Romano 11:20 - Tachi Ak'õre Pedea

²⁰ Piarã mãɨya bɨma. Maamina Tachi Ak'õrepa ãchi itu bɨsima Cristode ĩjãanaé pasi pẽra. Maapae mãra jɨrɨ atasima Cristode ĩjãanana pẽra. Mãɨ k'orea mãra judiorã k'aepẽra pia be k'ɨ̃risiarãt'ɨ, mãɨpari Tachi Ak'õre wap'ea p'anat'ɨ.

Romano 11:20 ပူးပေါင်းရင်းမြစ်များ

Luca 18:14

»Mɨa mãrá jararuma: mãɨ p'ariseo k'aepẽra mãɨ ẽpẽra tedea wãside Tachi Ak'õre k'ĩrari jĩp'a basima. Chi atepe bai k'ɨ̃ria bɨ, Tachi Ak'õrepa mãɨ wariwẽa bɨipɨ. Abaɨ pida ara ichi ãpia bɨ jĩra k'ɨ̃risiasira Tachi Ak'õrepa mãɨ chi atepe bɨ jĩra bɨipɨ».

Hecho 18:6

Maamina ichia jara bɨt'a ãchia itu bɨsidama. Mãɨnepa ichi k'orea k'achia pedeapachidama. Mãɨpuru Pablopa chi neet'á ɨ̃rɨ jɨ̃ bɨ jĩnap'et'asima, chi ãchia oodada ichia mãɨ k'ɨ̃riawẽa bɨt'a k'awapii k'orea. Nãɨya jarasima: —Mãrapa mãɨ pedea ĩjãanaepɨra, mãɨ mɨ nepɨra newẽma. Chi mɨa mãra pae ooi badat'a, mãɨ ãarea oosima. Idiidepa mɨ judiorãwẽmá wãipɨ.

Romano 11:18

Maamina k'ɨ̃risiarãt'ɨ mãra judiorãwẽ Tachi Ak'õre k'ĩrari atepe pia bet'a judiorã k'aepẽra. K'ɨ̃risiat'ɨ mãra chi k'arradepa chok'ae p'anɨt'a. Chi k'arra mãranepa chok'ae bɨwẽma.

Romano 11:21

Judiorãpa ĩjãanawẽa p'anɨ k'orea Tachi Ak'õrepa ãchi itu bɨsima pak'uru jua t'ɨat'uru jĩra. Ara mãɨ jĩra mãra judiorãwẽpa ĩjãanaepɨra, Tachi Ak'õrepa mãra sida itu bɨipɨ.

Romano 12:16

Jõmãɨrã ome pia p'anat'ɨ. Chi waapẽarã k'aepẽra pia be k'ɨ̃risiarãt'ɨ, mãɨpari chi chupuri k'ede ome pia p'anat'ɨ. Mãrapa waapẽarã k'aepẽra minachia k'awa p'anɨ jĩra k'ɨ̃risiarãt'ɨ.

Romano 12:3

Tachi Ak'õrepa ichi sõpiadepa mɨ bɨsima ichi pae ne oo bamẽrá. Mãɨpuru mɨa mãrá nãɨ jararuma: mi ãpia pida k'ɨ̃risiaiwẽa bɨma ara ichi chi atepe bɨt'a. Mãrapa Cristode ĩjãanana pẽra Tachi Ak'õrepa machicha ne awara awará teasima ne oodamẽrá. Mãɨpuru ichia teada jĩra machia oo p'anɨ k'orea pia k'ɨ̃risiat'ɨ.

Romano 3:3

Maamina chi eda ãchidiidepemarãpa chi ãchia oodai p'anɨ jĩra oodaé pasima. ¿Mãɨ k'orea Tachi Ak'õrepa ooi jarada ooiwẽk'ãra?

1 Corintio 10:12

Mãɨpuru abaɨpa minachia ĩjãa bɨ jĩra k'ɨ̃risia bɨpɨra, ara ichi tuaba jĩrak'aua bai bɨma nemietaade baemaapa.

