Romano 1:14 - Tachi Ak'õre Pedea

^14-15 Mɨa pedea pia Jesú k'orea jõmãɨrã́ jarateai bɨma. Ne k'awa berã́, ne atua k'edea, k'art'a k'awa berã́ mãɨnepa k'art'a atua berã́ jarateai bɨma. Mãɨ k'orea mãra Romanepemarã́ pida jarateade wã k'ɨ̃ria bɨma.

Romano 1:14 ပူးပေါင်းရင်းမြစ်များ

Mateo 11:25

Mãɨ ewaride Jesupa jarasima: «Ak'õre, pɨ pajãnepema Chiparipɨ mãɨnepa nãɨ ĩjũanepema Chiparipɨ. Pɨa ne atua berã́ mɨa jarateada k'awapida pẽra mɨa pɨá pia pedeaipɨ. Mãɨt'u chi minachia k'awa berã́ pɨa k'awapié pasima.

Luca 10:21

Mãɨya pedea p'anɨne Jesú Tachi Ak'õre Jaoredepa sõpia nɨbeesima. Mãɨpuru Tachi Ak'õrea nãɨya jarasima: «Ak'õre, pɨ pajãnepema Chiparipɨ mãɨnepa nãɨ ĩjũanepema Chiparipɨ. Pɨa ne atua berã́ mɨa jarateada k'awapida pẽra mɨa pɨá pia pedeaipɨ. Mãɨt'u chi minachia k'awa berã́ pɨa k'awapié pasima. Ãjã, Ak'õre, pɨa mãɨya oosima jãɨya oo k'ɨ̃ria bada pẽra.

Hecho 22:21

Maamina Tachi Chiparipa mɨá jarasima: “Wãse. Mɨa pɨ t'ɨmɨa judiorãwẽmá peeipɨ”».

Hecho 28:2

Chi mãmapemarã tai ome minachia sõpia p'anasidama. K'oe che nɨbɨ pẽra mãɨnepa k'õresã́ nɨbɨ pẽra ãchia t'ɨpɨ uruapidak'ari taiyá jarasidama t'ɨpɨ k'ãne chedamẽrá.

Hecho 28:4

Mãɨ taamapa Pablo juade k'aa jira bɨt'a unusidaɨde chi mãɨ ĩjũa p'ɨrra bɨdepemarãpa ara ãchi tuaba jara tuaneesidama: «¡Jãɨ ẽpẽra mĩa peaparipɨ! P'usadepema piuwẽa chok'ae beesimina tachi sãdo wẽrapa ichi itu chok'ae bapiiwẽma».

Hecho 9:15

Maamina Tachi Chiparipa jarasima: —Wãse. Mɨa ichi jɨrɨ atasima mɨ k'orea pedeamẽrá judiorãwẽmá, ãchi poro jũra jɨ̃parí jɨ̃pataɨrã́ mãɨnepa israel ĩjũanepemarã́.

Romano 1:22

K'ɨ̃risia k'awaa p'aneenayane asidamina k'ɨ̃risia newẽa p'aneesidama.

Romano 11:25

Ũpẽarã, mɨa k'ɨ̃ria bɨma Tachi Ak'õrepa naena k'awapiwẽa bada mãrapa k'awadait'a. Mãɨya judiorã k'aepẽra pia be k'ɨ̃risiadaiwẽma. Tachi Ak'õrepa naena k'awapiwẽa bada nãɨpɨ: chok'ará judiorã k'ɨɨrɨwẽa p'aneesidama mãɨnepa mãɨya p'aneenaipɨ aba jõma chi Cristode ĩjãanai p'anɨ judiorãwẽpa ĩjãautadea.

Romano 12:16

Jõmãɨrã ome pia p'anat'ɨ. Chi waapẽarã k'aepẽra pia be k'ɨ̃risiarãt'ɨ, mãɨpari chi chupuri k'ede ome pia p'anat'ɨ. Mãrapa waapẽarã k'aepẽra minachia k'awa p'anɨ jĩra k'ɨ̃risiarãt'ɨ.

Romano 13:8

Mãrapa tee pará p'anɨpɨra, mãɨ waa teadawẽa p'anarãt'ɨ. Abapuru chi k'ɨ̃ria p'anat'ɨ. Chi waapẽarã k'ɨ̃ria bɨpa jõma Moisepa bɨda oo bɨma.

