Romano 11:36 - Tachi Ak'õre Pedea

³⁶ Tachi Ak'õrepuru nejõma oosima. Nejõma ichidepa bɨma mãɨnepa ichi pae bɨma. Tachia ewaricha ichiá pia pedeadai p'anɨma. Mãɨya beese.

Romano 11:36 ပူးပေါင်းရင်းမြစ်များ

Mateo 6:13

Tai nemietaade baepirãse mãɨnepa nemietaadepema k'aripase”. [Pɨa jõmãɨrã p'ue bɨpɨ, pɨ chi chaarea bɨpɨ ichiaba ewaricha chi minachia k'awa bɨpɨ.]

Luca 19:38

Ãchia jara tuanasidama: «¡Minachia pia bɨma tachi Poro jũra jɨ̃parí jɨ̃ bɨt'a, chi Tachi Chipari t'ɨ̃nepa cheru! ¡Naapae Tachi Ak'õre ome nek'ĩramariwẽa tuananaipɨ! ¡Pajãne Bɨ chi Atepe bɨma!»

Luca 2:14

«¡Tachi Ak'õre ɨt'ɨ pajãne bɨ pi-ia bɨma! ¡Tachi Ak'õrepa pia unu bɨ ẽpẽrarã nãɨ ĩjũane ne k'ɨ̃risiadawẽa p'ananaima!»

Hecho 17:28

“ichidepa tachi p'ɨrrɨa p'anapata pẽra, mãɨnepa chok'ae p'anapata pẽra”. Mãɨpuru chi eda waapẽarã mãranepemarã pedea auk'ará bɨpataɨrãpa jarasidama: “Tachi ichi warrarãpɨ”.

Romano 16:27

Ichi abapuru bɨma. Nejõma k'awa bɨma. Jesucristodepa tachia ewaricha ichiá pia pedeadai p'anɨma. Mãɨya beese.

1 Corintio 11:12

Chi naapema wẽra ɨmɨk'ĩranepa chesima. Ichiaba chi ɨmɨk'ĩra wẽranepa cheparima. Maamina piarã ãarea Tachi Ak'õrenepa che p'anɨma.

1 Corintio 8:6

Maamina tachimá, Tachi Ak'õre abapuru bɨpɨ. Ichi tachi Pajãnepema Ak'õrepɨ. Ichiapuru nejõma oosima. Tachi ichi pae chok'ae p'anɨma. Mãɨnepa Tachi Chipari Jesucristo abapuru bɨma. Ichidepa Tachi Ak'õrepa nejõma oosima. Ichidepa tachi chok'ae p'anɨma.

Gálata 1:5

Ewaricha ichiá pia pedeadai p'anɨma. Mãɨya beese.

Ep'esio 3:21

Ũpẽarã Tachi Ak'õreneerã, Jesucristo ome p'anɨ pẽra ¡ewaricha Tachi Ak'õrea pia pedeat'ɨ! Mãɨya beese.

P'ilipense 4:20

Mãɨpuru ewaricha Tachi Pajãnepema Ak'õrea pia pedeadai p'anɨma. Mãɨya beese.

1 Timoteo 1:17

Tachi Ak'õre chi ewaricha jõmãɨrã Chiparipɨ. Ichi chi tachia ununak'aɨ piuk'ama. Ichit'u Tachi Ak'õrepɨ. Ichiá tachia ewaricha pia pedeadai p'anɨma mãɨnepa wap'eadai p'anɨma. Mãɨya beese.

1 Timoteo 6:16

Abapuru ichit'u piuk'ama. Ichi bɨmá achiterrea jẽrat'ĩu nɨbɨ pẽra mi ãpia pida p'ue ara k'ait'a wãnaiwẽma. Ichit'a mi ãpia pida ununawẽa p'anɨma mãɨnepa p'ue ununak'ama. Mɨa k'ɨ̃ria bɨma ewaricha jõmãɨrãpa ichiá pia pedea p'ananait'a mãɨnepa jua chaareadepa jõmãɨrã ua bait'a. Mãɨya beese.

2 Timoteo 4:18

Ichia jõma mɨ piawẽa ooutadepema k'aripaipɨ. Mɨ pia ak'ɨk'ari, pajãnea ateewãipɨ ichidirã ichi juade ua bɨmá. Ewaricha ichiá minachia pia pedeadai p'anɨma. Mãɨya beese.

