Romano 1:13 - Tachi Ak'õre Pedea

¹³ Ũpẽarã, mɨa k'ɨ̃ria bɨma mãrapa k'awadait'a piarã bari k'ak'o minachia mãramá wãi k'ɨ̃risia basit'a. Maamina wapida p'ue wãwẽa bɨma. Mãramá wã k'ɨ̃ria bɨma mɨa jaratea bɨdepa mãmapemarãpa Jesucristode ĩjãanamẽrá waapẽarã tuadepemarãpa ĩjãanana jĩra.

Romano 1:13 ပူးပေါင်းရင်းမြစ်များ

Juan 12:24

Mɨa piarã jararuma: trigo tau ĩjũane baek'ari ya piuepɨra, aba ichi tuaba beeima. Maamina mãɨ trigo tau piuda jĩra ĩjũane beeipɨra, mãɨya bak'ari minachia chauparima.

Juan 15:16

Mãrapa mɨ jɨrɨ atadaé pasima. Mɨapuru mãra jɨrɨ atasima. Pak'uru bɨɨrɨ nejõ beraak'aɨ chaupari jĩra, mɨa mãra bɨsima wãnak'ari nepia chaudamẽrá. Mɨa mãra jɨrɨ atada pẽra mãrapa mɨ Ak'õrea mɨ t'ɨ̃nepa ne idiutat'a ichia teaipɨ.

Juan 4:36

Ne uu ĩjũa baadai ewari chesima. Ne uu ĩjũa baauta jĩra mãra mimianaipɨ ẽpẽerãpa mɨne ĩjãanamẽrá. Mãɨya ãchi Tachi Ak'õre ome ewaricha chok'ae p'ananaipɨ. Chi ne uu ĩjũa baaparí arapaaparima ichia erreara jitai bɨ pẽra. Ara mãɨ jĩra mãra arapaadaipɨ ẽpẽerãpa mɨne ĩjãauta k'orea. Chi ne uu ĩjũa baaparí chi ne uuparí ome arapá p'ananaipɨ.

Hecho 1:15

Mãɨya p'anɨne ewariaba Pedro chi ũpẽarã esa bai nɨbeesima chi ẽpẽerã́ pedeai k'orea. Ãchi 120 p'anasidama. Mãɨne jarasima:

Hecho 14:27

Chedak'ari ũpẽarã ome ará p'anasidama. Mãɨne nepɨrɨsidama ãarea Tachi Ak'õrepa ãchidepa ooda. Jarasidama Tachi Ak'õrepa eda wãpataɨ ewasit'a judiorãwẽ pida Jesude ĩjãanamẽrá.

Hecho 15:12

Bernabepa mãɨnepa Pablopa nepɨrɨsidama Tachi Ak'õrepa ẽpẽerãpa ne p'ue oodak'apɨ́ ãchidepa judiorãwẽ t'ãena oosit'a. Mãɨpa k'awapisima ichi ãchi ome bɨt'a. Mãɨne ãareaɨrãpa k'ĩup'ea ũri tuanasidama.

Hecho 19:21

Mãɨya nak'ari Pablopa ichi sõnepa k'ɨ̃risiasima Macedonia tuade mãɨnepa Acaya tuade p'ɨrrɨak'ari Jerusalén p'uurudea wãit'a. Ichiaba jarasima: «Jerusalene bak'ari mɨ Roma p'uurudea wãi bɨma».

Hecho 21:19

Maapae Pablopa ãchiá «pia p'anɨk'ãra» ak'ari chi Tachi Ak'õrepa ichidepa judiorãwẽmá ooda ãarea nepɨrɨsima.

Hecho 28:14

Mãma taipa chi eda waapẽarã ũpẽarã unusidama. Ãchia taiyá jarasidama ãchi ome tomio aba p'ananamẽrá. Mãmãɨpa Roma p'uurudea pasidama.

