Romano 1:16 - Tachi Ak'õre Pedea

¹⁶ Mɨ p'erak'ama chi pedea pia Jesú k'orea jarateai k'orea, chi mãɨ pedea ĩjãauta Tachi Ak'õrepa ichi jua chaareadepa jõma k'aripapari pẽra; naa judiorã mãɨnepa judiorãwẽ sida.

Romano 1:16 ပူးပေါင်းရင်းမြစ်များ

Marco 8:38

Abaɨpa nãɨ ĩjũane nemietá oo be t'ãena mɨ mãɨnepa mɨ pedea atua bɨade aipɨra, mɨ, chi Ẽpẽra Warra jua chaarea pará bɨ cherude mãɨ ẽpẽra atua bɨade aipɨ. Mãɨ ewaride mɨ Ak'õre jua chaarea bɨdepa cheipɨ, chi ichia ɨt'aripa peedaɨrã pia berã paara».

Luca 9:26

Abaɨpa mɨ mãɨnepa mɨ pedea atua bɨade aipɨra, mɨ, chi Ẽpẽra Warra jua chaarea bɨdepa cherude, mãɨ ẽpẽra atua bɨade aipɨ. Mãɨ ewaride mɨ Ak'õre jua chaarea bɨdepa mãɨnepa chi ichia ɨt'aripa peedaɨrã jua chaarea bɨdepa cheipɨ.

Juan 7:35

Mãɨ k'orea judiorã chi arí berãpa ara ãchi tuaba jara tuanasidama: —¿Sãmá wãi pẽra tachia ichi waa ununaiwẽane a bɨma? ¿Griegodepemarã tuadea wãik'ãra judiorã jãma berã́ jarateai k'orea?

Hecho 3:26

Tachi Ak'õrepa chi ichi pae pari mimiaparí Jesú chok'ae p'irabarik'ari naa mãramá peesima k'aripamẽrá. Machicha k'aripa bɨma mãrapa nemietá oopataɨ itu bɨdamẽrá».

Romano 10:17

Piarã ẽpẽrarãpa Cristo k'orea naa ũrinai p'anɨma, ichide p'ue ĩjãanai k'orea.

Romano 15:19

mãɨnepa ẽpẽerãpa ne p'ue oodak'apɨɨdepa mãɨya k'aripasima. Mɨa Tachi Ak'õre Jaore jua chaareadepa jõma mãɨ ãarea oosima. Jerusalenepa Ilírico tuadea chi pedea pia Cristo k'orea mɨa jõma jarateai badamá jarasima.

Romano 15:29

Mɨa k'awa bɨma mãramá cherude Cristopa tachi minachia k'aripait'a.

Romano 2:9

Ichia ɨtɨarude jõma nemietá oo berã minachia mĩa p'ananaipɨ mãɨnepa sõp'ua p'ananaipɨ. Naa judiorã mãɨnepa judiorãwẽ sida mãɨya p'ananaipɨ.

Romano 4:11

Abrahanpa Tachi Ak'õrene ĩjãana pẽra, k'ak'ua tauchaawẽa badamina Tachi Ak'õrepa ichi nepɨra newẽa bɨade a jarasima. Mãɨ k'awapii k'orea Abrahanpa k'aadea ichi k'ak'ua tauchaasima. K'ak'ua tauchaawẽa berãpa Tachi Ak'õrene ĩjãanaipɨra, Abrahán ãchi ak'õrepɨ, abarik'a ĩjãa p'anɨnepa Tachi Ak'õrepa nepɨra newẽa p'anɨane a jara bɨ pẽra.

1 Corintio 15:2

Mɨa jarateada piarã ĩjãa p'ananaipɨra, Tachi Ak'õrepa k'aripaipɨ. Mãɨyawẽpɨra, machia pari ĩjãasidama.

1 Corintio 2:2

Mãra t'ãena baside mɨa abapuru Jesucristo k'orea mãɨnepa ichi k'urusude peadada k'awapi k'ɨ̃ria basima.

1 Corintio 2:4

Mɨa Jesú k'orea jaratea baside mɨ k'ɨ̃risiadepa mãɨya ooé pasima mãrapa ĩjãanamẽrá. Mãɨpari Tachi Ak'õre Jaorepa ichi jua chaareadepa k'awapisima mãɨ pedea piarãt'a.

1 Corintio 9:12

Waapẽarã jarateapataɨrãpa mãranepa ne jitadai p'anɨpɨra, taipa ãchi k'aepẽra ne atepe jitadai p'anɨma. Maamina ne ididak'ama. Mãɨpari jõma choa p'anɨma ẽpẽrarãpa chi pedea pia Cristo k'orea piawẽa k'ɨ̃risiapidaemaapa.