Hebreo 13:21

Mɨa k'ɨ̃ria bɨma chi ara mãɨ Tachi Ak'õrepa ne ãarea pia mãrá oo k'awapiit'a, ichia k'ɨ̃ria bɨ jĩra p'ue oodamẽrá. Mãɨnepa k'ɨ̃ria bɨma Jesucristodepa ichia tachi sõne ne ãarea ooit'a ichia k'ɨ̃ria bɨ jĩra p'ananamẽrá. Tachia ewaricha Jesucristoa pia pedeadai p'anɨma. Mãɨya beese.

Hebreo 2:10

Tachi Ak'õrepa ne ãarea oosima. Ichidepa ne ãarea bɨma. Tachi Ak'õremá pia basima Jesú minachia mĩapiit'a. Mãɨya chi ichi ẽpẽrarã K'aripaparí arí bɨsima. Ichidepa Tachi Ak'õrepa ichi warrarã chok'ará p'anɨ jɨrɨ atasima, ichi pia bɨdepema jitadamẽrá.

1 Pedro 4:11

Abaɨpa ne jarateaipɨra, Tachi Ak'õre pedea jaratea bɨ pẽra jĩrak'aua jarateai bɨma. Abaɨpa waapẽarã k'aripaipɨra, Tachi Ak'õre jua chaareadepa k'aripai bɨma. Nejõma oot'ɨ jõmãɨrãpa Jesucristodepa Tachi Ak'õrea pia pedeadamẽrá. Ichiaapuru ewaricha pia pedeadai p'anɨma. Pia bɨma nejõma ichi juade uru bait'a. Minachia pia bɨma mãɨya bait'a.

1 Pedro 5:11

Pia bɨma ewaricha nejõma ichi juade uru bait'a. Mãɨya beese.

2 Pedro 3:18

Jesucristo Tachi Chipari mãɨnepa Tachi K'aripaparí ewaricha pia k'awapariet'ɨ. Ichi sõpiadepa warit'ɨ. Idi mãɨnepa ewaricha ichiá pia pedeadai p'anɨma. Mãɨya beese.

Juda 1:25

Tachi Ak'õre abapuru bɨma. Ichi Tachi K'aripaparipɨ. Ichit'a chi atepe bɨma, mãɨnepa ne ãarea p'ue ooi bɨma. Naenaenapema mãɨya nima, idiapae pida mãɨya bɨma, mãɨnepa ewaricha mãɨya baipɨ. Tachi Chipari Jesucristodepa ichiaapuru pia pedeadai p'anɨma. Mãɨya beese.

Apocalipsi 19:1

Mãɨya nak'ari mɨa pajãne chok'ará nãɨya pedea p'anɨt'a ũrisima. «¡Tachi Ak'õrea pia pedeadai p'anɨma! Ichiapuru ẽpẽerã k'aripa bɨma. Ichit'a chi atepe bɨma mãɨnepa chi jua chaarea bɨma.

Apocalipsi 21:6

Ichiaba ichia mɨá nãɨya jarasima: «Mɨa ooi badat'a jõma oosima. Mɨ chi Alp'apɨ mãɨnepa chi Omegapɨ. Mãɨpa jara bɨma mɨ chi Naapemapɨ mãɨnepa chi K'aadeapemapɨ. Paritua opisia bɨpɨra, mɨa pania wea bɨt'a pari topiipɨ. Mãɨ paniapa tachi chok'ae p'anapiparima.

Apocalipsi 7:10

Mãɨne ãareaɨrãpa nãɨya ɨbɨa jarasidama: «¡Tai Ak'õre chi nãɨ suak'a beeparí auk'ará bɨde suak'abari bɨpa mãɨnepa chi Oveja Chak'epa tai k'aripasidama!»

Apocalipsi 7:12

Nãɨya jarasidama: «¡Mãɨya beese! Ewaricha Tachi Ak'õrea pia pedeadai p'anɨma ichi chi atepe bɨ pẽra, ichi chi k'ɨ̃risia atepe bɨẽra, ichia ne ãarea p'uepari pẽra, mãɨnepa minachia jua chaarea bɨ pẽra. Ichiá sõpia bɨade adai p'anɨma mãɨnepa minachia pia bɨade adai p'anɨma. ¡Mãɨya beese!»