Romano 1:1 - Tachi Ak'õre Pedea

¹ Mɨ Pablopɨ, Jesucristo pae pari mimiaparí. Tachi Ak'õrepa mɨ jɨrɨ atasima Jesucristopa peeda bamẽrá mãɨnepa bɨsima chi pedea pia Tachi Ak'õre k'orea jarateade wãmẽrá.

Romano 1:1 ပူးပေါင်းရင်းမြစ်များ

Marco 1:14

Juan chi Porochoaparí eda jɨ̃a nɨbɨdak'ari Jesú Galilea tuadea wãk'ari chi pedea pia Tachi Ak'õre k'orea jarateapachima.

Juan 12:26

Paritua mɨ pae pari mimiaparí pa k'ɨ̃ria bɨpɨra, mɨ ome nipai bɨma. Mɨ wãrumá, chi mɨ pae pari mimiaparí sida wãipɨ. Paritua mɨ pae pari mimiaparipɨra, mɨ Ak'õrepa ichi chi choma bɨipɨ.

Juan 15:15

Mɨa mãra waa mɨ pae pari mimiapataɨrãane awẽma. Chi chipari pae pari mimiaparipa ichi chiparipa ooi k'ɨ̃risia bɨ atua bɨma. Naapae mãra mɨ chi k'õp'ãerorãpɨ. Mɨa mãrá k'awapisima ne ãarea mɨ Ak'õrenepa ũrinat'a.

Juan 15:20

K'ɨ̃risiat'ɨ mɨa nãɨ jarada: “Abaɨ pida ichi chipari pae pari mimiaparí ichi chipari k'aepẽra atepe bɨwẽma”. Mãɨpa jara bɨma ẽpẽerãpa mɨ pedea oo p'anɨpɨra, mãra pedea sida oodaipɨ. Maamina ãchia mɨ ẽp'ẽ p'anɨpɨra, mãra sida ẽp'ẽnaipɨ.

Hecho 13:9

Mãɨne Saulo Tachi Ak'õre Jaoredepa basima. (Saulo ichiaba Pablo apatama). Pablopa Elimamá minachia ak'ɨ nɨbeek'ari nãɨya jarasima:

Hecho 20:24

Maamina mãɨ k'orea mɨa minachia k'ɨ̃risiak'ama, mɨ pia bai jɨrɨwẽa bɨ pẽra. Abapuru chi Tachi Chipari Jesupa mɨá oopi bɨt'a mãɨ ãarea oo k'ɨ̃ria bɨma. Mãɨpuru chi pedea pia Tachi Ak'õrepa ichi sõpiadepa k'aripa bɨ k'orea mɨa pedea baipɨ.

Hecho 21:40

Chi poro chaarea bɨpa itu pedeapisima. Maapae Pablo tumene bai nɨbɨpa ichi juapa ẽpẽerã k'ĩup'eapisima. K'ĩup'easidaɨde hebreo pedeade pedeasima.

Hecho 22:21

Maamina Tachi Chiparipa mɨá jarasima: “Wãse. Mɨa pɨ t'ɨmɨa judiorãwẽmá peeipɨ”».

Hecho 22:7

Mɨ jeeda baeside pedea ũrisima. Mãɨ pedeapa mɨá jarasima: “Saulo, Saulo, ¿k'ãre k'orea mɨ ẽp'ẽ bɨma?”

Hecho 26:1

Maapae Agripapa Pabloa jarasima: —Ara pɨchi k'ak'uat'u itu pedeapiruma. Ara mãɨne Pablo jua ɨt'aa jirak'ari pedeasima:

Hecho 26:14

Ãarea tai jeeda baesidama. Mãɨne mɨa pedea ũrisima. Mãɨ pedeapa mɨá hebreo pedeade nãɨya jarasima: “Saulo, Saulo, ¿k'ãre k'orea mɨ ẽp'ẽ bɨma? Chi k'umia bɨmá t'ɨarude, ara pɨchi tuaba p'uaparima”.

