P'ilipense 3:8 - Tachi Ak'õre Pedea

⁸ Piarã mɨ Chipari Jesucristo k'await'a ne ãarea k'aepẽra atepe piipará bɨma. Mɨa naena k'ɨ̃risia bada, mãɨ ãarea ichi k'orea itu bɨsima. Jõma mãɨ nejarra jĩra unu bɨma, Cristo unui k'orea

P'ilipense 3:8 ပူးပေါင်းရင်းမြစ်များ

Luca 1:43

¿Mɨ k'aima, mɨ Chipari naepa nãɨya ak'ɨde che bɨma?

Luca 11:20

Maamina Tachi Ak'õre jua chaareadepa mɨa jaore mietaarã ãyá jeret'aa bɨpɨra, Tachi Ak'õrepa mãrá unupi bɨma ichi chesit'a mãra ichi juade ua bai k'orea.

Juan 14:20

Mɨ chek'ari mãrapa k'awadaipɨ mɨ, mɨ Ak'õre ome bɨt'a, mãra mɨ ome p'anɨt'a, mãɨnepa mɨ mãra ome bɨt'a.

Juan 14:7

Mãrapa mɨ piarã k'awa p'anɨpɨra, mɨ Ak'õre sida k'awa p'anɨma. Idiipa waa mãrapa ichi k'awa p'anɨma unu p'anɨ pẽra.

Juan 16:3

Mãɨya oodaipɨ mɨ Ak'õre, mɨ sida atua p'anɨ pẽra.

Juan 17:3

Ewaricha chok'ae bepa, ãchia k'awa p'anɨma pɨ piarã Tachi Ak'õre aba bɨt'a. Ichiaba k'awa p'anɨma chi pɨa peeda, Jesucristot'a.

Juan 17:8

Pɨa mɨá jarada mɨa ãchiá jarateasima. Ãchia mãɨ pedea ĩjãasidama. Mãɨpuru k'awa p'anɨma piarã mɨ pɨmãɨpa chesit'a. Piarã ĩjãa p'anɨma pɨa mɨ peesit'a.

Juan 20:13

Ãchia idisidama: —Wẽra, ¿k'ãre k'orea jẽa bɨma? Mãɨne p'anoosima: —Mɨ Chipari Jesú ateewãsidama. Mɨa atua bɨma sãmá ateewãsidat'a.

Juan 20:28

Mãɨne Tomapa jarasima: —¡Mɨ Chipari! ¡Mɨ Tachi Ak'õre!

Hecho 20:24

Maamina mãɨ k'orea mɨa minachia k'ɨ̃risiak'ama, mɨ pia bai jɨrɨwẽa bɨ pẽra. Abapuru chi Tachi Chipari Jesupa mɨá oopi bɨt'a mãɨ ãarea oo k'ɨ̃ria bɨma. Mãɨpuru chi pedea pia Tachi Ak'õrepa ichi sõpiadepa k'aripa bɨ k'orea mɨa pedea baipɨ.

Romano 8:18

Mɨmá, chi nãɨ ewaride tachi minachia mĩa p'anɨt'a mãɨ ãpia bɨ jĩra bɨma, chi k'aadeapema ewaride Tachi Ak'õrepa tachi pia bɨi k'aepẽra.

1 Corintio 2:2

Mãra t'ãena baside mɨa abapuru Jesucristo k'orea mãɨnepa ichi k'urusude peadada k'awapi k'ɨ̃ria basima.

1 Corintio 9:10

¿Tachi k'orea pida k'ɨ̃risia basiwẽk'ãra? Piarã tachi k'orea Tachi Ak'õrepa mãɨ Moisepa bɨda teasima. Chi net'a tau uuparí mãɨnepa chi baaparí mimiapatama ãchia mãɨnepema uru p'ananai k'awa p'anɨ pẽra.

2 Corintio 4:4

Tachi Ak'õrene ĩjãanak'apɨɨrãmá chi mãɨ pia ũrinak'ama. Nãɨ ĩjũane tiore ãchi chiparipɨ. Ãchirã́ chi piarã pedea pia Cristo k'orea itu k'awapiwẽa bɨma tau p'ãrio oo bɨ jĩra. Mãɨya ãchia Cristo pia bɨ k'orea p'ue k'awadaiwẽma. Cristo Tachi Ak'õre pẽra mãɨya pia bɨma.

2 Corintio 4:6

Nãɨ ĩjũa jõma p'ãrio nɨbada Tachi Ak'õrepa ɨnaapisima. Ara mãɨ jĩra ichi ɨnaa bɨt'a tachi sõne ɨnaapisima. Mãɨpa jara bɨma ichi k'ĩrawãrea Cristodepa tachiá k'awapisit'a.

Gálata 1:16

ichi Warra mɨá k'awapisima judiorãwẽa ichi k'orea jaramẽrá. Mãɨne mɨa abaɨmá pida idié pasima sãmaasã́ ooi bɨ k'awai k'orea.

Ep'esio 4:13

aba jõmãɨrã Tachi Ak'õre Warrade ĩjãa p'anɨnepa mãɨnepa k'awa p'anɨnepa ará pia p'aneeutadea. Mãɨne tachi ne ãareaɨne Cristo jĩra p'ananaipɨ.

