Romano 1:12 - Tachi Ak'õre Pedea

¹² Mɨa k'ɨ̃ria bɨma tachia abarik'a Cristode ĩjãa p'anɨnepa chi k'aripa p'ananaipɨ chaarea p'ananai k'orea.

Romano 1:12 ပူးပေါင်းရင်းမြစ်များ

Hecho 11:23

Mãɨ Bernabé ẽpẽra jĩp'a basima. Jesude minachia ĩjãa basima; Tachi Ak'õre Jaoredepa pia basima. Bernabé Antioquiade cheside unusima Tachi Ak'õrepa ichi sõpiadepa ũpẽarã k'aripa bɨt'a. Mãɨpuru minachia sõ arapaasima. Mãɨne ãareaɨrã́ jarapachima sõnepa ewaricha Tachi Chiparide piarã ĩjãanamẽrá. Mãɨya bɨde minachia p'anɨrãpa chi Tachi Chiparide ĩjãasidama.

Romano 1:11

Piarã mɨa mãra unu k'ɨ̃ria bɨma Tachi Ak'õre Jaoredepa k'aripai k'orea. Mãɨya mãra chaarea p'ananaipɨ.

Romano 1:13

Ũpẽarã, mɨa k'ɨ̃ria bɨma mãrapa k'awadait'a piarã bari k'ak'o minachia mãramá wãi k'ɨ̃risia basit'a. Maamina wapida p'ue wãwẽa bɨma. Mãramá wã k'ɨ̃ria bɨma mɨa jaratea bɨdepa mãmapemarãpa Jesucristode ĩjãanamẽrá waapẽarã tuadepemarãpa ĩjãanana jĩra.

Romano 15:24

España tuadea wãrune mãra ak'ɨi k'ɨ̃ria bɨma. Mãra ome tãaraa arapá p'aneenak'ari, k'ɨ̃ria bɨma mãrapa mɨ k'aripadait'a, pia wãmẽrá.

Romano 15:32

Mãɨya Tachi Ak'õrepa k'ɨ̃riaipɨra, mɨ mãramá arapá wãipɨ mãɨnepa mãra t'ãena pia ɨ̃apaa baipɨ.

2 Corintio 7:13

Jõma mãɨpa tai sõpiapisima. Mãɨ awara mãrapa Tito sõpiapisidama. Ichi mãramãɨpa arapá cheda pẽra tai arapaapisima.

Ep'esio 4:5

Tachi Chipari Jesú abapuru bɨma. Tachia abarik'a Jesude ĩjãa p'anɨma. Mãɨnepa ara abarik'a ichi t'ɨ̃nepa porochoasidama.

2 Timoteo 1:4

Mɨa pɨ jẽasi k'orea k'ɨ̃risiarude ak'ɨde wã k'ɨ̃ria baparima minachia arapá bai k'orea.

Tito 1:4

Tito, mɨa nãɨ k'art'a pɨ pae bɨruma. Tachia abarik'a Cristode ĩjãa p'anɨ pẽra pɨt'a piarã mɨ warra jĩra bɨma. Mɨa k'ɨ̃ria bɨma Tachi Pajãnepema Ak'õrepa mãɨnepa Tachi Chipari Jesucristo pida ãchi sõpiadepa pɨ k'aripa p'ananait'a mãɨnepa ne k'ɨ̃risiawẽa p'anapiit'a.

2 Pedro 1:1

Mɨ Simón Pedropɨ, Jesucristo pae pari mimiaparipɨ mãɨnepa ichia peedapɨ. Mɨa nãɨ k'art'a bɨruma chi Tachi Ak'õrene mãɨnepa Tachi K'aripaparí Jesucristode ĩjãapataɨrã pae. Ichi jĩp'a bɨ pẽra, mãra tai ome abarik'a pia ĩjãa p'anɨma.

2 Juan 1:4

Mɨa pɨ warrarã eda waapẽarã unusima. Mɨ sõ arapá beesima ãchi piarãnepa nipadada pẽra, Tachi Pajãnepema Ak'õrepa jara bɨ jĩra.

Juda 1:3

Ũpẽarã, mɨa nãɨ k'art'ade Tachi Ak'õrepa tachi k'aripada k'orea bɨ k'ɨ̃ria basima. Maamina ara nãɨena bɨruma mãra jĩrak'aua p'ananamẽrá. Ara machia ĩjãa p'anɨ k'orea wawá choa p'anat'ɨ. Tachi Ak'õrepa chi piarãpẽa pedea ichi ẽpẽrarã́ barimama teasima. Mãɨ ewariaba pida k'ĩra awara teaiwẽma.