Romano 10:15 - Tachi Ak'õre Pedea

¹⁵ Tachi Ak'õrepa abaɨ pida peewẽpɨra, ¿sãmaasã́ jarateade wãnaima? Tachi Ak'õre pedeade nãɨya bɨ bɨma: «Chi pedea pia jarade cheuta minachia pia p'anɨma».

Romano 10:15 ပူးပေါင်းရင်းမြစ်များ

Mateo 9:38

Mãɨpuru chi ne uu ĩjũa Chiparia ɨt'aa chiidit'ɨ mimiapataɨrã ichi ne uu ĩjũamá peemẽrá.

Luca 10:1

Mãɨya bak'ari Tachi Chipari Jesupa ichi ome p'ɨrrɨapataɨrã awara setenta jɨrɨ atasima Tachi Ak'õre pedea jarade wãnamẽrá. Ichi wãi bɨ p'uuru becha umeemea naa peesima.

Luca 2:10

Maamina Tachi Ak'õrepa ɨt'aripa peedapa ãchiá jarasima: «Wap'earãt'ɨ. Mɨa pedea pia mãrá jarade chesima. Mãɨ pedea k'orea jõmãɨrã sõ arapá p'aneenaipɨ.

Luca 2:14

«¡Tachi Ak'õre ɨt'ɨ pajãne bɨ pi-ia bɨma! ¡Tachi Ak'õrepa pia unu bɨ ẽpẽrarã nãɨ ĩjũane ne k'ɨ̃risiadawẽa p'ananaima!»

Luca 8:1

Mãɨya bak'ari Jesú p'uuru waibɨa becha mãɨnepa p'uuru chak'e becha wãsima. Mãɨne jarapachima Tachi Ak'õrepa ichidirã ichi juade ua bɨ k'orea. Mãɨ pedea pia jaratea niparude ichia doce peedaɨrã ichi ome p'ɨrrɨapachidama.

Juan 20:21

Maapae Jesupa mãicha ãchiá jarasima: —Ne k'ɨ̃risiadawẽa p'anat'ɨ. Mɨ Ak'õrepa mɨ nãɨ ĩjũanea peeda jĩra mɨa mãra nãɨ ĩjũanea peeruma.

Hecho 10:36

Tachi Ak'õrepa chi pedea pia Jesucristo k'orea pedea peesima Israeldepemarã́, Tachi Ak'õre ome pia p'ananamẽrá. Mãɨ Jesucristo ãareaɨrã Chiparipɨ.

Hecho 13:26

»Mãra ũpẽarã Abrahanepa ununaanarã mãɨnepa mãra judiorãwẽ Tachi Ak'õre wap'ea berã, Tachi Ak'õrepa tachiá peesima mãɨ pedea ateewãnai k'orea.

Hecho 22:21

Maamina Tachi Chiparipa mɨá jarasima: “Wãse. Mɨa pɨ t'ɨmɨa judiorãwẽmá peeipɨ”».

Hecho 9:15

Maamina Tachi Chiparipa jarasima: —Wãse. Mɨa ichi jɨrɨ atasima mɨ k'orea pedeamẽrá judiorãwẽmá, ãchi poro jũra jɨ̃parí jɨ̃pataɨrã́ mãɨnepa israel ĩjũanepemarã́.

Romano 15:20

Piarã chi pedea pia Cristo k'orea mɨa jaratea k'ɨ̃ria bɨma waidi ũrinak'aɨrãmá. Abaɨpa jaratea bɨmá, mɨ mimia k'ɨ̃riawẽma.

Ep'esio 2:17

Cristo chesima, chi pedea pia Tachi Ak'õre ome ne k'ɨ̃risiawẽa bai k'orea, mãrá jarai k'orea, chi Tachi Ak'õrenepema t'ɨmɨa p'ananamá mãɨnepa chi Tachi Ak'õre k'ait'a p'ananamá.

Ep'esio 3:8

Jõma ẽpẽrarã Tachi Ak'õrenepemarã t'ãena mɨ k'aepe bɨmina, ichi sõpiadepa mɨt'u bɨsima judiorãwẽa chi Cristo k'orea nepia jõk'apɨ́ jarateamẽrá.

Ep'esio 6:15

Chi pedea pia Tachi Ak'õre ome pia baidepema jarade wãnai k'orea p'anat'ɨ, papaká bɨpa chõone wãi k'orea ichi jĩrune ne jɨ̃pari jĩra.

1 Pedro 1:12

Maamina Tachi Ak'õrepa k'awapida ãchia pedeadada ãchi paewẽ pasima, mãɨpari mãra paepuru pasima. Ãchia pedeadada naapae chi pedea pia Cristo k'orea jarateapataɨrãpa tachiá pia k'awapi p'anɨma, Tachi Ak'õre Jaore pajãnepa peedadepa. Makɨɨ Tachi Ak'õrepa ɨt'aripa peedarã pida k'awa k'ɨ̃ria p'anɨma.