Romano 1:17 - Tachi Ak'õre Pedea

¹⁷ Mãɨ pedea piadepa Tachi Ak'õrepa k'awapi bɨma tachi k'aripait'a, ichia jara bɨ jĩra. Jesucristode ĩjãautarã mãɨya baipɨ. Tachi Ak'õre pedeade nãɨya bɨ bɨma: «Chi jĩp'a bɨt'a, Tachi Ak'õrene ĩjãa bɨdepa chok'ae baipɨ».

Romano 1:17 ပူးပေါင်းရင်းမြစ်များ

Juan 3:36

Chi ichi Warrade ĩjãa bɨ Tachi Ak'õre ome ewaricha chok'ae baipɨ, maamina chi ichi Warra itu bɨru, mãɨ Tachi Ak'õre ome ewaricha chok'ae baiwẽma. Ara nãɨena Tachi Ak'õrepa ichi ɨtɨa uru bɨma.

Romano 10:3

Ãchia k'awadak'ama sãmaasã́ Tachi Ak'õrepa ẽpẽrarã ichi p'uuru jĩp'a bɨ paara bɨit'a, ichia jarada jĩra. Mãɨ itu bɨdak'ari ara ãchia oo p'anɨnepa jɨrɨ p'anɨma Tachi Ak'õre p'uuru jĩp'a bɨ padai k'orea.

Romano 3:21

Maamina idiapae Tachi Ak'õrepa k'awapisima mãɨ Moisepa bɨ bada awara sãmaasã́ ẽpẽrarã chi ichidirã jĩp'a berã paara bɨpariit'a ara ichia jara bada jĩra. Moisepa bɨdade mãɨnepa Tachi Ak'õre pari pedeapataɨrãpa bɨdada k'art'ade pida mãɨ k'orea bɨ bɨma.

Romano 3:22

Mãɨya Tachi Ak'õrepa ara ichia jararut'a ooparima, mãɨ Jesucristo ichi piuside ichi Ak'õre pedea ũri basi pẽra. Mãɨya ichia chi ãarea Jesude ĩjãautat'a chi ichidirã jĩp'a berã paara bɨparima. Aba pida k'ĩra awara unuk'ama.

Romano 3:3

Maamina chi eda ãchidiidepemarãpa chi ãchia oodai p'anɨ jĩra oodaé pasima. ¿Mãɨ k'orea Tachi Ak'õrepa ooi jarada ooiwẽk'ãra?

Romano 9:30

¿Mãɨpa k'ãre jara bɨma? Judiorãwẽpa jɨrɨdak'a pasima chi Tachi Ak'õre p'uuru jĩp'a bɨ padai k'orea. Maamina mãɨya p'aneesidama Cristode ĩjãanana pẽra.

2 Corintio 3:9

Piarã mãɨ Moisepa bɨdapa ẽpẽrarã piudai p'anɨane a jara bɨmina minachia pia bɨma. Maamina Tachi Ak'õrepa pedea chiwidi bɨda atepe piipará bɨma. Mãɨpa k'awapi bɨma sãmaasã́ Tachi Ak'õrepa tachi nepɨra newẽa p'anɨane aparit'a.

2 Corintio 5:21

Cristopa nemietá ook'a pasima. Maamina tachi k'orea Tachi Ak'õrepa ichi nemietá ooparí jĩra unusima. Mãɨya Cristodepa Tachi Ak'õre jĩp'a bɨt'a waapẽarã́ p'ue unupipatama.

Gálata 3:11

Piarã tachia pia k'awa p'anɨma Moisepa bɨda oo bɨdepa Tachi Ak'õrepa mi ãpia pida chi ichidirã jĩp'a berã paara bɨit'a. Tachi Ak'õre pedeade nãɨya bɨ bɨma: «Chi jĩp'a bɨt'a, Tachi Ak'õrene ĩjãa bɨdepa chok'ae baipɨ».

P'ilipense 3:9

mãɨnepa ichi ome bai k'orea. Mɨ ichi ome bɨwẽma chi Moisepa bɨdadepa, mãɨpari mãɨya bɨma Cristopa ichi Ak'õre pedea ook'ari, tachi k'orea piuda pẽra. Mɨa Cristode ĩjãa bɨ pẽra, Tachi Ak'õrepa mɨ ichi ome uru bɨma.

Hebreo 10:38

Chi mõré jĩp'a bɨ mɨne ĩjãa bɨdepa chok'ae baipɨ. Maamina chi ichia ĩjãa bɨt'a itu bɨsira, mɨa ichi pia unuiwẽma».