Romano 1:12

Mɨa k'ɨ̃ria bɨma tachia abarik'a Cristode ĩjãa p'anɨnepa chi k'aripa p'ananaipɨ chaarea p'ananai k'orea.

Romano 11:25

Ũpẽarã, mɨa k'ɨ̃ria bɨma Tachi Ak'õrepa naena k'awapiwẽa bada mãrapa k'awadait'a. Mãɨya judiorã k'aepẽra pia be k'ɨ̃risiadaiwẽma. Tachi Ak'õrepa naena k'awapiwẽa bada nãɨpɨ: chok'ará judiorã k'ɨɨrɨwẽa p'aneesidama mãɨnepa mãɨya p'aneenaipɨ aba jõma chi Cristode ĩjãanai p'anɨ judiorãwẽpa ĩjãautadea.

Romano 7:1

Ũpẽarã, Moisepa bɨda k'awa p'anɨ pẽra mãɨ k'orea mɨa mãrá pedearuma. ¿K'awa p'anɨwẽk'ãra tachi chok'ae p'anɨmisa Moisepa bɨda ũrinai p'anɨt'a?

1 Corintio 1:10

Ũpẽarã, Tachi Chipari Jesucristodepa mɨa mãrá chichupuria idiruma ará pia tuananamẽrá. K'ɨ̃risia k'ak'awá tuananaiwẽa p'anɨma, mãɨpari k'ɨ̃risia abaɨde ará pia tuananai p'anɨma.

1 Corintio 10:1

Ũpẽarã, mɨa k'ɨ̃ria bɨma mãrapa Moisé ewaride mãɨyana k'ɨ̃risia atuadawẽt'a. Mãɨ ewaride jõma tachi chõarãenapemarã Moisé ome p'ɨrrɨadada Tachi Ak'õrepa peeda jɨ̃ara ek'ari nipasidama mãɨnepa P'usa P'urea bɨ k'ĩaria wãsidama.

1 Corintio 12:1

Ũpẽarã, mɨa k'ɨ̃ria bɨma Tachi Ak'õre Jaorepa oopi bɨ k'orea mãrapa minachia k'awadamẽrá.

1 Corintio 14:20

Ũpẽarã, warra chak'erã jĩra p'anat'ɨ. Ãchia nemietá k'orea minachia atua p'anɨma. Maamina Tachi Ak'õre Jaorepa oopi bɨ k'orea chõarã jĩra k'ɨ̃risia p'anat'ɨ. Waa warra chak'erã jĩra k'ɨ̃risiarãt'ɨ.

1 Corintio 14:26

Mãɨ k'orea ũpẽarã, ¿sãmaasã́ arí oodaima? Mãra ará jere nɨbeeutade abaɨpa Tachi Ak'õre pedeadepema k'aripataɨ k'arii bɨma, abaɨpa Tachi Ak'õre pedea jarateai bɨma, abaɨpa Tachi Ak'õrepa unupida jarai bɨma, abaɨpa tachia ũrinak'apɨ́ pedeade pedeai bɨma, mãɨnepa abaɨpa mãɨ pedeada k'awa jarai bɨma. Maamina jõma mãɨ oodai p'anɨma ũpẽarãpa pia ĩjãanamẽrá.

1 Corintio 9:2

Waapẽarã ũpẽarãpa mɨ Jesucristopa peeda k'ɨ̃risiadawẽa p'anɨmina mãrapa k'awadai p'anɨma mɨ piarã ichia peedapɨ. Mɨa jarateadadepa mãrapa Tachi Chiparide ĩjãasida pẽra mãɨ unupi bɨma.

2 Corintio 1:8

Ũpẽarã, mãɨpuru taipa k'ɨ̃ria p'anɨma mãrapa k'awadai tai Asia tuade piarã minachia mĩa p'anasidaɨt'a. Jãɨya tai nepɨrade p'anana pẽra waa p'ue choadaiwẽ k'ɨ̃risiasidama mãɨnepa p'ue chok'ae p'ananaiwẽ k'ɨ̃risiasidama.

