mɨ pae pari mimiaparí pɨ piawẽa bɨma! Pɨ chi k'oa baparima! Pɨa piarã k'awa basima mɨa chĩarané ataparit'a mãɨnepa chĩarapa uudadadepa baparit'a.

Hecho 18:25

Mãɨ Apoloa naena Tachi Chipari O jarateapachidama. Jesú k'orea minachia sõpia pedeapachima mãɨnepa arí jaratea bapachima. Maamina porochoai k'orea abapuru Juanpa jaratea badat'a k'awa basima.

Hecho 20:19

Mɨa chi Tachi Chiparipa k'ɨ̃ria bɨt'a oo baside, chi atepe bait'a k'ɨ̃riaé pasima. Edaɨde jẽa bapachima mãɨnepa judiorãpa mɨ piawẽa oo k'ɨ̃ria p'anana pẽra mĩa bapachima.

1 Corintio 7:22

Chi Tachi Ak'õrepa t'ɨ̃na chipari pae pari mimiaparí, Tachi Chiparipa nemietaadepema k'aripasima, ichi pae ne oo bamẽrá. Mãɨne chi Tachi Ak'õrepa t'ɨ̃na ara ichi chipari pae pari mimiapariwẽt'a, naapae Cristo pae pari mimiaparipɨ.

Ep'esio 4:28

Chi nechɨaparí pada waa nechɨaiwẽa bɨma, mãɨpari ara ichi juapa mimiai bɨma ne uru bai k'orea. Mãɨya ichia uru baipɨ nenea k'ede k'aripai k'orea.

Colosense 4:1

Chiparirã, jĩp'a oot'ɨ chi mãra pae pari mimiapataɨrã ome. Mãra pida mãra Chipari pajãne uru p'anɨt'a k'awa p'anɨma.

1 Timoteo 5:13

Mãɨ awara ãchi techa nipapatama mãɨnepa k'oa p'aneepatama. K'oa p'aneenak'ari, chi sea nepɨrɨ p'aneepatama, chĩara nepɨrade p'aneepatama, mãɨnepa ne jarai piawẽa bɨt'a pedea p'aneepatama.

Hebreo 12:28

Tachi Ak'õre juadepema jõk'apɨɨmá p'ananai pẽra ichiá pia bɨade adai p'anɨma. Minachia wap'ea p'anɨnepa ichiá pia pedeadai p'anɨma ichia k'ɨ̃ria bɨ jĩra,

Santiago 5:16

Mãɨ k'orea mãrapa nemietá oodada abaɨa jaradak'ari, jõrea jarat'ɨ. Mãɨnepa tausia Tachi Ak'õrea ɨt'aa chiidit'ɨ pia tuananai k'orea. Ẽpẽra jĩp'a bɨpa Tachi Ak'õrea ɨt'aa chiidisira Tachi Ak'õre jua chaareadepa ne waibɨa ooparima.

1 Pedro 1:22

Chi piarã pedea oo p'anɨ pẽra mãra nemietaawẽa p'aneesidama. Mãɨpuru ũpẽarã piarã k'ɨ̃ria p'anɨma. Sõnepa piarã minachia chi k'ɨ̃ria p'anat'ɨ.

1 Pedro 4:8

Minachia chi k'ɨ̃ria p'anat'ɨ. Mãɨ ne ãareanepema k'aepẽra piipará bɨma. Chi waapẽarã k'ɨ̃ria uru bɨpa ãchia nemietá minachia oodada k'ɨ̃risia atuaparima.

Apocalipsi 2:4

Maamina mɨa mãra k'orea ne ãpia jarai bɨma: mãra naena chi k'ɨ̃ria p'anapatat'a mãɨ waa idi chi k'ɨ̃ria p'anɨwẽma.