1 Corintio 15:1

Mãɨ awara ũpẽarã, mɨa mãrá k'ɨ̃risiapiipɨ chi Jesú k'orea pedea pia mɨa mãrá jarateada. Mãɨ pedea mãrapa mɨnepa k'awasidama mãɨnepa minachia ĩjãa p'anɨma.

1 Corintio 16:13

Jĩrak'aua p'anat'ɨ. Jesucristode minachia ĩjãa p'anat'ɨ. Ichidepa p'erawẽa p'anat'ɨ mãɨnepa chaarea p'anat'ɨ.

2 Corintio 1:24

Taipa jara p'anɨ jĩra oopidaiwẽma, mãrapa Cristode minachia ĩjãa p'anɨ pẽra. Abapuru mãra k'aripa k'ɨ̃ria p'anɨma arapá p'ananamẽrá.

2 Corintio 10:5

Jõma k'ɨ̃risia piawẽa be mãɨnepa chi tachi k'ak'ua atepe k'ɨ̃riapataɨ Tachi Ak'õre k'orea itu k'awapidak'aɨ, taipa mãɨ seat'a k'awapipatama. Ẽpẽrarãpa ãchi nek'ĩramá eda jɨ̃a nɨbɨuta jĩra taipa chi mãɨya k'ɨ̃risia be jĩp'a k'ɨ̃risiapipatama Cristode ĩjãanamẽrá.

P'ilipense 2:12

Mãɨya mɨ ũpẽarã chi k'ɨ̃ria berã, mɨ mãra ome badadepa Tachi Ak'õre pedea jara bɨ jĩra oo p'anɨma. Naapae mɨ mãra ome bɨwẽmina Tachi Ak'õre minachia wap'ea p'anɨnepa mãɨ oo p'anat'ɨ ichia mãra k'aripada pẽra.

Colosense 2:7

Ichidepa chaarea p'anat'ɨ k'arra minachia jita p'anɨ jĩra mãɨnepa te pia ooda jĩra. Ichide minachia ĩjãa p'anat'ɨ ũpẽarãpa jarateadada jĩra, mãɨnepa ewaricha Tachi Ak'õrea machi sõpia p'anɨane at'ɨ.

2 Tesalonicense 2:4

Mãɨ ẽpẽra k'achia bɨpa Tachi Ak'õre k'ɨ̃riawẽa baipɨ. Ichiaba jõmãɨrãpa nãɨ ĩjũanepema tachi ak'õreane apataɨ k'ɨ̃riawẽa baipɨ. Ichia ãarea mãɨ k'aepẽra chi atepe minachia k'awa bɨade aipɨ. Mãɨpuru Tachi Ak'õre te minachia bɨde suak'abari beek'ari ichit'a Tachi Ak'õreane aipɨ.

1 Timoteo 6:17

Nãɨ ĩjũane erreara pará berã́ jarase waapẽarã k'aepẽra chi atepe berã k'ɨ̃risiapidaemaapa. Ãchia ne uru p'anɨ tãaraa choak'a pẽra jarase mãɨ k'orea pia p'ananai k'ɨ̃risiapidaemaapa. Tachi Ak'õret'u k'ɨ̃risiadai pia bɨma. Ichiapuru tachiá nejõma minachia teaparima ne k'ɨ̃risiadawẽa p'ananamẽrá.

Hebreo 3:12

Ũpẽarã, jĩrak'aua p'anat'ɨ. Sõ chaareapa Tachi Ak'õrene ĩjãanawẽa p'anarãt'ɨ. Chi mãɨya bɨpa Tachi Ak'õre chok'ae bɨt'a itu bɨparima.

Hebreo 3:19

Mãɨnepa tachia k'awa p'anɨma ãchia ĩjãanaanawẽ pẽra Tachi Ak'õrepa ãchi ɨ̃apaapii badamá p'ue padaiwẽt'a.