2 Corintio 2:14

Tachi Ak'õrea sõpia bɨade adai p'anɨma. Jesucristopa jõma p'uek'ari tai jõmãɨrã k'ĩrari p'uurujãnea ateewãruma mãɨnepa taidepa tuacha ichi k'orea k'awapi bɨma. Cristo k'orea jaratea p'anɨne Tachi Ak'õre k'ĩrari tai k'era jĩra p'iumá p'anɨma. Mãɨnepa tachia ichi k'orea k'awadait'a k'era jĩra bɨma. Mãɨ k'era chi k'aripai p'anɨ ẽpẽrarãpa mãɨnepa chi atuadai p'anɨ ẽpẽrarãpa ɨ̃patama.

Gálata 3:15

Ũpẽarã, mɨa ne jara bɨdepa pedearuma: ẽpẽrapa waapẽarã ome pedea auda k'art'ade bɨk'ari ichi t'ɨ̃ mãɨ k'art'ade bɨsira, mi ãpia pida mãɨ pedea bɨda p'ue ãyá bɨdaiwẽma, mãɨnepa k'ɨ̃risia awara p'ue eda bɨdaiwẽma.

Gálata 6:18

Ũpẽarã, mɨa k'ɨ̃ria bɨma Tachi Chipari Jesucristopa ichi sõpiadepa ãarea mãra k'aripa bait'a. Mãɨya beese.

P'ilipense 1:22

Mɨ chok'ae bɨde Cristo k'orea p'ue jaratea baipɨ. Mãɨ k'orea mɨa atua bɨma sãmaasã́ k'ɨ̃ria bɨt'a, chok'ae bai wa piui.

P'ilipense 4:17

Mɨa idiwẽa bɨma mãrapa ne tea peedamẽrá, mãɨpari k'ɨ̃ria bɨma pia oo p'anɨ k'orea Tachi Ak'õrepa mãra pia k'aripait'a.

Colosense 1:10

Mãɨya mãra p'ue jĩp'a nipadaipɨ Tachi Chiparipa k'ɨ̃ria bɨ jĩra mãɨnepa ne ãareaɨne ichia mãra pia unuipɨ. Piarã mãrapa nejõma pia oo p'anɨnepa nejõ pia chau bɨ jĩra tuananaipɨ mãɨnepa Tachi Ak'õre pia k'awapododaipɨ.

Colosense 1:6

ũrisidaɨde mãramá Tachi Ak'õrepa ichi sõpiadepa mãra piarã k'aripait'a ãarea k'awasidama. Ara mãɨya mãɨ ewaridepa jõma tuacha ẽpẽerãpa minachia ĩjãamaa p'anɨma, nejõ bɨɨrɨ minachia chaupari jĩra.

1 Tesalonicense 4:13

Ũpẽarã, taipa k'ɨ̃ria p'anɨma mãrapa chi Jesude ĩjãapataɨrã piudaadarã k'orea k'awadamẽrá. Mãɨya mãra sõp'ua p'ananaiwẽma Tachi Ak'õrene ĩjãanak'apɨɨrã sõp'ua p'anapata jĩra. Ãchi sõp'ua p'anapatama chi piuda sãmaasã́ bai k'awadawẽ pẽra.

2 Tesalonicense 2:7

Idiapae tiorepa, ichia ne k'achia mẽra badadepa, nãɨ ĩjũane ne oomaa bɨma. Maamina chi itu bɨwẽa bɨpa mãɨ ẽpẽra k'achia bɨt'a itu papiwẽa bɨma. Mãɨya baipɨ aba Tachi Ak'õrepa chi itu bɨwẽa bɨ ãyá ateewãrunea.

2 Timoteo 4:17

Maamina Tachi Chipari mɨ ome basima. Ichia mɨ jua chaarea beepisima ichi pedea jaramẽrá. Mãɨya jõma judiorãwẽa ará p'anɨpa ũrisidama. Mãɨne Tachi Chiparipa mɨ imama it'aedepema k'aripasima.