Romano 1:30 - Tachi Ak'õre Pedea

³⁰ Waapẽarã k'orea k'achia pedeapatama, Tachi Ak'õre unuemaapatama mãɨnepa waapẽarã k'ĩrari piawẽa pedeapatama. Waapẽarã k'aepẽra atepe p'anɨane a k'ɨ̃risiapatama mãɨnepa mãɨya jarapatama. Waapẽarã piawẽa oodai k'orea jɨrɨpatama. Ãchi ak'õre mãɨnepa nae pedea ũrinak'ama.

Romano 1:30 ပူးပေါင်းရင်းမြစ်များ

Mateo 15:4

Tachi Ak'õrepa nãɨya jarasima: “Pɨ ak'õre mãɨnepa pɨ nae wap'ea p'anat'ɨ”. Nãɨ sida jarasima: “Abaɨpa ichi ak'õre wa ichi nae k'orea k'achia pedeaipɨra, mãɨ nepɨra pará bɨade adak'ari, peapidaipɨ”.

Mateo 16:21

Mãɨ ewaridepa Jesupa ichi ome p'ɨrrɨapataɨrã́ jarapachima ichi Jerusalene minachia mĩai bɨ. Nãɨya jarasima: —P'uurudepema chaarearã juade, p'aarerã chi mãɨrã chaarearã juade mãɨnepa Moisepa bɨda jarateapataɨrã juade mɨ minachia mĩaipɨ. Mɨ peapidaipɨ maamina ewari ũpeaɨde chok'ae p'irabariipɨ.

Luca 21:16

»Ara mãra ak'õrepa, mãra ũpẽarãpa, mãra ẽpẽrarãpa, mãra k'õp'ãerorã pida mãra jitapidaipɨ. Mãɨya mãranepema peapidaipɨ.

Juan 7:7

Nãɨ ĩjũanepemarãpa mãra k'ĩramá p'anɨwẽma. Maamina mɨt'a k'ĩramaa p'anɨma, ãchia nemietá oopataɨ mɨa mietaade a jara bɨ pẽra.

Hecho 5:36

K'ɨ̃risiat'ɨ naena ẽpẽra Teudas apataɨ chi waapẽarã k'aepẽra ara ichi chi atepe ba k'ɨ̃ria basima. Ichi ome ẽpẽerã 400 p'anasidama. Maamina romanepemarãpa ichi peasidaɨde ãarea ichi ome p'anana jĩichoasidama. Maapae ãarea chi ichia ooi k'ɨ̃risia bada jõsima.

Romano 2:17

Mãra judiorãpa mãrat'u chi piarãpẽane apatama. Tachi Ak'õre pia k'awa p'anɨane apatama. K'ɨ̃risia p'anɨma ichia mãra k'aripait'a Moisepa bɨda uru p'anɨ pẽra.

Romano 2:23

Moisepa bɨda mãrapa minachia k'awa p'anɨane apatama. Maamina mãɨ Moisepa bɨdade jara bɨ ĩjãanawẽa p'anɨ pẽra, mãra k'orea waapẽarãpa Tachi Ak'õre k'orea piawẽa pedeapatama.

Romano 3:27

Mãɨpuru ¿k'ãre ara tachi k'orea pia pedeadaima? P'ue pia pedeadaiwẽma. ¿K'ãre k'orea? P'ue pia pedeadaiwẽma, Moisepa bɨda oo p'anɨnepa Tachi Ak'õrepa tachi chi ichidirã jĩp'a berã paara bɨiwẽ pẽra, mãɨpari Jesude ĩjãa p'anɨnepa mãɨya bɨipɨ.

2 Corintio 10:15

Waapẽarãpa oodada k'orea ara tai k'orea pia pedeadak'ama ara taipa oodada jĩra. Mãɨpari taipa k'ɨ̃ria p'anɨma mãrapa Cristode pia ĩjãanait'a. Mãɨya taipa mãra tuade p'ue pia jarateadaipɨ ara Tachi Ak'õrepa oopi bɨ jĩra.

