Romano 10:4 - Tachi Ak'õre Pedea

⁴ Maamina mãɨya p'ananai k'orea ãchia chi ley oopachidaedapema k'aepẽra, Cristopa ãarea oosima. Chi Cristode ĩjãauta Tachi Ak'õre k'ĩrari jĩp'a berã unuparima.

Romano 10:4 ပူးပေါင်းရင်းမြစ်များ

Mateo 3:15

Mãɨne Jesupa p'anoosima: —Nãɨena pɨa oopari jĩra oose. Tachia ãarea jĩp'a oodai p'anɨma Tachi Ak'õrepa oopi bɨ jĩra. Ara mãɨne Juanpa ĩjãasima.

Juan 1:17

Tachi Ak'õrepa naena Moisepa bɨda teasima, maamina Jesucristodepa tachiá k'awapisima ichi piarã sãmaasã́ bɨt'a mãɨnepa ichi sõpiadepa tachi minachia k'aripa bɨt'a.

Romano 3:22

Mãɨya Tachi Ak'õrepa ara ichia jararut'a ooparima, mãɨ Jesucristo ichi piuside ichi Ak'õre pedea ũri basi pẽra. Mãɨya ichia chi ãarea Jesude ĩjãautat'a chi ichidirã jĩp'a berã paara bɨparima. Aba pida k'ĩra awara unuk'ama.

1 Corintio 1:30

Mãawẽa Tachi Ak'õrepa mãra Jesucristo ome ará bɨsima. Mãɨya Cristodepa Tachi Ak'õrepa ichi k'ɨ̃risia tachiá k'awapisima. Ichia tachi jĩp'a bɨsima, ara ichi pae pia bɨsima, mãɨnepa nemietaadepema k'aripasima.

Gálata 3:24

Piarã Moisepa bɨdapuru tachi ua basima aba tachia Cristode ĩjãautadea. Cristo chek'ari ichide ĩjãa p'anɨ k'orea Tachi Ak'õrepa tachi chi ichidirã jĩp'a berã paara bɨparima.

Gálata 4:5

Tachi Ak'õrepa ichi peesima tachi mãɨ Moisepa bɨda juade beada k'aripak'ari ichi warrarã bɨi k'orea.

Colosense 2:10

Mãra Cristo ẽpẽrarã pẽra ichidepa nejõma uru p'anɨma Tachi Ak'õre ome pia p'ananai k'orea. Ichi chi chaarea berã chi Poro Chaareapɨ.

Colosense 2:17

Tachi Ak'õrepa jõma makɨɨ ooi bada tau t'aua unupi basima. Maamina ichia ooi bada Cristodepa jõma oosima.

Hebreo 10:14

Cristopa barimama ara ichi itu peapisidepa chi Tachi Ak'õre pae awara bɨdaɨrã jĩp'a bɨsima, mãɨya ewaricha p'ananamẽrá.