Romano 16:19

Jõmãɨrãpa k'awa p'anɨma mãrapa Tachi Ak'õre pedea piarã oo p'anɨt'a. Mãɨ k'orea mɨ arapá bɨma. Piarã mɨa k'ɨ̃ria bɨma mãrapa pia oo k'awadait'a mãɨnepa nemietá oodaiwẽt'a.

Romano 8:12

Mãɨpuru ũpẽarã, tachi piarã Tachi Ak'õre Jaoredepa nipadai p'anɨma. Nãɨ k'ak'uapa oo k'ɨ̃ria bɨdepa nipadaiwẽa p'anɨma.

1 Corintio 14:11

Maamina mɨa mãɨ pedea atua bɨpɨra, chi pedearumá mɨ tua awaraɨdepema jĩra bɨma, mãɨnepa mɨmá ichi tua awaraɨdepema jĩra bɨma.

1 Corintio 14:16

Pɨ jaorepa Tachi Ak'õrea pia pedeaipɨra chi pɨa jarada k'awa ũrik'apɨɨpa ¿sãmaasã́ mãɨ piarãane aima, pɨa sõpia bɨade ada k'orea?

1 Corintio 2:13

Ara mãɨ k'orea taipa pedea p'anɨma. Maamina nãɨ ĩjũanepema k'ɨ̃risiadepa pedea p'anɨwẽma, mãɨpari Tachi Ak'õre Jaorepa taiyá jaratea bɨ jĩra pedea p'anɨma. Mãɨya chi Tachi Ak'õre Jaorepa k'awapi bɨt'a taipa jaratea p'anɨma ichia pedeapi bɨ jĩra.

1 Corintio 3:18

Ara machi tuaba searãt'ɨ. Abaɨpa chi nãɨ ĩjũanepema k'ɨ̃risia jĩra ne k'awa bɨ k'ɨ̃risia bɨpɨra, waa mãɨya k'ɨ̃risiaiwẽa bɨma. Mãɨpari chi piarã k'ɨ̃risiat'a uru bai k'orea nãɨ ĩjũanepemarã k'ĩrari ne atua bɨ jĩra bai bɨma.

2 Corintio 10:12

Maamina ¿sãmaasã́ tachi k'ɨ̃ría chi waapẽarã ãchit'u chi piipará beade apataɨrã jĩra k'ɨ̃risiadaima? Ara ãchit'u chaapatama, mãɨnepa ara ãchi waapẽarã paara ak'ɨpatama, k'ai piipará bɨ k'awadai k'orea. Mãɨya oodadepa, k'ɨ̃risia nea p'anɨt'a unupipatama.

2 Corintio 11:19

Mãra chi minachia k'ɨ̃risia pará p'anɨẽra, nãɨ k'ɨ̃risia newẽa bɨpa jaratea bɨt'a mãrapa choapatama.

Colosense 3:11

Tachi Ak'õrepa mãɨya ooda pẽra ichi k'ĩrari griego judio ome abarik'a p'anɨma. K'ak'ua tauchaa bɨ k'ak'ua tauchaawẽa bɨ ome abarik'a p'anɨma. Tua awaraɨdepema, ne atua bɨ ẽpẽra ome abarik'a p'anɨma. Chi chipari pae pari mimiaparí, mãɨ chi chipari pae pari mimiak'apɨ́ ome abarik'a p'anɨma. Cristo chi atepe piipará bɨma. Ichi jõmãɨrã sõne bɨma.

2 Timoteo 2:10

Mãɨ k'orea mɨa jõma choa bɨma Tachi Ak'õrepa jɨrɨ atada ẽpẽrarã k'aripai k'orea. Mãɨya Tachi Ak'õrepa ãchi sida Jesucristodepa k'aripaipɨ, ewaricha ichi pia bɨdepema uru p'ananamẽrá.

Tito 3:3

Piarã naena tachi sida k'ɨ̃risia piawẽa p'anasidama, Tachi Ak'õrene ĩjãanawẽa p'anasidama mãɨnepa piawẽa k'ɨ̃risia p'anasidama. Tachia nemietá oo k'ɨ̃ria berã mãɨnepa arapá oo k'ɨ̃ria berã, chipari pae pari mimiaparí jĩra jõma oopachidama. Paritua k'achiade nipapachidama, chĩarapa uru bɨ k'orea sõpiawẽa p'anapachidama, chĩarapa tachi unuemaapachidama, mãɨnepa tachia chĩara unuemaapachidama.