1 Corintio 9:18

Mãɨyara ¿mɨa jaratea bɨ k'orea, k'ãre jitaima? Ne jitaiwẽma. Sõ arapá bɨma chi pedea pia Cristo k'orea pari jaratea bɨ pẽra. Mɨa jaratea bɨ k'orea ne jitai bɨmina, ne idik'ama.

2 Corintio 2:12

Mɨ Troa p'uurudea wãsima chi pedea pia Cristo k'orea jarateai k'orea. Mãma Tachi Chiparipa eda wãpataɨ ewaru jĩra oosima ẽpẽrarãpa ũri k'ɨ̃rianamẽrá.

2 Corintio 4:4

Tachi Ak'õrene ĩjãanak'apɨɨrãmá chi mãɨ pia ũrinak'ama. Nãɨ ĩjũane tiore ãchi chiparipɨ. Ãchirã́ chi piarã pedea pia Cristo k'orea itu k'awapiwẽa bɨma tau p'ãrio oo bɨ jĩra. Mãɨya ãchia Cristo pia bɨ k'orea p'ue k'awadaiwẽma. Cristo Tachi Ak'õre pẽra mãɨya pia bɨma.

2 Corintio 9:13

Mãrapa k'aripa p'anɨnepa unupi p'anɨma chi pedea pia Cristo k'orea piarã ĩjãa p'anɨt'a. Sõpiadepa chi ũpẽarã́ tea p'anɨma mãɨnepa jõmãɨrã k'aripa p'anɨma. Mãɨ k'orea Tachi Ak'õrea pia pedeadaipɨ.

Gálata 1:7

Piarã chi pedea pia waa awara newẽma. Maamina chi eda waapẽarãpa mãrá piawẽa k'ɨ̃risiapipatama pedea pia Cristo k'orea piawẽa jaratea p'anɨ pẽra.

1 Tesalonicense 2:13

Taipa ewaricha mãra k'orea Tachi Ak'õrea sõpia p'anɨane apatama. Taipa Tachi Ak'õre pedea jarateadada mãrapa ũrisidaɨde, ẽpẽrarãpa k'ɨ̃risia p'anɨ jĩra ĩjãanaé pasima. Mãɨpari mãɨ pedea piarã Tachi Ak'õre pedeat'a k'awadada pẽra ĩjãasidama. Ara mãɨ pedeapa mãra chi Cristode ĩjãapataɨrã́ pia oopi bɨma.

1 Timoteo 1:11

Tachia chi Tachi Ak'õre k'orea pedea pi-ia jarateautade, mãɨ ãarea k'awapidaipɨ. Tachi Ak'õre pia bɨpa mãɨ mɨá teasima jaratea bamẽrá.

2 Timoteo 1:12

Mãɨ k'orea mɨ mãɨya mĩa bɨma. Maamina p'erawẽa bɨma. Mɨa k'awa bɨma k'aide ĩjãa bɨt'a. Mãɨnepa k'awa bɨma mɨa ichi juade ne bɨda ak'ɨmẽrá, mãɨ ichia p'ue ak'ɨi bɨt'a, aba ichia ɨtɨai ewaridea.

2 Timoteo 1:16

Maamina mɨa k'ɨ̃ria bɨma Tachi Chiparipa ũpẽa Onesíp'oro tedepemarã k'ĩra chupuria bamẽrá. Ichia mɨ bari k'ak'o minachia k'aripasima. Mɨ k'ãnenapa jɨ̃ bɨmina mɨ k'orea k'ĩra p'eraé pasima.

2 Timoteo 1:8

Mãɨpuru Tachi Chipari Jesucristo k'orea jarai k'orea p'erarãse. Mɨ Jesucristo k'orea eda serra bɨmina, mɨ k'orea p'erarãse. Mãɨpari chi Jesú k'orea pedea pia jaratearude Tachi Ak'õre jua chaareadepa pɨ sida mĩai k'orea choa base.

Hebreo 4:12

Piarã Tachi Ak'õre pedea chok'ae bɨma mãɨnepa jua chaarea bɨma. Ichi pedea k'ĩruuparí nek'o k'ida ume era bɨ k'aepẽra p'eedea bɨma. Ichi pedeapa tachi k'ɨ̃risia mãɨnepa tachi sõpa oo k'ɨ̃ria bɨt'a ãarea pia k'awapiparima tachi k'ɨ̃risia, tachi jaore, tachi sõ sida eda k'õru jĩra.

1 Pedro 4:16

Maamina abaɨpa Cristode ĩjãa bɨ k'orea minachia mĩarupɨra, p'eraiwẽa bɨma. Mãɨpari Cristode pẽra Tachi Ak'õrea pia pedeai bɨma.