P'ilipense 4:11 - Tachi Ak'õre Pedea

¹¹ Mãɨya jarawẽa bɨma mɨ nenea bɨ pẽra. Ne ãareaɨne mɨa k'awasima mãɨya ne k'ɨ̃risiawẽa bait'a, ara mɨa ne uru bɨdepa.

P'ilipense 4:11 ပူးပေါင်းရင်းမြစ်များ

Luca 3:14

Mãɨne papaká berã arí p'anɨpa Juaná idisidama: —Taipa ¿k'ãre oodai p'anɨma? Juanpa p'anoosima: —Wap'eapidak'ari chĩara erreara ẽemarirãt'ɨ mãɨnepa seadepa chĩara k'orea k'achia pedearãt'ɨ. Sõpia p'anat'ɨ ara mãrá erreara p'aa p'anɨnepa.

2 Corintio 11:27

Mimia bɨde mɨ minachia mĩapachima. Bari k'ak'o minachia k'ãiwẽa bapachima, jarra bapachima, opisia bapachima, nek'owẽa bapachima. K'õresãapa mɨ wɨwɨrrɨa bapachima, mãɨnepa neet'á nea bapachima.

2 Corintio 6:10

Tai sõp'uapatamina ewaricha arapá p'anɨma. Tai nenea k'edema. Maamina taipa chok'ará ẽpẽrarã́ Tachi Ak'õre k'orea k'awapipatama ãchi erreara uru be jĩra p'ananamẽrá. Tai nenea p'anɨmina Tachi Ak'õrenepa nejõma uru p'anɨma.

2 Corintio 8:9

Mãrapa minachia k'awa p'anɨma Tachi Chipari Jesucristopa ichi sõpiadepa oodat'a. Ichi pajãne nejõma uru bɨmina, mãra pae nãɨ k'ak'uade nenea bɨ jĩra basima mãrapa nejõma Tachi Ak'õrepa tea bɨdepema uru p'ananamẽrá.

2 Corintio 9:8

Piarã Tachi Ak'õrepa nejõma mãrá minachia p'ue teaipɨ. Mãɨya ewaricha ne ãareaɨne mãrapa uru p'ananai p'anɨt'a piarã uru p'ananaipɨ mãɨnepa nejõma pia oodai k'orea.

P'ilipense 3:8

Piarã mɨ Chipari Jesucristo k'await'a ne ãarea k'aepẽra atepe piipará bɨma. Mɨa naena k'ɨ̃risia bada, mãɨ ãarea ichi k'orea itu bɨsima. Jõma mãɨ nejarra jĩra unu bɨma, Cristo unui k'orea

Hebreo 10:34

Chi Cristo k'orea eda serrasidaɨde mãrapa k'ĩra chupuriasidama. Mãɨnepa mãrapa ne uru beada arapá chi ĩjãanak'apɨɨrã́ itu ẽemaripisidama, k'awa p'anɨ pẽra mãɨ k'aepẽra nepia jõk'apɨ́ pajãne uru p'anɨt'a.