Romano 1:23 - Tachi Ak'õre Pedea

²³ Tachi Ak'õre piuk'apɨ́ pia bɨt'a itu bɨsidama. Maapae ẽpẽra piupari jĩra sãdo oodak'ari mãɨa pia pedea p'aneesidama. Ichiaba sãdo wawaria ook'oasidama: ĩpanarã, ãnimara bɨɨrɨ k'ĩmari berã mãɨnepa ãnimara ĩjũane urrujupataɨrã, mãɨrã́ pia pedeadai k'orea.

Romano 1:23 ပူးပေါင်းရင်းမြစ်များ

Hecho 10:12

Mãɨ p'arude eda ne wawaria ãnimara p'anasidama, bɨɨrɨ k'ĩmari be, ĩjũane urrujupataɨrã mãɨnepa ĩpanarã. (Chi eda waapẽarã ãnimara judiorãpa k'odak'a pasima).

Hecho 17:29

»Tachi Ak'õre warrarãpɨra, k'ɨ̃risiadaiwẽa p'anɨma Tachi Ak'õre nee oodat'a, p'arat'a oodat'a wa mawara oodat'a, mãɨ ẽpẽrapa ara ichi k'ɨ̃risiadepa ooda pẽra.

Romano 1:25

Chi Tachi Ak'õre piarãpẽat'a itu bɨdak'ari chi seat'a oo p'aneesidama. Tachi Ak'õrepa nejõma oodamina ichi k'aepẽra ichia oodat'a ĩjãa p'aneesidama mãɨnepa mãɨa pia pedea p'aneesidama. Maamina tachia Tachi Ak'õreapuru ewaricha pia pedeadai p'anɨma. Mãɨya beese.

1 Corintio 12:2

Mãrapa k'awa p'anɨma Tachi Ak'õrene ĩjãanak'apɨɨrã p'anaside paritua k'orea piawẽa k'ɨ̃risiapachidama. Juapa oodada sãdo bede ĩjãapachidama. Chok'ae p'anɨwẽ pẽra pedeadak'ama.

1 Pedro 4:3

Naena mãrapa nemietá oo p'anapachidama, chi Tachi Ak'õrene ĩjãanak'apɨɨrãpa oopata jĩra. ¡Waa mãɨya oorãt'ɨ! Waapẽarã taade ne k'ĩra p'era oo oopachidama, nãɨ k'ak'uapa nemietá oo k'ɨ̃ria bɨ oopachidama, piu nipapachidama, arapá oopataɨde minachia nemietá oopachidama, waapẽarã paara it'ua minachia topachidama mãɨnepa tachi juapa oodada sãdo k'ɨ̃riapachidama. Mãɨ Tachi Ak'õrepa k'ɨ̃riak'ama.

Apocalipsi 9:20

Chi ẽpẽerã mãɨ mãɨya badadepa piudadawẽpa wapida ãchia nemietá oodai mãɨnepa tiorerãne ĩjãanai itu bɨdaé pasima. Juapa oodada sãdo itu bɨdaé pasima: chi nee ooda, p'arat'a ooda, bronce ooda, mawara ooda mãɨnepa pak'uru ooda mãɨrã ãarea itu bɨdaé pasima. Mãɨrã ãstu ununak'ama, ũrinak'ama, mãɨnepa wãnak'ama.