Hecho 27:23

Mɨ Tachi Ak'õrenepɨ. Ichide ĩjãa bɨma. Teamasi chi ichia ɨt'aripa peeda mɨk'á bai nɨbeek'ari,

Hecho 9:15

Maamina Tachi Chiparipa jarasima: —Wãse. Mɨa ichi jɨrɨ atasima mɨ k'orea pedeamẽrá judiorãwẽmá, ãchi poro jũra jɨ̃parí jɨ̃pataɨrã́ mãɨnepa israel ĩjũanepemarã́.

Romano 1:16

Mɨ p'erak'ama chi pedea pia Jesú k'orea jarateai k'orea, chi mãɨ pedea ĩjãauta Tachi Ak'õrepa ichi jua chaareadepa jõma k'aripapari pẽra; naa judiorã mãɨnepa judiorãwẽ sida.

Romano 1:5

Jesucristodepa Tachi Ak'õrepa mɨ bɨsima ichia peeda bamẽrá. Ichidepa mãɨya bɨsima jõma tuachadepemarãpa Jesucristode ĩjãanamẽrá, ichi pedea oodamẽrá mãɨnepa ichiá pia pedeadamẽrá.

Romano 1:9

Tachi Ak'õrepa k'ɨ̃ria bɨt'a ãarea mɨ sõnepa oo bɨma, chi pedea pia ichi Warra k'orea jaratea bɨ pẽra. Ichia k'awa bɨma mɨa ɨt'aa chiidirucha mãra k'orea ɨt'aa chiidiparit'a.

Romano 11:13

Mɨa judiorãwẽa nãɨ jararuma. Mɨ Tachi Ak'õrepa peeda bɨsima, mãrá jarateamẽrá. Mãɨ mɨa jõma jĩp'a oo k'ɨ̃ria bɨma.

Romano 15:16

judiorãwẽ t'ãena Jesucristo pae pari mimiaparí bamẽrá. Mãɨpuru pedea pia Tachi Ak'õre k'orea ãchiá jaratea bɨma. Ĩjãasidara p'aare judiopa ãnimara paatearu jĩra mɨa ãchi Tachi Ak'õrea tearuma pia unumẽrá. Mãɨne Tachi Ak'õre Jaorepa ãchi Tachi Ak'õre pae pia bɨipɨ.

Romano 15:29

Mɨa k'awa bɨma mãramá cherude Cristopa tachi minachia k'aripait'a.

Romano 16:18

Ãchia Tachi Chipari Jesucristopa k'ɨ̃ria bɨ oo p'anɨwẽma, mãɨpari ãchia k'ɨ̃ria p'anɨt'a oo p'anɨma. Ãchi pedea pia bɨdepa chi k'ɨ̃risiadawẽa berã seapatama.

Romano 16:25

Mɨa pedea pia Jesú k'orea jaratea baparima. Ara mãɨ pedeadepa Tachi Ak'õrepa mãra p'ue k'aripaipɨ chaarea p'ananamẽrá. Mãɨ pedea Tachi Ak'õrepa naena k'awapiwẽa basima maamina idiapae k'awapisima. Chi ichi pari pedeapataɨrãpa mãɨ k'art'ade bɨsidama. Tachi Ak'õre piuk'apa mãɨya bɨpisima tuachapemarãpa ũrinak'ari Jesucristode ĩjãanamẽrá. Tachi Ak'õrea pia pedeadai p'anɨma.

1 Corintio 1:1

Mɨ Pablopɨ. Tachi Ak'õrepa ichia k'ɨ̃riana pẽra mɨ t'ɨ̃sima Jesucristopa peeda pamẽrá. Tachi ũpẽa Sóstene mɨ ome bɨma.

1 Corintio 9:1

¿Mɨchia oo k'ɨ̃ria bɨ ook'á bɨk'ãra? ¿Mɨ Jesucristopa peedawẽk'ãra? ¿Mɨa pida Tachi Chipari Jesú unusiwẽk'ãra? ¿Mãrapa mɨnepa Tachi Chiparide ĩjãasidawẽk'ãra?