Hebreo 4:11

Mãɨpuru tachia pia jɨrɨdai p'anɨma Tachi Ak'õrepa ɨ̃apaapii bɨmá padai k'orea. Mãɨyara mi ãpia pida baedaiwẽma chõarãenapemarã ĩjãanawẽa p'anɨnepa baedada jĩra.

Hebreo 4:6

Chi pedea pia Tachi Ak'õrepa ɨ̃apaapii k'orea naa ũrinaanapa ĩjãanaé pasima. Mãɨpuru ichia ɨ̃apaapii badamá p'ue padaé pasima. Maamina waapẽarã ẽpẽrarã wapida Tachi Ak'õrepa ɨ̃apaapii bɨmá p'ue wãnaipɨ.

Santiago 2:19

Pɨa ĩjãa bɨma Tachi Ak'õre abapuru bɨt'a. ¡Minachia pia bɨma! Jaore mietaarã pida mãɨya ĩjãa p'anɨma, maamina Tachi Ak'õre wap'eapa k'ak'ua orepatama.

Santiago 4:6

Maamina Tachi Ak'õrepa ichi sõpiadepa tachi minachia k'aripa bɨma. Mãɨ k'orea Ichi Pedeade nãɨya bɨ bɨma: «Chi waapẽarã k'aepẽra chi ãchi k'ak'ua atepe k'ɨ̃riapataɨrã Tachi Ak'õrepa itu pia p'anapik'ama. Maamina chi atepe k'ɨ̃risiawẽa be Tachi Ak'õrepa ichi sõpiadepa k'aripaparima».

1 Pedro 1:17

Mãrapa Tachi Ak'õrea pedeautade mãra Ak'õreane apatapɨra, k'awat'ɨ Ichia ẽpẽra waapẽarã k'aepẽra atepe k'ɨ̃riawẽanepa jõma ak'ɨipɨ, tachicha oodada k'orea. Mãɨpuru wapida nãɨ ĩjũane p'anɨmisa tua awaraɨdepemarã jĩra ewaricha ichi wap'ea p'anɨnepa jĩp'a nipat'ɨ.

1 Pedro 5:12

Ũpẽa Silvanopa nãɨ k'art'a chak'e k'aripa bɨsima. Mɨa k'awa bɨma ara ichia jara bɨ jĩra nejõma ooparit'a. Nãɨ k'art'adepa mɨa mãra k'aripa k'ɨ̃ria bɨma pia ĩjãanamẽrá. Mãɨnepa k'awapii k'ɨ̃ria bɨma piarã Tachi Ak'õrepa ichi sõpiadepa k'aripa bɨt'a. Mãɨ ĩjãa p'anat'ɨ.

1 Pedro 5:9

Maamina tiore jua choat'ɨ. Cristode minachia ĩjãa p'anat'ɨ, k'awa p'anɨ pẽra mãra ũpẽarã jõma tuacha berã abarik'a minachia mĩa p'anɨt'a.

Apocalipsi 18:7

Jãɨ p'uuru minachia mĩapit'ɨ mãɨnepa minachia sõk'achia beepit'ɨ, ãchi p'uuru chi minachia bɨade a p'anɨ pẽra mãɨnepa nepia uru p'anɨane a p'anɨ pẽra. Jãɨ p'uurupa nãɨya k'ɨ̃risia bɨma: “Mɨ chi atepe minachia k'awa bɨ wẽra, chi suak'a beeparí auk'ará bide suak'abari bɨ jĩra bɨma. Mɨ p'ẽtã́ jĩra bɨwẽma. Mɨ sõk'achia baiwẽma”.

Apocalipsi 3:17

Ara machi ɨbɨarãane a p'anɨma, ne ãarea uru p'anɨane a p'anɨma, mãɨnepa mãɨ ne ãpia pida newẽawẽa bɨade a p'anɨma. Maamina atua p'anɨma ara machi chichupuria p'anɨt'a, piawẽa p'anɨt'a, nenea p'anɨt'a, tau p'ãrio p'anɨt'a mãɨnepa ãk'adá p'anɨt'a.