Romano 1:28 - Tachi Ak'õre Pedea

²⁸ Ãchia Tachi Ak'õre itu bɨdada pẽra ichia itu bɨsima nemietá k'ɨ̃risiadak'ari, chi tachia oodaiwẽa p'anɨt'a mãɨya oo p'ananamẽrá.

Romano 1:28 ပူးပေါင်းရင်းမြစ်များ

Hecho 17:23

P'uurude p'ɨrrɨa nine mɨa unusima juapa oodada sãdo te minachia p'anɨt'a. Ne paateapataɨde nãɨ pedea bɨ basima: “Tachi Ak'õre chi tachia atua p'anɨ pae ooda”. Chi mãrapa atua p'anɨ Tachi Ak'õrea, mãɨa pia pedeapatama. Ara mãɨ Tachi Ak'õre k'orea mɨa mãrá jararuma.

Hecho 17:32

Mãɨ piu bada chok'ae p'irabaripida k'orea ũrisidaɨde chi eda waapẽarã eesidama. Maamina waapẽarãpa jarasidama: —Mãicha ewariaba pɨa pedea bɨt'a mãicha ũrinaipɨ.

Romano 1:18

Tachi Ak'õrepa pajãnepa k'awapi bɨma nemietá oo berã mãɨnepa jĩp'awẽa berã ichi k'ĩruupidepa ãarea ɨtɨait'a. Ãchia nemietá oo p'anɨnepa chi piarã pedea itu k'awapidak'ama.

Romano 1:21

Ãchia Tachi Ak'õre k'awa p'anasidamina ichiá pia pedeadaé pasima mãɨnepa sõpia bɨade adaé pasima. Mãɨpari k'ɨ̃risia newẽa berã jĩra p'aneesidama. Mãɨya piawẽa k'ɨ̃risiadak'ari p'ãrione p'aneesidama.

Romano 1:24

Mãɨ k'orea Tachi Ak'õrepa itu bɨsima ãchi sõne nemietá oo k'ɨ̃ria bɨt'a oodamẽrá. Mãɨpuru k'ĩra p'era oo p'aneesidama.

Romano 1:26

Mãɨpuru Tachi Ak'õrepa itu bɨsima k'ĩra p'era oodamẽrá. Wẽra ɨmɨk'ĩra ome k'ãii pada itu bɨdak'ari abarik'a wẽra ome k'ãi p'aneesidama.

1 Corintio 15:34

Jĩp'a k'ɨ̃risiat'ɨ. Nemietá waa oorãt'ɨ. Chi eda mãranepemarãpa Tachi Ak'õre atua p'anɨma. Mãɨ k'orea mãra p'eradai p'anɨma.

2 Corintio 10:5

Jõma k'ɨ̃risia piawẽa be mãɨnepa chi tachi k'ak'ua atepe k'ɨ̃riapataɨ Tachi Ak'õre k'orea itu k'awapidak'aɨ, taipa mãɨ seat'a k'awapipatama. Ẽpẽrarãpa ãchi nek'ĩramá eda jɨ̃a nɨbɨuta jĩra taipa chi mãɨya k'ɨ̃risia be jĩp'a k'ɨ̃risiapipatama Cristode ĩjãanamẽrá.

Ep'esio 5:4

Pedea mietá, nepɨra piawẽa, mãɨnepa pedea mietaadepa nepɨrɨrãtɨ, mãɨya pedeait'a pia bɨwẽ pẽra. Mãɨpari Tachi Ak'õrea sõpia bɨade at'ɨ.

2 Timoteo 3:8

Jãɨrã ẽpẽrarãpa chi piarã pedea itu bɨpatama. Jane apataɨ mãɨnepa Jambre apataɨ jĩra oopatama, chi Moisé pedea itu bɨsidaɨt'a. Ãchi k'ɨ̃risia k'achia k'ɨ̃risiapatama mãɨnepa Cristode piarã ĩjãanak'ama.

Tito 1:16

Ãchia jarapatama Tachi Ak'õre k'awa p'anɨt'a, maamina ãchia oo p'anɨnepa unupipatama ichi itu bɨ p'anɨt'a. Ãchi k'ɨɨrɨwẽa be mãɨnepa nepia oodai k'orea p'ananak'ama. Ãchia oopataɨ Tachi Ak'õrepa k'ɨ̃riak'ama.

P'ilemón 1:8

Mãɨ k'orea pɨá idiruma mɨa jararut'a oomẽrá. Cristodepa mɨa, pɨá mãɨ p'ue oopi bɨmina, mãɨya oopiiwẽma.

2 Pedro 3:5

Mãɨ ẽpẽrarãpa ĩjãa k'ɨ̃rianawẽma chõarãena Tachi Ak'õre pedeapa pajã oosit'a, ĩjũa p'usa ek'aripa ochiapisit'a, mãɨnepa panianepa mãɨya oosit'a.