2 Corintio 1:1

Mɨ Pablopɨ. Tachi Ak'õrepa k'ɨ̃riana pẽra mɨ Jesucristopa peedapɨ. Tachi ũpẽa Timoteo mɨ ome bɨma. Nãɨ k'art'a bɨruma ẽpẽrarã Tachi Ak'õrenepemarã Corinto p'uurudepemarã pae mãɨnepa jõma ichi ẽpẽrarã Acaya tuade be pae.

2 Corintio 11:5

Chi mãɨya jarateapataɨrã ¿mãramá Jesucristopa peedaɨrã chi atepe piipará p'anɨane a k'ɨ̃risiapatak'ãra? Mɨmá ãchi k'aepẽra mɨ mi ãpia pida ãpia bɨwẽma.

2 Corintio 11:7

Mɨa chi pedea pia Tachi Ak'õre k'orea mãrá pari jarateada pẽra mɨ mãra k'ĩrari ãpia jĩra beesima Tachi Ak'õre ome pia p'ananamẽrá. ¿Mãɨyara nemietá oosik'ãra?

2 Corintio 12:11

Mɨ k'ɨ̃risia newẽa bɨ jĩra ara mɨchi k'orea pia pedea bɨma, maamina mãrapuru mɨ mãɨya pedeapisidama. Mãrapa mɨ k'orea pia pedeadai p'anɨmina pia pedeadawẽa p'anɨma. K'ɨ̃risia p'anɨma jãɨrã Jesucristopa peedaɨrã apataɨrã chi atepe p'anɨt'a. Mɨ chi atepewẽmina ãchi k'aepẽra k'aepea bɨwẽma.

2 Corintio 2:12

Mɨ Troa p'uurudea wãsima chi pedea pia Cristo k'orea jarateai k'orea. Mãma Tachi Chiparipa eda wãpataɨ ewaru jĩra oosima ẽpẽrarãpa ũri k'ɨ̃rianamẽrá.

2 Corintio 4:5

Ara tai k'orea jaratea p'anɨwẽma, mãɨpari jaratea p'anɨma Jesucristo jõmãɨrã Chiparit'a. Mãɨnepa taipa jara p'anɨma Jesú k'orea tai mãra pae pari mimiapataɨrãpɨ.

Gálata 1:1

Mɨ Pablopɨ, Jesucristopa peedapɨ. Ẽpẽrarãpa mɨ jɨrɨ atadaé pasima Jesucristopa peeda bamẽrá. Mãɨpari Jesucristopa mãɨnepa ichi Ak'õrepa, ichi piu bada chok'ae p'irabaripidapa mɨ mãɨya bɨsidama.

Ep'esio 1:1

Mɨ Pablopɨ. Tachi Ak'õrepa k'ɨ̃riana pẽra mɨ Jesucristopa peedapɨ. Mɨa nãɨ k'art'a bɨruma jõma ẽpẽrarã Tachi Ak'õrenepemarã Jesucristode ĩjãa be Ép'eso p'uurudepemarã pae.

Ep'esio 1:13

Mãɨ awara mãra judiorãwẽ pida chi piarã pedea ũrinak'ari Cristode ĩjãanak'ari, mãɨ tachi k'aripai pedea pia ĩjãasidama. Mãɨya Cristode ĩjãasidaɨde Tachi Ak'õrepa ichi Jaore mãrá teasima ichia jarada jĩra. Ne naa teapari jĩra, mãɨpa k'awapi bɨma mãra ichidirãt'a.

Ep'esio 4:11

Ichiapuru chi eda waapẽarã bɨsima ichia peedaɨrã p'ananamẽrá, waapẽarã bɨsima Tachi Ak'õre pari pedeapataɨrã p'ananamẽrá, waapẽarã bɨsima chi pedea pia Cristo k'orea jaratea nipadamẽrá, mãɨnepa waapẽarã bɨsima ũpẽarã ak'ɨpataɨrã mãɨnepa jarateapataɨrã p'ananamẽrá.

