Romano 10:19 - Tachi Ak'õre Pedea

¹⁹ Mɨa mãicha idiruma: ¿Judiorãpa mãɨ pedea k'awadak'a pasik'ãra? Ãjã, k'awasidama judiorãwẽpa k'awadada jĩra. Mãɨ k'orea Moisepa bɨdade chi judiorã́ naa jarasima: «Chi mɨa jɨrɨ atadawẽ p'uuru k'aripa bɨdepa mɨa mãrá jiwaapiipɨ mɨ k'ɨ̃rianamẽrá. Chi k'ĩra k'ɨ̃risia nea bɨ p'uuru k'aripa bɨdepa mɨa mãra k'ĩruupik'apiipɨ mɨ k'ɨ̃rianamẽrá».

Romano 10:19 ပူးပေါင်းရင်းမြစ်များ

Romano 10:18

Maamina mɨa idiruma: ¿Judiorãpa mãɨ pedea ũrinaé pasik'ãra? Piarã ũrisidama. Tachi Ak'õre pedeade nãɨya bɨ bɨma: «Ichi k'orea jõma nãɨ ĩjũane jarasidama. Mãɨ pedea t'ɨmɨa jarade wãsidama».

Romano 11:11

Nãɨ mɨa idiruma: ¿judiorãpa Cristo itu bɨsida pẽra waa Tachi Ak'õre ome p'ue pia p'ananaiwẽk'ãra? ¡Mãɨyawẽma! Mãɨpari mãɨya oodada pẽra Tachi Ak'õrepa judiorãwẽ k'aripaparima. Mãɨya judiorãpa jiwá p'aneenak'ari ichi k'ɨ̃rianaipɨ.

Romano 11:14

Mɨa judiorãwẽa jaratea bɨdepa k'ɨ̃ria bɨma mɨ ẽpẽrarã judiorã pida mãɨ pedea ũri k'ɨ̃rianait'a, jiwá p'anɨ jĩra. Mãɨya Tachi Ak'õrepa eda ãchidiidepema k'aripaipɨ.

Romano 3:26

Idiapae ichia Jesucristodepa tachi k'aripa bɨma, ichi jĩp'a bɨ pẽra. Ichia jararut'a ara mãɨya oopari pẽra, chi Jesude ĩjãautat'a chi ichidirã jĩp'a berã paara bɨparima.

1 Corintio 1:12

Pia jaraideepara, waapẽarã mãranepemarãpa jarapatama: «Mɨ Pablodé». Waapẽarãpa jarapatama: «Mɨ Apolodé». Waapẽarãpa jarapatama: «Mɨ Pedrodé». Mãɨnepa waapẽarãpa jarapatama: «Mɨ Cristodé».

1 Corintio 10:19

Maamina mɨa sãdo piarãane a jarawẽa bɨma. Chi sãdorã́ ne k'iuru teada, chi tachia k'opataɨ k'iuru ara mãɨ jĩra bɨma.

1 Corintio 11:22

¿Mãra te nea p'anɨk'ãra mãma nek'odai k'orea mãɨnepa netodai k'orea? ¿Mãrapa ẽpẽrarã Tachi Ak'õrenepemarã unuemaa p'anɨwẽk'ãra? ¿Mãɨpa chi nenea k'ede p'erapi p'anɨwẽk'ãra? ¿Mɨa k'ãre jaraima? ¿Mãɨ k'orea mɨa mãra pia jaraik'ãra? Mãɨ k'orea pia jarawẽma.

1 Corintio 12:2

Mãrapa k'awa p'anɨma Tachi Ak'õrene ĩjãanak'apɨɨrã p'anaside paritua k'orea piawẽa k'ɨ̃risiapachidama. Juapa oodada sãdo bede ĩjãapachidama. Chok'ae p'anɨwẽ pẽra pedeadak'ama.

1 Corintio 15:50

Ũpẽarã, mɨa nãɨ jararuma: nãɨ ĩjũanepema k'ak'ua Tachi Ak'õre juade p'ue baiwẽma, ichidirã paara. Chi beraaparí k'ak'ua chi beraak'apɨ́ k'ak'uamá p'ue baiwẽma.

1 Corintio 7:29

Ũpẽarã, mɨa nãɨ jara k'ɨ̃ria bɨma: nãɨ ewari jõpodoruma. Mãɨ k'orea naapae chi ũpẽarã k'ima uru berãpa Tachi Ak'õre ode wã p'anɨt'a itu bɨdaiwẽa p'anɨma ãchi k'ima ome p'ananai k'orea. Mãɨpari chi k'ima nea bɨ jĩra p'ananai p'anɨma.

Tito 3:3

Piarã naena tachi sida k'ɨ̃risia piawẽa p'anasidama, Tachi Ak'õrene ĩjãanawẽa p'anasidama mãɨnepa piawẽa k'ɨ̃risia p'anasidama. Tachia nemietá oo k'ɨ̃ria berã mãɨnepa arapá oo k'ɨ̃ria berã, chipari pae pari mimiaparí jĩra jõma oopachidama. Paritua k'achiade nipapachidama, chĩarapa uru bɨ k'orea sõpiawẽa p'anapachidama, chĩarapa tachi unuemaapachidama, mãɨnepa tachia chĩara unuemaapachidama.

1 Pedro 2:10

Naena mãra Tachi Ak'õre p'uuruwẽ pasima, maamina naapae Tachi Ak'õre p'uurupɨ. Naena Tachi Ak'õrepa mãra k'ĩra chupuriawẽa basima, maamina naapae k'ĩra chupuria bɨma.