Romano 1:9 - Tachi Ak'õre Pedea

⁹ Tachi Ak'õrepa k'ɨ̃ria bɨt'a ãarea mɨ sõnepa oo bɨma, chi pedea pia ichi Warra k'orea jaratea bɨ pẽra. Ichia k'awa bɨma mɨa ɨt'aa chiidirucha mãra k'orea ɨt'aa chiidiparit'a.

Romano 1:9 ပူးပေါင်းရင်းမြစ်များ

Marco 1:1

Nãɨ chi pedea pia Tachi Ak'õre Warra Jesucristo k'orea bɨdapɨ. Naena chi Tachi Ak'õre pari pedeaparí Isaíapa nãɨya bɨsima: «Chi mɨ pari pedeaparí pɨ naa peeipɨ, pɨ pae o jarimẽrá.

Luca 18:1

Jesupa nepɨrɨdepa jarateasima Tachi Ak'õrea sẽnawẽa ɨt'aa chiididai p'anɨ.

Hecho 12:5

Pedro jɨ̃a uru p'anɨmisa ũpẽarãpa Tachi Ak'õrea minachia ɨt'aa chiidi p'anasidama ichi k'aripamẽrá.

Hecho 19:21

Mãɨya nak'ari Pablopa ichi sõnepa k'ɨ̃risiasima Macedonia tuade mãɨnepa Acaya tuade p'ɨrrɨak'ari Jerusalén p'uurudea wãit'a. Ichiaba jarasima: «Jerusalene bak'ari mɨ Roma p'uurudea wãi bɨma».

Hecho 24:14

Maamina mɨa pɨá nãɨ jararuma: mɨa tai chõarãenapemarã Tachi Ak'õrene ĩjãa bɨpɨ. Mɨ chi O Chiwidi apataɨdepemapɨ. Ãchia mãɨ O Chiwidi seade apatama maamina mɨa Moisepa bɨda mãɨnepa Tachi Ak'õre pari pedeapataɨrãpa bɨdada ãarea ĩjãa bɨma.

Hecho 27:23

Mɨ Tachi Ak'õrenepɨ. Ichide ĩjãa bɨma. Teamasi chi ichia ɨt'aripa peeda mɨk'á bai nɨbeek'ari,

Hecho 3:26

Tachi Ak'õrepa chi ichi pae pari mimiaparí Jesú chok'ae p'irabarik'ari naa mãramá peesima k'aripamẽrá. Machicha k'aripa bɨma mãrapa nemietá oopataɨ itu bɨdamẽrá».

Romano 9:1

Mɨ Cristode pẽra piarã pedea jararuma. Sea jarawẽma. Tachi Ak'õre Jaorepa mɨ sõne nãɨ pedea piarã ara k'awapi bɨma.

2 Corintio 1:23

Mɨa Tachi Ak'õre k'ĩrari jararuma: Corinto p'uurudea wãwẽa bɨma mãra minachia ɨtɨarudepa sõp'uapiemaapa.

2 Corintio 11:31

Tachi Pajãnepema Chipari Jesú Ak'õrea ewaricha pia pedeadai p'anɨma. Ichia k'awa bɨma mɨa sea jarak'ama.

Gálata 1:20

Tachi Ak'õre k'ĩrari mɨa mãrá jararuma: mɨa mɨ k'orea bɨrut'a seawẽma.

Ep'esio 6:18

Ewaricha ne ãarea k'orea Tachi Ak'õre Jaoredepa ɨt'aa chiidi p'anat'ɨ. Jõma ichi ẽpẽrarã k'orea tau pará, sẽnawẽa ɨt'aa chiidi p'anat'ɨ.

P'ilipense 1:3

Mɨa mãra k'ɨ̃risiarucha Tachi Ak'õrea sõpia bɨade aparima.

P'ilipense 1:4

Tachi Ak'õrea ɨt'aa chiidirucha mɨa mãra k'orea arapá ɨt'aa chiidiparima,

P'ilipense 2:22

Maamina mãrapa k'awa p'anɨma Timoteopa pia ooparit'a. Warrapa ichi ak'õre k'aripapari jĩra ichia chi pedea pia Cristo k'orea k'aripa jaratea bɨma.

P'ilipense 3:3

Maamina tachit'u chi piarã tauchaadaadarãpɨ. Tachiapuru Tachi Ak'õre Jaoredepa ichiá pia pedeapatama. Mãɨnepa Jesucristopa tachi k'orea ooda pia jarapatama. Tachia nãɨ k'ak'ua k'orea Tachi Ak'õrepa tachi jĩp'a p'anɨ unui k'ɨ̃risiadak'ama.

1 Tesalonicense 1:2

Taipa ewaricha Tachi Ak'õrea ɨt'aa chiidiutade mãra k'orea sõpia p'anɨane apatama.

1 Tesalonicense 3:10

Ãst'á mãɨnepa teamasi taipa Tachi Ak'õrea ɨt'aa chiidipatama mãra ak'ɨde wãnai k'orea. Mãɨya mãrapa Cristo k'orea waidi atua p'anɨ, taipa p'ue jarateadaipɨ jõma atepe ĩjãanamẽrá.

1 Tesalonicense 5:17

Ɨ̃apaadawẽa Tachi Ak'õrea ɨt'aa chiidi p'anat'ɨ.

1 Timoteo 2:7

Mãɨ k'orea mɨ ichi pedea jaraparí bɨsima. Mɨ ichia peeda bɨsima piarã pedea ichide ĩjãanai p'anɨ k'orea judiorãwẽmá jarateade wãmẽrá. Mɨa piarã jara bɨma. Seawẽma.

2 Timoteo 1:3

Ãst'á mãɨnepa teamasi mɨa Tachi Ak'õrea ɨt'aa chiidirude pɨ k'orea sõpia bɨade aparima. Tachi Ak'õrepa jara bɨt'a mɨa ooparima, mɨ chõarãenapemarãpa oodada jĩra. Mãɨ mɨ k'ɨ̃risiade mietá bɨwẽanepa ooparima.

P'ilemón 1:4

Mɨa Tachi Ak'õrea ɨt'aa chiidirucha sõpia bɨade aparima pɨ k'orea.