Romano 10:2 - Tachi Ak'õre Pedea

² Mɨa jararuma ãchia Tachi Ak'õre piarã k'awa k'ɨ̃ria p'anɨ. Maamina Tachi Ak'õrepa k'ɨ̃ria bɨ k'orea piawẽa k'ɨ̃risia p'anɨma.

Romano 10:2 ပူးပေါင်းရင်းမြစ်များ

Juan 16:2

Judiorãpa mãra ãchi ará pedeapataɨ tedepema ãyá jerek'oadaipɨ. Mãɨ awara mãra peadai ewari paipɨ. Mãra peautade ãchia k'ɨ̃risiadaipɨ “Tachi Ak'õrepa k'ɨ̃ria bɨ oo p'anɨane” adait'a.

Hecho 21:20

Mãɨ ũrisidaɨde ũpẽarãpa Tachi Ak'õrea pia pedeasidama. Maapae Pabloa jarasidama: —Ũpẽa, pɨa k'awa bɨma judiorã minachia p'anɨrãpa Jesude ĩjãa p'anɨt'a mãɨnepa Moisepa bɨda minachia ĩjãa p'anɨt'a.

Hecho 21:28

Mãɨne jĩk'ua jara p'anasidama: «¡Israel ĩjũanepemarã, tai k'aripat'ɨ! Nãɨ ẽpẽrapa tuacha jaratea bɨma tachi israel ĩjũanepemarã, Moisepa bɨda mãɨnepa Tachi Ak'õre te minachia bɨ piawẽa bet'a. ¡Mãɨ awara griegorã Tachi Ak'õre te minachia bɨ edaria ateewãsima! ¡Nãɨ te abapuru Tachi Ak'õre pae bɨt'a mietá bɨsima!»

Hecho 22:22

Pablopa jara bɨt'a judiorãpa k'ĩup'ea ũri tuanasidama. Maamina Tachi Chiparipa ichi judiorãwẽmá peeyade aside jĩk'ua jara tuaneesidama: «¡Jãɨ ẽpẽra chok'ae bai pia bɨwẽma! ¡Peat'ɨ!»

Hecho 22:3

«Mɨ judiopɨ. Cilicia tuade Tarso p'uurude t'õsima. Maamina mɨ nãma Jerusalene warisima. Jarateaparí Gamalielpa mɨá ãarea tachi chõarãenapemarã Moisepa bɨdat'a minachia jarateasima. Mɨa Tachi Ak'õrene minachia ĩjãa bapachima mãrapa ĩjãapata jĩra.

Romano 10:1

Ũpẽarã, mɨa sõnepa k'ɨ̃ria bɨma Tachi Ak'õrepa israel ĩjũanepemarã k'aripait'a. Mãɨ k'orea mɨa Ichiá ɨt'aa chiidi baparima.

Romano 10:3

Ãchia k'awadak'ama sãmaasã́ Tachi Ak'õrepa ẽpẽrarã ichi p'uuru jĩp'a bɨ paara bɨit'a, ichia jarada jĩra. Mãɨ itu bɨdak'ari ara ãchia oo p'anɨnepa jɨrɨ p'anɨma Tachi Ak'õre p'uuru jĩp'a bɨ padai k'orea.

2 Corintio 4:4

Tachi Ak'õrene ĩjãanak'apɨɨrãmá chi mãɨ pia ũrinak'ama. Nãɨ ĩjũane tiore ãchi chiparipɨ. Ãchirã́ chi piarã pedea pia Cristo k'orea itu k'awapiwẽa bɨma tau p'ãrio oo bɨ jĩra. Mãɨya ãchia Cristo pia bɨ k'orea p'ue k'awadaiwẽma. Cristo Tachi Ak'õre pẽra mãɨya pia bɨma.

2 Corintio 4:6

Nãɨ ĩjũa jõma p'ãrio nɨbada Tachi Ak'õrepa ɨnaapisima. Ara mãɨ jĩra ichi ɨnaa bɨt'a tachi sõne ɨnaapisima. Mãɨpa jara bɨma ichi k'ĩrawãrea Cristodepa tachiá k'awapisit'a.

2 Corintio 8:3

Mɨa jararuma: ãchia erreara jitapata jĩra sõpiadepa teasidama. Mãɨnepa ãchia p'ue teadai p'anana wãyá teasidama.

Gálata 1:14

Judiorãpa jarateapataɨ mɨa atepe k'awaru pasima mɨ aɨk'aɨrã k'aepẽra, tai chõarãenapemarãpa oopataɨ minachia oopachideepuru.

Gálata 4:15

¿K'ãasãasima mãra naena arapá p'ananat'a? Mɨa piarã jararuma mãrapa p'ue oodaipara, ara machi tau noet'ai pasima mɨá teadai k'orea.

P'ilipense 1:9

Mɨa Tachi Ak'õrea ɨt'aa chiidi bɨma mãra minachia chi k'ɨ̃ria p'ananamẽrá, ichi pia k'awadamẽrá mãɨnepa sãmaasã́ nipadai p'anɨ k'awadamẽrá.

P'ilipense 3:6

Mɨa mãɨ judiorãpa oopachidaɨt'a ãarea minachia ũri bapachi pẽra chi Cristode ĩjãapataɨrã ẽp'ẽ wãpachima ãchi piawẽa ooi k'orea. Mãɨ judiorãpa oopachidaɨt'a jõma oo bapachi pẽra mi ãpia pida mɨ k'orea k'achia pedeadawẽa baipɨ.

Colosense 4:13

Mɨa jararuma: ũpẽa Epap'ra piarã mimia bɨma mãra k'aripai k'orea, jõma ũpẽarã Laodicea p'uurudepemarã mãɨnepa Hierápoli p'uurudepemarã k'aripai k'orea.