P'ilipense 4:4 - Tachi Ak'õre Pedea

⁴ Tachi Chipari Jesucristo ome p'anɨ pẽra ewaricha arapá p'anat'ɨ. Mɨa mãicha jararuma: ¡Arapá p'anat'ɨ!

P'ilipense 4:4 ပူးပေါင်းရင်းမြစ်များ

Mateo 5:12

Minachia arapá p'anat'ɨ, mãrapa nepia waibɨa pajãne uru p'ananai pẽra. Chõarãenapema ewaride pida Tachi Ak'õre pari pedeapataɨrã ara mãɨ jĩra ẽp'ẽsidama mĩapidai k'orea.

Hecho 16:25

Teamasi estarik'a parude Pablopa mãɨnepa Silapa Tachi Ak'õrea ɨt'aa chiidi p'anasidama mãɨnepa ichiá k'ari p'anasidama. Mãɨ waapẽarã jɨ̃a nɨbɨdarãpa ũri p'anasidama.

Hecho 5:41

Ara mãɨne Jesupa peedaɨrã chi judiorã chõarã ará p'anɨmãɨpa arapá wãsidama. K'awasidama Tachi Ak'õrepa ãchi pia unusit'a, Jesú t'ɨ̃ k'orea mĩasida pẽra.

Romano 12:12

Tachi Ak'õrenepa nepia jitadai k'awa p'anɨ pẽra arapá p'anat'ɨ. Mĩa p'anɨne choat'ɨ. Ewaricha Tachi Ak'õrea ɨt'aa chiidit'ɨ.

2 Corintio 6:10

Tai sõp'uapatamina ewaricha arapá p'anɨma. Tai nenea k'edema. Maamina taipa chok'ará ẽpẽrarã́ Tachi Ak'õre k'orea k'awapipatama ãchi erreara uru be jĩra p'ananamẽrá. Tai nenea p'anɨmina Tachi Ak'õrenepa nejõma uru p'anɨma.

Gálata 1:8

Parituapa pedea pia Cristo k'orea taipa mãrá jarateadada awara jarateaipɨra, Tachi Ak'õrepa ichi ewaricha ɨtɨaipɨ; taipa wa Tachi Ak'õrepa ɨt'aripa peeda pida awara jarateadaipɨra, tai sida Tachi Ak'õrepa ewaricha ɨtɨaipɨ.

P'ilipense 2:18

Ara mãɨ jĩra mãra sida mɨ ome ará arapá p'ananai p'anɨma.

P'ilipense 3:1

Mãɨ awara ũpẽarã, Tachi Chiparidepa arapá p'anat'ɨ. Mɨa nãɨ pedea naena bɨdamina, sẽk'ama abarik'a mãicha bɨi k'orea. Mãɨya k'aripaipɨ nemietá oopidaemaapa.

1 Pedro 4:13

Mãɨpari Cristo jĩra minachia mĩa p'anɨ pẽra arapá p'anat'ɨ. Mãɨya Tachi Ak'õrepa Cristo chi atepe bɨ unupirude mãra minachia arapaadaipɨ.