Romano 1:27 - Tachi Ak'õre Pedea

²⁷ Ara mãɨ jĩra ɨmɨk'ĩra wẽra ome k'ãii pada itu bɨdak'ari abarik'a ɨmɨk'ĩra chi k'ɨ̃rianak'ari k'ĩra p'era oo p'aneesidama. Mãɨ nemietá oo p'anɨ k'orea Tachi Ak'õrepa ãchi ɨtɨaipɨ, ichia ɨtɨai bɨ jĩra.

Romano 1:27 ပူးပေါင်းရင်းမြစ်များ

1 Corintio 6:9

¿Mãrapa atua p'anɨk'ãra chi nemietá oopataɨrã Tachi Ak'õre juade p'ananaiwẽt'a, ichidirã paara? ¡Ara machi tuaba searãt'ɨ! Chi k'ak'uadepa nemietá oopataɨrã, juapa oodada sãdo k'ĩrari ɨt'aa chiidi berã, k'ima awaraɨ ome k'ãipataɨrã, ɨmɨk'ĩra wẽra jĩra beapataɨrã, ɨmɨk'ĩra abarik'aɨ ome beapataɨrã, nechɨapataɨrã, erreara awaa berã, piu nipapataɨrã, seadepa waapẽarã k'orea k'achia pedeapataɨrã mãɨnepa waapẽarã seapataɨrã sida Tachi Ak'õre p'uurude p'ananaiwẽma.

Juda 1:7

Ara mãɨ jĩra Tachi Ak'õrepa Sodomanepemarã, Gomorradepemarã, mãɨnepa ãchi k'ait'a be p'uurudepemarã sida ɨtɨasima. Mãɨ ẽpẽrarãpa k'ĩranejasia oopachidama. Nejõma nemietá tachi k'ak'uapa ooiwẽa bɨt'a oopachidama. Mãɨpuru Tachi Ak'õrepa ãchi t'ɨpɨ urua k'iik'ade ewaricha minachia mĩa uru bɨma. Mãɨpa k'awapi bɨma nemietá oopataɨrã ãarea mãɨya minachia mĩa p'ananait'a.