Romano 10:3 - Tachi Ak'õre Pedea

³ Ãchia k'awadak'ama sãmaasã́ Tachi Ak'õrepa ẽpẽrarã ichi p'uuru jĩp'a bɨ paara bɨit'a, ichia jarada jĩra. Mãɨ itu bɨdak'ari ara ãchia oo p'anɨnepa jɨrɨ p'anɨma Tachi Ak'õre p'uuru jĩp'a bɨ padai k'orea.

Romano 10:3 ပူးပေါင်းရင်းမြစ်များ

Luca 10:29

Maamina ichia unupiyá basima ichi jĩp'a bapari jĩra. Mãɨpa Jesua idisima: —Maamina “ẽpẽra abaɨ” ¿k'aima?

Luca 16:15

Mãɨne Jesupa ãchiá jarasima: «Mãra waapẽarã k'ĩrari ẽpẽra pia jĩra p'anapatama. Maamina Tachi Ak'õrepa k'awa bɨma mãra piarã sãmaasã́ p'anɨt'a. Ẽpẽrarãpa pia unupataɨ, mãɨ Tachi Ak'õrepa pia unuk'ama.

Romano 1:17

Mãɨ pedea piadepa Tachi Ak'õrepa k'awapi bɨma tachi k'aripait'a, ichia jara bɨ jĩra. Jesucristode ĩjãautarã mãɨya baipɨ. Tachi Ak'õre pedeade nãɨya bɨ bɨma: «Chi jĩp'a bɨt'a, Tachi Ak'õrene ĩjãa bɨdepa chok'ae baipɨ».

Romano 10:2

Mɨa jararuma ãchia Tachi Ak'õre piarã k'awa k'ɨ̃ria p'anɨ. Maamina Tachi Ak'õrepa k'ɨ̃ria bɨ k'orea piawẽa k'ɨ̃risia p'anɨma.

Romano 10:20

Mãɨnepa Isaíapa Tachi Ak'õrenepa ne wap'eawẽa nãɨya jarasima: «Chi mɨ jɨrɨdawẽa p'anarãpa mɨ unusidama. Chi mɨ k'orea ididawẽa p'ananarã́ ara mɨchi k'orea k'awapisima».

Romano 11:7

¿Mãɨnepema sãmaasã́ k'ɨ̃risia p'anɨma? Israel ĩjũanepemarãpa Tachi Ak'õre p'uuru padai jɨrɨ p'anamina, mãɨya oodaé pasima. Maamina israel ĩjũanepemarã chok'araawẽa p'anɨpa ĩjãasidama, Tachi Ak'õrepa jɨrɨ atada pẽra. Waapẽarãpa ĩjãanai k'ɨ̃rianaé pasima.

Romano 3:22

Mãɨya Tachi Ak'õrepa ara ichia jararut'a ooparima, mãɨ Jesucristo ichi piuside ichi Ak'õre pedea ũri basi pẽra. Mãɨya ichia chi ãarea Jesude ĩjãautat'a chi ichidirã jĩp'a berã paara bɨparima. Aba pida k'ĩra awara unuk'ama.

Romano 3:26

Idiapae ichia Jesucristodepa tachi k'aripa bɨma, ichi jĩp'a bɨ pẽra. Ichia jararut'a ara mãɨya oopari pẽra, chi Jesude ĩjãautat'a chi ichidirã jĩp'a berã paara bɨparima.

Romano 5:19

Piarã ẽpẽra aba bɨpa Tachi Ak'õrepa jarada oodawẽ pẽra chok'ará ẽpẽrarã nemietá oopataɨrã p'aneesidama. Mãɨnepa ẽpẽra abaɨpa Ichia jarada jõma ũrisi pẽra chok'ará ẽpẽrarã Tachi Ak'õrepa jĩp'a p'anɨane aipɨ.

2 Corintio 5:21

Cristopa nemietá ook'a pasima. Maamina tachi k'orea Tachi Ak'õrepa ichi nemietá ooparí jĩra unusima. Mãɨya Cristodepa Tachi Ak'õre jĩp'a bɨt'a waapẽarã́ p'ue unupipatama.

P'ilipense 3:9

mãɨnepa ichi ome bai k'orea. Mɨ ichi ome bɨwẽma chi Moisepa bɨdadepa, mãɨpari mãɨya bɨma Cristopa ichi Ak'õre pedea ook'ari, tachi k'orea piuda pẽra. Mɨa Cristode ĩjãa bɨ pẽra, Tachi Ak'õrepa mɨ ichi ome uru bɨma.

2 Pedro 1:1

Mɨ Simón Pedropɨ, Jesucristo pae pari mimiaparipɨ mãɨnepa ichia peedapɨ. Mɨa nãɨ k'art'a bɨruma chi Tachi Ak'õrene mãɨnepa Tachi K'aripaparí Jesucristode ĩjãapataɨrã pae. Ichi jĩp'a bɨ pẽra, mãra tai ome abarik'a pia ĩjãa p'anɨma.