Romano 1:32 - Tachi Ak'õre Pedea

³² Ãchia minachia k'awa p'anɨma Tachi Ak'õrepa chi mãɨya oo berã minachia ɨtɨait'a. Maamina ara mãɨya oo nipapatama mãɨnepa waapẽarãpa abarik'a nemietá ooutade mãɨ pia bɨade a k'ɨ̃risiapatama.

Romano 1:32 ပူးပေါင်းရင်းမြစ်များ

Hecho 22:20

Chi pɨ k'orea pedea bɨ Esteban peasidaɨde mɨ sida arí basima. Ichi peautat'a mɨa pia unusima. Mãɨ awara ãchi neet'á ɨ̃rɨ jɨ̃pataɨ mɨa ak'ɨ basima”.

Hecho 8:1

Saulopa chi Esteban peadada k'orea pia unusima. Mãɨne waapẽarã Tachi Ak'õre wap'ea berãpa Esteban t'ɨbaridak'ari, ichi k'orea minachia jẽa p'aneesidama. Mãɨ ewaride ẽpẽerãpa Jerusalene Jesude ĩjãapataɨrã minachia mĩapi p'aneesidama. Mãɨpuru chi Jesude ĩjãapataɨrã ãarea Judea tuadea mãɨnepa Samaria tuadea mĩruwãsidama. Chi Jesupa peedaɨrã Jerusalene p'aneesidama.

Romano 1:18

Tachi Ak'õrepa pajãnepa k'awapi bɨma nemietá oo berã mãɨnepa jĩp'awẽa berã ichi k'ĩruupidepa ãarea ɨtɨait'a. Ãchia nemietá oo p'anɨnepa chi piarã pedea itu k'awapidak'ama.

Romano 1:21

Ãchia Tachi Ak'õre k'awa p'anasidamina ichiá pia pedeadaé pasima mãɨnepa sõpia bɨade adaé pasima. Mãɨpari k'ɨ̃risia newẽa berã jĩra p'aneesidama. Mãɨya piawẽa k'ɨ̃risiadak'ari p'ãrione p'aneesidama.

Romano 6:21

Maamina nemietá oo p'anɨnepa ¿k'ãre pia jitasidama? ¿Mãɨya oo p'anana k'orea, k'ĩra p'era p'anɨwẽk'ãra? Nemietá oo p'anɨ k'orea ẽpẽrarã piudaipɨ.

Romano 6:23

Piarã nemietá oo p'anɨ k'orea ẽpẽrarã piudaipɨ. Maamina Tachi Chipari Jesucristodepa Tachi Ak'õrepa ewaricha chok'ae bapiipɨ, ne pari tea bɨ jĩra.

2 Tesalonicense 2:12

Mãɨ ẽpẽrarã chi piarã pedea ĩjãawẽa p'anɨrãpa nemietá oo k'ɨ̃ria p'anɨ pẽra Tachi Ak'õrepa nepɨra pará p'anɨane aipɨ.