P'ilipense 1:1

Mɨ Pablopɨ. Timoteo mɨ ome bɨma. Tai Jesucristo pae pari mimiapataɨrãpɨ. Mɨa nãɨ k'art'a ũpẽarã P'ilipo p'uurudepemarã pae bɨruma: ũpẽarã ak'ɨpataɨrã, ũpẽarã k'aripapataɨrã mãɨnepa jõma ẽpẽrarã Tachi Ak'õrenepemarã Jesucristo ome berã pae.

P'ilipense 2:11

Mãɨne jõmãɨrãpa Jesucristo jõmãɨrã Chipariade a jaradaipɨ mãɨnepa Tachi Pajãnepema Ak'õrea pia pedeadaipɨ.

Colosense 1:1

Mɨ Pablopɨ. Tachi Ak'õrepa pari k'ɨ̃riana pẽra mɨ Jesucristopa peedapɨ. Tachi ũpẽa Timoteo mɨ ome bɨma.

Colosense 1:25

Tachi Ak'õrepa mɨ ichi ẽpẽrarã pae pari mimiaparí bɨsima. Mãɨpuru ichi pedea jõma arí mãrá jaratea bɨma.

1 Tesalonicense 2:2

K'awa p'anɨma mãramá wãnai naena P'ilipodepemarãpa tai k'orea k'achia pedeasidaɨt'a mãɨnepa piawẽa oosidaɨt'a. Mãɨ awara mãramá chesidaɨde chok'araɨrãpa k'ɨ̃rianaé pasima taipa jaratea p'anɨt'a. Maamina Tachi Ak'õrepa sõpiapisima ichi pedea pia mãrá ne wap'eawẽa jarateadamẽrá.

1 Tesalonicense 2:8

Taipa mãra minachia k'ɨ̃ria p'anɨ pẽra abapuru chi pedea pia Tachi Ak'õre k'orea mãrá jarateadaé pasima, mãɨpari ne ãareanepa k'aripadai k'orea p'anasidama.

1 Tesalonicense 2:9

Ũpẽarã, mãrapa k'awa p'anɨma ãst'á mãɨnepa teamasi pida ɨ̃apaadawẽa mimiapachidama erreara ununai k'orea. Taipa pedea pia Tachi Ak'õre k'orea mãrá jaratea p'anasidaɨde k'ɨ̃rianaé pasima mãrapa taiyá ne teadait'a mãra pae chaarea bɨpidaemaapa.

1 Timoteo 1:1

Mɨ Pablopɨ, Jesucristopa peedapɨ. Tachi Ak'õre tachi K'aripaparipa mãɨnepa Tachi Chipari Jesucristopa mɨ nãɨya bɨsidama. Tachia Jesucristode ĩjãapatama mãɨnepa ichi k'orea pia p'ananait'a k'awapatama.

1 Timoteo 2:7

Mãɨ k'orea mɨ ichi pedea jaraparí bɨsima. Mɨ ichia peeda bɨsima piarã pedea ichide ĩjãanai p'anɨ k'orea judiorãwẽmá jarateade wãmẽrá. Mɨa piarã jara bɨma. Seawẽma.

2 Timoteo 1:11

Tachi Ak'õrepa mɨ bɨsima mãɨ pedea pia jaraparí bamẽrá, Jesucristopa peeda bamẽrá, mãɨnepa judiorãwẽmá jarateaparí bamẽrá.

Tito 1:1

Mɨ Pablopɨ, Tachi Ak'õre pae pari mimiaparí mãɨnepa Jesucristopa peedapɨ. Mɨ peesima Tachi Ak'õrepa jɨrɨ atadaɨrãpa ichide ĩjãanamẽrá mãɨnepa chi piarã pedea k'awadak'ari Tachi Ak'õrepa k'ɨ̃ria bɨ jĩra p'ananamẽrá.