2 Corintio 12:20

Mɨa wap'ea bɨma mãramá wãk'ari mãra unuiwẽma mɨa k'ɨ̃ria bɨ jĩra. ¡Mãɨnepa mãrapa mɨ ununaiwẽma mãrapa k'ɨ̃ria p'anɨ jĩra, mãra ɨtɨai bɨdeepuru! Piarã mɨa wap'ea bɨma mãramá wãrune, unuipɨ mãra k'ĩruu pedea p'anɨt'a, waapẽarãpa ne uru be k'orea piawẽa p'anɨt'a, k'ĩruu p'anɨt'a, ara machi pia p'ananai k'orea jɨrɨ p'anɨt'a, waapẽarã k'orea k'achia pedea p'anɨt'a, waapẽarã k'orea sea jara p'anɨt'a, chi atepe bɨ jĩra k'ɨ̃risia p'anɨt'a mãɨnepa k'ĩruupik'a para p'anɨt'a.

2 Tesalonicense 2:4

Mãɨ ẽpẽra k'achia bɨpa Tachi Ak'õre k'ɨ̃riawẽa baipɨ. Ichiaba jõmãɨrãpa nãɨ ĩjũanepema tachi ak'õreane apataɨ k'ɨ̃riawẽa baipɨ. Ichia ãarea mãɨ k'aepẽra chi atepe minachia k'awa bɨade aipɨ. Mãɨpuru Tachi Ak'õre te minachia bɨde suak'abari beek'ari ichit'a Tachi Ak'õreane aipɨ.

2 Timoteo 3:2

Ẽpẽrarãpa ne ãarea ara ãchi pae k'ɨ̃rianaipɨ, erreara awaa p'ananaipɨ, ãchi pia beade adaipɨ, chi atepe bɨ jĩra k'ɨ̃risiadaipɨ, chĩara k'orea k'achia pedeadaipɨ, ãchi ak'õre mãɨnepa nae pedea ĩjãanak'á p'ananaipɨ, ãchi k'ariparu ẽpẽrá sõpia bɨade adak'á p'ananaipɨ, mãɨnepa Tachi Ak'õre wap'eadak'á p'ananaipɨ.

Tito 3:3

Piarã naena tachi sida k'ɨ̃risia piawẽa p'anasidama, Tachi Ak'õrene ĩjãanawẽa p'anasidama mãɨnepa piawẽa k'ɨ̃risia p'anasidama. Tachia nemietá oo k'ɨ̃ria berã mãɨnepa arapá oo k'ɨ̃ria berã, chipari pae pari mimiaparí jĩra jõma oopachidama. Paritua k'achiade nipapachidama, chĩarapa uru bɨ k'orea sõpiawẽa p'anapachidama, chĩarapa tachi unuemaapachidama, mãɨnepa tachia chĩara unuemaapachidama.

Santiago 3:5

Ara mãɨya tachi k'ĩrame ãpia k'ɨrɨmina ara ichi k'orea joodoa minachia pedeaparima. Nãɨne k'ɨ̃risiat'ɨ: t'ɨpɨ tau ãpia urua bɨpa oi ĩjũa waibɨa bɨ ãarea paapiparima.

Santiago 4:16

Maamina mãrapa mãɨya oodak'ama. Mãɨpari chi atepe p'anɨrã k'ɨ̃risia p'anɨ pẽra jarapatama machia oo k'ɨ̃ria p'anɨt'a p'ue oodait'a. Piarã mãɨ k'achiapɨ.

2 Pedro 2:18

Ãchia pedea auk'ará jarateapatamina, mãɨpa tachi k'aripak'ama. Ãchia jarateapatama nãɨ k'ak'uapa nemietá oo k'ɨ̃ria bɨ oodai p'anɨ. Mãɨya chi tãaraawẽa nemietaadepema wãnana berã ãchia seapatama mãicha nemietá oodamẽrá.

Juda 1:16

Mãɨ ẽpẽerã ne wariwẽa bɨ k'orea k'ĩroopatama, mãɨnepa waapẽarã k'orea ara ne wariwẽa bɨ k'orea pedeapatama. Abapuru ãchia k'ɨ̃ria p'anɨt'a jɨrɨpatama. Minachia be jĩra pedeapatama. Chi waapẽarã seapatama, chi ara ãchia k'ɨ̃ria p'anɨ jɨrɨdai k'orea.