P'ilipense 4:14 - Tachi Ak'õre Pedea

¹⁴ Maamina mɨa mãrá pia bɨade aruma, mɨ minachia mĩa bɨde k'aripadada pẽra. Piarã mãrapa pia oosidama.

P'ilipense 4:14 ပူးပေါင်းရင်းမြစ်များ

Mateo 25:21

Chi chiparipa jarasima: “Mɨ pae pari mimiaparí, piapɨ. Pɨa jĩp'a ooparima. Mɨa ãpia teadadepa pɨa arí ooda pẽra, mɨa ne minachia pɨ juade bɨipɨ. Eda chese mɨ ome sõ arapaade”.

Romano 15:27

Mãɨ ũpẽarã judiorãwẽpa mãɨ erreara ũpẽarã judiorã pae arapá jɨrɨp'esidama. Piarã mãɨya oodai p'anasidama judiorã́ tee pará p'anɨ jĩra. Judiorãwẽpa nejõma pia Tachi Ak'õre k'orea judiorãnepa jitadada pẽra, ũpẽarã judiorã́ nepia nãɨ ĩjũanepema teadai p'anɨma.

Gálata 6:6

Chi pedea ũri bɨpa ichi nepia uru bɨdepema teai bɨma, chi Tachi Ak'õre pedea jarateaparia.

P'ilipense 1:7

Pia bɨma mɨa jõma mãra k'orea mãɨya k'ɨ̃risia bait'a, mãra minachia k'ɨ̃ria bɨ pẽra. Mɨ eda jɨ̃a nɨbɨde wa chi pedea pia Cristo k'orea piarã k'awapii bɨde, Tachi Ak'õrepa ichi sõpiadepa mãra mãɨnepa mɨ sida k'aripa bɨma ichi pedea jaratea p'ananamẽrá.

P'ilipense 4:18

Nejõma mãrapa ũpẽa Epap'rodito ome tea peedada mɨa jitasima. Mãɨpuru ne minachia uru bɨma. Mãɨpa mɨ pia baipɨ. Mãrapa tea peedada, k'era p'iumá Tachi Ak'õrea teada jĩra bɨma. Mãɨ Tachi Ak'õrepa pia unu bɨma.

1 Timoteo 6:18

Chi ne pará berã́ jarase jõmãɨrã ome nepia oodamẽrá. Mãɨnepa jarase ãchia uru p'anɨnepema sõpiadepa waapẽarã́ teadai k'orea p'ananai p'anɨ.

Hebreo 10:33

Edaɨde ẽpẽerãpa Cristo k'orea k'achia pedeasidama mãɨnepa mãra mĩapisidama. Ichiaba edaɨde mãra tachi ũpẽarã Cristo k'orea mĩa p'anɨrã paara minachia mĩasidama.

Hebreo 10:34

Chi Cristo k'orea eda serrasidaɨde mãrapa k'ĩra chupuriasidama. Mãɨnepa mãrapa ne uru beada arapá chi ĩjãanak'apɨɨrã́ itu ẽemaripisidama, k'awa p'anɨ pẽra mãɨ k'aepẽra nepia jõk'apɨ́ pajãne uru p'anɨt'a.

Hebreo 13:16

K'ɨ̃risia atuarãt'ɨ pia oodai k'orea mãɨnepa mãrapa uru p'anɨnepa chi k'aripa p'ananai k'orea. Mãɨ ãarea Tachi Ak'õrepa pia unu bɨma ãnimara paatea p'anɨ jĩra.

Apocalipsi 1:9

Mɨ mãra ũpẽa Juanpɨ. Tachi Jesucristo ome p'anɨ pẽra mɨ mãra ome Tachi Ak'õre juadepemapɨ, mãra ome minachia mĩa bɨma, mãɨnepa mãra ome ãarea choa bɨma. Tachi Ak'õre pedea jaratea bɨ k'orea mãɨnepa chi Jesú pedea piarãane a bɨ k'orea mɨ chi p'usade ĩjũa ãpia p'ɨrra bɨ Patmodea ateepisidama.