Hebreo 5:4

Abaɨ pida ara ichi tuaba p'aare minachia k'awa bɨ beek'ama, maawẽapuru Tachi Ak'õrepuru aba t'ɨ̃k'ari, maapae mãɨ bɨparima Aarón bɨda jĩra.

Hebreo 7:26

Tachi P'aare minachia k'awa bɨ Jesupa ne ãareaɨne tachi p'ue k'aripaipɨ. Nemietá ook'ama, ne ãareaɨne jĩp'a bɨma. Tachi Ak'õrepa ichi pia unu bɨma. Chi nemietá oopataɨrã t'ãenapema ãyá bɨk'ari pajãne chi atepe bɨsima.

Santiago 1:1

Mɨ Santiagopɨ, Tachi Ak'õre pae pari mimiaparí mãɨnepa Tachi Chipari Jesucristo pae pari mimiaparí. Nãɨ k'art'a bɨruma Israeldepema doce warrarãnepema chedaadarã tuacha berã pae. Mɨa k'ɨ̃ria bɨma mãra pia p'ananamẽrá.

1 Pedro 4:17

Naapae Tachi Ak'õrepa ichidirã ne nepɨra ak'ɨipɨ. Tachi Ak'õrepa tachi nepɨra naa ak'ɨipɨra, ¿chi pedea pia Tachi Ak'õre k'orea ĩjãanak'apɨɨrã sãmaasã́ p'ananaima?

2 Pedro 1:1

Mɨ Simón Pedropɨ, Jesucristo pae pari mimiaparipɨ mãɨnepa ichia peedapɨ. Mɨa nãɨ k'art'a bɨruma chi Tachi Ak'õrene mãɨnepa Tachi K'aripaparí Jesucristode ĩjãapataɨrã pae. Ichi jĩp'a bɨ pẽra, mãra tai ome abarik'a pia ĩjãa p'anɨma.

Juda 1:1

Mɨ Judapɨ, Jacobo ũpẽapɨ mãɨnepa Jesucristo pae pari mimiaparipɨ. Nãɨ k'art'a bɨruma ãarea Tachi Pajãnepema Ak'õrepa t'ɨ̃naɨrã pae. Ichia mãra k'ɨ̃ria bɨma mãɨnepa Jesucristodepa ak'ɨ uru bɨma.

Apocalipsi 1:1

Mɨ Jesucristo pae pari mimiaparí Juanpɨ. Nãɨ k'art'ade bɨ bɨma Jesucristopa pajãnepa mɨá k'awapida. Mãɨ Tachi Ak'õrepa Jesucristoa k'awapisima chi ichide ĩjãa berã́ k'awapimẽrá tãaraawẽa bɨde sãit'a. Jesucristopa ɨt'aripa peeda aba mɨmá peesima mãɨ k'awapimẽrá.

Apocalipsi 22:6

Maapae Tachi Ak'õrepa ɨt'aripa peedapa mɨá jarasima: «Jõma nãɨ pedea piarãpɨ mãɨnepa piarã mãɨne p'ue ĩjãanai p'anɨma. Tachi Chiparipa chi ichi pari pedeapataɨrã́ pedeapiparima. Ichiapuru ichi ɨt'aripa peeda peesima chi ichi pae pari mimiapataɨrã́ k'awapimẽrá tãaraawẽa bɨde k'ãre mãɨyait'a».

Apocalipsi 22:9

Maamina ichia jarasima: «Jãɨya oorãse, mãɨpari Tachi Ak'õreapuru pia pedease. Mɨ Tachi Ak'õre pae pari mimiaparipɨ ara pɨ jĩra, ũpẽarã Tachi Ak'õre pari pedeapataɨrã jĩra, mãɨnepa jõma nãɨ k'art'ade jara bɨ ĩjãa be jĩra».