Romano 10:17 - Tachi Ak'õre Pedea

¹⁷ Piarã ẽpẽrarãpa Cristo k'orea naa ũrinai p'anɨma, ichide p'ue ĩjãanai k'orea.

Romano 10:17 ပူးပေါင်းရင်းမြစ်များ

Marco 4:24

Mãɨ awara Jesupa jarasima: «Mɨa jaratea bɨt'a jĩrak'aua ũrit'ɨ. Abaɨ pia bɨwẽane a jarapataɨ jĩra, ara mãɨya Tachi Ak'õrepa mãra pia bɨwẽane aipɨ mãɨnepa mãrá atepe k'awapiipɨ.

Luca 11:28

Maamina Jesupa jarasima: —Mãɨ k'aepẽra chi Tachi Ak'õre pedea ũrinak'ari oopataɨrã pia p'anɨma.

Luca 8:11

Mɨa nepɨrɨda nãɨya jara k'ɨ̃ria bɨma: chi net'a tau Tachi Ak'õre pedeapɨ.

Luca 8:21

Jesupa jarasima: —Tachi Ak'õre pedea ũrinak'ari ĩjãapataɨrã mãɨnepa mãɨ oopataɨrã, mãɨrãt'u mɨ naepɨ mãɨnepa mɨ ũpẽarãpɨ.

Juan 1:37

Mãɨ ũrinak'ari Juan ome p'ɨrrɨapataɨrã umepema Jesú k'aade wãsidama.

Romano 1:16

Mɨ p'erak'ama chi pedea pia Jesú k'orea jarateai k'orea, chi mãɨ pedea ĩjãauta Tachi Ak'õrepa ichi jua chaareadepa jõma k'aripapari pẽra; naa judiorã mãɨnepa judiorãwẽ sida.

Romano 10:14

Maamina ẽpẽrarãpa wapida Tachi Chipari Jesucristode ĩjãanawẽa p'anɨne ¿sãmaasã́ ichiá k'ĩra chupuria ididaima? Ichi k'orea wapida ũrinawẽa p'anɨne ¿sãmaasã́ ĩjãanaima? Mãɨnepa abaɨ pida ãchiá jarateade wãwẽpɨra ¿sãmaasã́ ichi k'orea ũrinaima?

2 Corintio 2:17

Taipa erreara atadai k'orea Tachi Ak'õre pedea jaratea nipadawẽma chok'araɨrãpa oopata jĩra. Mãɨpari Cristo ome p'anɨ pẽra Tachi Ak'õrepa tai peesima. Mãɨne ichi k'ĩrari k'ɨ̃risia piadepa jarateapatama.

Gálata 3:2

Mɨa nãɨ mãrá idiruma: Tachi Ak'õre Jaore jitasidaɨde, ¿mãrapa Moisepa bɨda oo p'anasidak'ãra? Wa ¿chi pedea Jesú k'orea ũrinak'ari ĩjãasidak'ãra?

Gálata 3:5

Tachi Ak'õrepa ichi Jaore mãrá teasi awara, ẽpẽerãpa ne p'ue oodak'apɨ́ mãra t'ãena oo bɨma. ¿Chi Moisepa bɨda oo p'anana k'orea mãɨya oo bɨk'ãra? ¿Mãɨya oowẽk'ãra chi pedea pia Cristo k'orea ũrinak'ari ĩjãasida pẽra?

Colosense 3:16

Pedea Cristo k'orea mãra sõne uru p'anat'ɨ. Jõma Tachi Ak'õre k'ɨ̃risiadepa chi jarateat'ɨ mãɨnepa chi k'aripat'ɨ pia ĩjãanai k'orea. Tachi Ak'õre pedeade bɨ bɨt'a k'arit'ɨ, ũpẽarãpa k'aripataɨ mãɨnepa Tachi Ak'õre Jaorepa k'aripiparí Tachi Ak'õrea k'arit'ɨ. Sõnepa Tachi Ak'õrea sõpia p'anɨane a p'anɨnepa k'arit'ɨ.

1 Tesalonicense 2:13

Taipa ewaricha mãra k'orea Tachi Ak'õrea sõpia p'anɨane apatama. Taipa Tachi Ak'õre pedea jarateadada mãrapa ũrisidaɨde, ẽpẽrarãpa k'ɨ̃risia p'anɨ jĩra ĩjãanaé pasima. Mãɨpari mãɨ pedea piarã Tachi Ak'õre pedeat'a k'awadada pẽra ĩjãasidama. Ara mãɨ pedeapa mãra chi Cristode ĩjãapataɨrã́ pia oopi bɨma.

Hebreo 4:2

Chi pedea pia Tachi Ak'õrepa ɨ̃apaapii k'orea tachia ũrisidama tachi chõarãenapemarãpa ũrinana jĩra. Tachia sõnepa ĩjãa p'anɨ pẽra Tachi Ak'õrepa ɨ̃apaapii bɨmá padaipɨ. Maamina tachi chõarãenapemarãpa ũrinak'ari ĩjãanaanawẽ pẽra mãɨ pedeapa ãchi p'ue k'aripaé pasima. Ãchi k'orea Tachi Ak'õrepa nãɨya jarasima: «K'ĩruu bɨde mɨa piarãnepa nãɨya jarasima: “Mɨa chi ãchi ɨ̃apaapii bɨmá p'ue eda wãnaiwẽma”». Mãɨya jarasima nãɨ ĩjũa oodaedadepa ichia ooi bada ãarea oo uru bɨmina.

1 Pedro 1:23

Nãɨ k'ak'ua piui bɨdepa mãra mãicha chiwidi t'õnaé pasima, mãɨpari Tachi Ak'õre piuk'apɨɨdepa mãicha chiwidi t'õsidama. Tachi Ak'õre pedea jõk'apɨɨpa, chok'ae babiparima. Mãɨ pedeadepa mãra chiwidi t'õsidama.

Apocalipsi 1:9

Mɨ mãra ũpẽa Juanpɨ. Tachi Jesucristo ome p'anɨ pẽra mɨ mãra ome Tachi Ak'õre juadepemapɨ, mãra ome minachia mĩa bɨma, mãɨnepa mãra ome ãarea choa bɨma. Tachi Ak'õre pedea jaratea bɨ k'orea mãɨnepa chi Jesú pedea piarãane a bɨ k'orea mɨ chi p'usade ĩjũa ãpia p'ɨrra bɨ Patmodea ateepisidama.