Romano 11:12 - Tachi Ak'õre Pedea

¹² Judiorãpa Cristo itu bɨdada pẽra ãchi k'aepẽra Tachi Ak'õrepa jõma nãɨ ĩjũanepema judiorãwẽ minachia k'aripa bɨma. Mãɨpuru chi judiorã mãicha Tachi Ak'õre ome pia p'aneeuta ewaride ¿Tachi Ak'õrepa jõmãɨrã pia k'aripaiwẽk'ãra?

Romano 11:12 ပူးပေါင်းရင်းမြစ်များ

Hecho 3:21

Nãɨena Jesucristo pajãne bɨma aba Tachi Ak'õrepa ne ãarea mãicha pia oorudea. Tachi Ak'õrepa chõarãenapema ewaride chi ichi pari pedeapataɨrãnepa piarã mãɨya ooyade a basima.

Romano 11:15

Tachi Ak'õrepa judiorã itu bɨda pẽra waapẽarã nãɨ ĩjũanepemarã ichi ome pia bɨsima. Mãɨpuru Tachi Ak'õrepa judiorã mãicha pia jɨrɨ atarude ¿sak'aima? Ãchi sida piudaadarã jĩra p'anana Tachi Ak'õre ome chok'ae p'ananaipɨ.

Romano 11:25

Ũpẽarã, mɨa k'ɨ̃ria bɨma Tachi Ak'õrepa naena k'awapiwẽa bada mãrapa k'awadait'a. Mãɨya judiorã k'aepẽra pia be k'ɨ̃risiadaiwẽma. Tachi Ak'õrepa naena k'awapiwẽa bada nãɨpɨ: chok'ará judiorã k'ɨɨrɨwẽa p'aneesidama mãɨnepa mãɨya p'aneenaipɨ aba jõma chi Cristode ĩjãanai p'anɨ judiorãwẽpa ĩjãautadea.

Romano 11:33

Tachi Ak'õre minachia ne k'awa bɨma mãɨnepa k'ɨ̃risia k'awa bɨma. Ichia ooi k'ɨ̃risia bɨt'a mi ãpia pida p'ue k'awadaiwẽma. Ichia oo bɨ sida p'ue k'awadaiwẽma.

Romano 9:23

Mãɨya choasima ichi pia bɨ waibɨa bɨdepema ichia k'ĩra chupuria bɨ ẽpẽrarã́ k'awapii k'orea. Ãchi ichia naena jɨrɨ atasima ichi pia bɨdepema uru p'ananamẽrá.

Ep'esio 3:8

Jõma ẽpẽrarã Tachi Ak'õrenepemarã t'ãena mɨ k'aepe bɨmina, ichi sõpiadepa mɨt'u bɨsima judiorãwẽa chi Cristo k'orea nepia jõk'apɨ́ jarateamẽrá.

Colosense 1:27

Mãɨ pedea pia bɨt'a k'awapiwẽa bada ichidirã́ k'awapisima. Mãɨ pedea pia chi judiorãwẽ pae pida bɨma. Ichia k'awapiwẽa bada nãɨ: Cristo mãra sõne bɨma. Ichidepa k'awa p'anɨma ichi pia bɨdepema jitadaipɨ.