Romano 10:14 - Tachi Ak'õre Pedea

¹⁴ Maamina ẽpẽrarãpa wapida Tachi Chipari Jesucristode ĩjãanawẽa p'anɨne ¿sãmaasã́ ichiá k'ĩra chupuria ididaima? Ichi k'orea wapida ũrinawẽa p'anɨne ¿sãmaasã́ ĩjãanaima? Mãɨnepa abaɨ pida ãchiá jarateade wãwẽpɨra ¿sãmaasã́ ichi k'orea ũrinaima?

Romano 10:14 ပူးပေါင်းရင်းမြစ်များ

Mateo 20:7

Ãchia p'anoosidama: “Abaɨ pida taiyá mimiat'a teadawẽma”. Mãɨne ichia jarasima: “Mãra sida mɨ uva k'ãena mimiane wãt'ɨ. Mãɨpari mɨa erreara ara machia mimiauta jĩra teaipɨ”.

Juan 20:31

Maamina ãarea nãɨ bɨsima mãrapa Jesú Tachi Ak'õrepa Tachi K'aripaparí teai jarada, Tachi Ak'õre Warrade ĩjãanamẽrá. Mãɨya ĩjãanaipɨra ichidepa chok'ae bai uru p'ananaipɨ.

Juan 9:36

Ichia jarasima: —¿Mãɨ k'aima? Mɨá jarase mɨa ichide piarã ĩjãai k'orea.

Hecho 19:2

Ichia mãɨ ũpẽarã́ idisima: —Mãrapa Jesude ĩjãasidaɨde ¿Tachi Ak'õre Jaore jitasidak'ãra? Ãchia p'anoosidama: —Taipa waidi Tachi Ak'õre Jaore k'orea ũrinak'ama.

Hecho 8:31

Ichia p'anoosima: —Abaɨpa mɨá jarateawẽpɨra mɨa ¿sãmaasã́ k'awaima? Mãɨne ichia P'elipea jarasima batook'ari ichi k'ait'a suak'a beemẽrá.

Romano 1:5

Jesucristodepa Tachi Ak'õrepa mɨ bɨsima ichia peeda bamẽrá. Ichidepa mãɨya bɨsima jõma tuachadepemarãpa Jesucristode ĩjãanamẽrá, ichi pedea oodamẽrá mãɨnepa ichiá pia pedeadamẽrá.

Ep'esio 2:17

Cristo chesima, chi pedea pia Tachi Ak'õre ome ne k'ɨ̃risiawẽa bai k'orea, mãrá jarai k'orea, chi Tachi Ak'õrenepema t'ɨmɨa p'ananamá mãɨnepa chi Tachi Ak'õre k'ait'a p'ananamá.

Ep'esio 4:21

Ũpẽarãpa chi piarã pedea Cristo k'orea pia jarateasidama, mãɨnepa piarã mãrapa ichi k'orea ũrinak'ari ĩjãasidama.

2 Timoteo 4:17

Maamina Tachi Chipari mɨ ome basima. Ichia mɨ jua chaarea beepisima ichi pedea jaramẽrá. Mãɨya jõma judiorãwẽa ará p'anɨpa ũrisidama. Mãɨne Tachi Chiparipa mɨ imama it'aedepema k'aripasima.

Tito 1:3

Maapae ichia bɨda ewaride mɨa jaratea bɨdepa ichi pedea Cristo k'orea pia k'awapisima. Mãɨ pedea Tachi Ak'õre chi K'aripaparipa mɨá jarateapisima.

Hebreo 11:6

Maamina chi Tachi Ak'õrene ĩjãak'apɨ́, Tachi Ak'õrepa mãɨ pia unuk'ama. Chi Tachi Ak'õremá che k'ɨ̃ria bɨpa ĩjãai bɨma Tachi Ak'õre piarã bɨt'a mãɨnepa ãarea chi ichi jɨrɨutat'a k'aripaparit'a.

Santiago 5:15

Mãɨnepa ĩjãa p'ananai p'anɨma Tachi Ak'õrepa ichi jɨpa beepiit'a. Mãɨya ɨt'aa chiididaipɨra Tachi Chiparipa jɨpa beepiipɨ. Chi k'ak'ua piawẽa badapa nemietá oosira, Tachi Chiparipa mãɨ k'ɨ̃risia atuaipɨ.