P'ilipense 1:1

Mɨ Pablopɨ. Timoteo mɨ ome bɨma. Tai Jesucristo pae pari mimiapataɨrãpɨ. Mɨa nãɨ k'art'a ũpẽarã P'ilipo p'uurudepemarã pae bɨruma: ũpẽarã ak'ɨpataɨrã, ũpẽarã k'aripapataɨrã mãɨnepa jõma ẽpẽrarã Tachi Ak'õrenepemarã Jesucristo ome berã pae.

P'ilipense 3:10

Mɨa Cristo minachia k'awa k'ɨ̃ria bɨma. Ichi Tachi Ak'õre jua chaareadepa chok'ae p'irabarisima. Mɨ ara mãɨ jua chaareadepa ichi ome p'ɨrrɨa k'ɨ̃ria bɨma. Mãɨpuru ichi minachia mĩana jĩra mɨ mĩa k'ɨ̃ria bɨma, mãɨnepa ichi piuda jĩra piui k'ɨ̃ria bɨma.

P'ilipense 3:12

Mɨa jarawẽa bɨma mɨ abaeda mãɨya bɨt'a. Mãɨnepa jarawẽa bɨma mɨ abaeda jĩp'a bɨt'a. Maamina mãɨya bai k'orea mɨ idiapaedepa naa wãruma Jesucristopa mɨ mãɨ k'orea atada pẽra.

P'ilipense 3:7

Maamina Cristode ĩjãa bɨ pẽra nejõma mɨa pia unu bada naapae pia unuk'ama.

2 Timoteo 4:6

Tãaraawẽane mɨ peadaipɨ. Mɨ piui ewari ara k'ait'a bɨma.

Hebreo 3:14

Tachia naa ĩjãanaananepa aba piuutadea Cristode ĩjãa p'ananaipɨra, ichi ome p'ananaipɨ.

1 Pedro 2:7

Mãra chi Cristode ĩjãapataɨrãmá, ichi minachia pia bɨma. Maamina chi ichi ĩjãanak'apɨɨrã k'orea Tachi Ak'õre pedeade nãɨya bɨ bɨma: «Chi te oopataɨrãpa mawara amaanana pada, mãɨ mawara chi atepe piipará beesima».

2 Pedro 1:2

Mãrapa Tachi Ak'õre mãɨnepa Tachi Chipari Jesú k'awa p'anɨ pẽra, mɨa k'ɨ̃ria bɨma ãchi sõpiadepa mãra minachia k'aripa p'ananait'a mãɨnepa minachia ne k'ɨ̃risiawẽa p'anapiit'a.

2 Pedro 1:3

Tachi Ak'õre k'awa p'anɨ pẽra, ichi jua chaareadepa tachiá nejõma teasima ichia k'ɨ̃ria bɨ jĩra nipadamẽrá mãɨnepa ewaricha ichi ome chok'ae p'ananamẽrá. Ichi chi atepe bɨ pẽra mãɨnepa jĩp'a bɨ pẽra tachi t'ɨ̃k'ari ne waibɨa mãɨnepa minachia pia bɨt'a, tachi pae ooyade asima. Mãɨya oo bɨ pẽra nãɨ ĩjũanepemarãpa nemietá oo k'ɨ̃ria p'anɨt'a mãrapa itu bɨdak'ari p'ue ichi jĩra jĩp'a p'ananaipɨ.

2 Pedro 1:8

Mãrapa mãɨ jõma pia oodaipɨra, mãɨpa tachiá Tachi Chipari Jesucristo waa pia k'awapipododaipɨ mãɨnepa tachi nepia oodai k'orea chok'ea p'anapidaipɨ.

2 Pedro 3:18

Jesucristo Tachi Chipari mãɨnepa Tachi K'aripaparí ewaricha pia k'awapariet'ɨ. Ichi sõpiadepa warit'ɨ. Idi mãɨnepa ewaricha ichiá pia pedeadai p'anɨma. Mãɨya beese.

1 Juan 1:3

Taipa ununana mãɨnepa ũrinana mãrá jara p'anɨma mãra sida tai ome ará Tachi Pajãnepema Ak'õre ome mãɨnepa ichi Warra Jesucristo ome pia p'ananamẽrá.

1 Juan 2:19

Ãchi tachi ome p'anana wãsidama, maamina piarã tachidepemawẽ pasima. Piarã tachidepema padapara, tachi ome wapida ará p'ananai pasima. Maamina mãɨyasima pia k'awadamẽrá jõmãɨrã tachidepemawẽt'a.

1 Juan 5:20

Tachia k'awa p'anɨma Tachi Ak'õre Warra chesit'a mãɨnepa k'ɨ̃risia k'awa bɨ tachiá teasit'a Tachi Ak'õre piarã k'awadamẽrá. Ichi Warra Jesucristo ome p'anɨ pẽra tachi piarã Tachi Ak'õre ome p'anɨma. Ichi piarã Tachi Ak'õrepɨ. Ichia ẽpẽrarã́ ichi ome ewaricha chok'ae p'anapiparima.