P'ilipense 3:11 - Tachi Ak'õre Pedea

¹¹ Mãɨya k'ɨ̃ria bɨma Tachi Ak'õrepa mɨ chok'ae p'irabaripii pẽra.

P'ilipense 3:11 ပူးပေါင်းရင်းမြစ်များ

Luca 14:14

Mãɨyaipɨra piarã pɨ minachia pia baipɨ. Ãchia pɨá mi ãpia pida p'ue teadak'a pẽra, chi jĩp'a berã chok'ae p'irabariuta ewaride Tachi Ak'õrepa pɨá nepia teaipɨ.

Juan 11:24

Mãɨne Martapa jarasima: —Ãjã, mɨa k'awa bɨma nãɨ k'aadepema ewaride, chi piudaadarã chok'ae p'irabariutade, ichi sida chok'ae p'irabaripiipɨ.

Hecho 23:6

Mãɨya bɨde Pablopa k'awasima chi eda waapẽarã saduceorãpema pasima mãɨnepa chi waapẽarã p'ariseorãpema pasima. Mãɨpuru ãchiá ɨbɨa jarasima: —Ũpẽarã, mɨ p'ariseopɨ. Mɨ chõarãenapemarã sida p'ariseorã pasima. Mãɨpuru ĩjãa bɨma chi piudaadarã chok'ae p'irabaridait'a. Mãɨ k'orea mɨ ɨtɨa k'ɨ̃ria p'anɨma.

Hecho 26:7

Piarã ãarea Israel doce warrarãnepa ununaanarãpa ĩjãa p'anɨma Tachi Ak'õrepa tachi chok'ae p'irabaripit'a. Mãɨpuru tachia ãst'á mãɨnepa teamasi Tachi Ak'õrea pia pedeapatama. Poro jũra jɨ̃parí jɨ̃ bɨ Agripa, mãɨ ĩjãa bɨ k'orea waapẽarã judiorãpa mɨ nepɨra pará bɨade a jara p'anɨma. »Tachi Ak'õrepa tachi chok'ae p'irabaripiit'a ĩjãa p'anɨpɨra ¿k'ãre k'orea ĩjãanawẽa p'anɨma ichia piu bada aba chok'ae p'irabaripisit'a? Mãɨya jarak'ari Agripá nepɨrɨsima:

Hecho 27:12

Mãɨ p'ãp'orro jɨ̃pataɨmá piawẽa basima, mãɨ ewari ewãra nɨbɨde mãma nɨnai k'orea. Mãɨpuru chi ẽpẽerã minachia p'anɨrãmá pia basima P'enice p'uurudea wãnait'a mãma chi ewari ewãra nɨbɨt'a nɨnai k'orea. Mãɨ p'uuru sida Creta ĩjũa p'ɨrra bɨde bɨma. Mãmãɨpa unupachidama k'ĩraripema estarik'a mãɨnepa ãpɨteapema estarik'a.

Romano 11:14

Mɨa judiorãwẽa jaratea bɨdepa k'ɨ̃ria bɨma mɨ ẽpẽrarã judiorã pida mãɨ pedea ũri k'ɨ̃rianait'a, jiwá p'anɨ jĩra. Mãɨya Tachi Ak'õrepa eda ãchidiidepema k'aripaipɨ.

1 Corintio 15:23

Cristo naa chok'ae p'irabarisima. Ichi mãicha cherude ichidirã chok'ae p'irabaridaipɨ.

1 Corintio 9:22

Chi ũpẽarã chi piarãpẽa pedea ãpia k'awa k'ede t'ãena bɨde ãchi jĩra baparima mɨnepa Jesucristo k'orea pia k'awadamẽrá. Mɨ wãrucha ẽpẽrarã t'ãena bɨde ãchi jĩra baparima mɨnepa waapẽarãpa Cristode ĩjãanak'ari mɨa ãchi nemietaadepema k'aripamẽrá.

1 Corintio 9:27

Mãɨpari mɨ k'ak'ua chaarea oopi bɨ jĩra mãɨnepa mɨ k'ak'uapa ooemaa bɨt'a mɨa oopi bɨ jĩra, mãɨya jõma oopi bɨma Tachi Ak'õrepa teai jarada jitai k'orea. Mãɨya ooepɨra, mɨa ẽpẽrarã́ jaratea badamina Tachi Ak'õrepa teai jarada p'ue jitaiwẽma.

2 Corintio 11:3

Maamina mɨa wap'ea bɨma waapẽarãpa mãra seadait'a taamapa k'ɨ̃risia k'awaadepa Eva seada jĩra. Mãɨyara mãrapa Cristode piarã sõnepa ĩjãa p'anɨt'a itu bɨdaipɨ.

1 Tesalonicense 3:5

Mãɨ k'orea mɨa waa p'ue choawẽ pẽra Timoteo mãramá peesima wapida Cristode ĩjãa p'anɨ k'awai k'orea. Mɨa k'ɨ̃risia basima tiorepa mãrá Cristo itu bɨpisit'a. Mãɨyanapara taipa mãrá Cristo k'orea jarateadada pari beei pasima.

2 Tesalonicense 2:3

Mi ãpia pida abaɨa itu seapirãt'ɨ. Tachi Chiparipa ɨtɨai ewari pai naena chok'araɨrãpa Tachi Ak'õre itu bɨdaipɨ. Mãɨne chi ẽpẽra k'achia bɨt'a unupiipɨ. Mãɨ ẽpẽra Tachi Ak'õrepa t'ɨpɨ uruadea jira peeipɨ.

2 Timoteo 4:8

Naapae mɨa jĩp'a oo bɨ k'orea Tachi Chiparipa mɨ pae poro jũra jɨ̃parí uru bɨma. Ichia jĩp'a ak'ɨpari pẽra mãɨ poro jũra jɨ̃parí mɨá teaipɨ ichia ak'ɨrude. Maamina mɨá puru teaiwẽma, mãɨpari jõma ichi chei ewari unu k'ɨ̃ria berã́ teaipɨ.

Hebreo 11:35

Chi eda waapẽarã wẽerãpa Tachi Ak'õrene ĩjãa p'anana pẽra chi ẽpẽrarã ãchidirã piudada pada chok'ae p'irabaripidada unusidama. Maamina waapẽarã Tachi Ak'õrene ĩjãa p'anɨ k'orea ẽpẽerãpa minachia jok'aedak'ari peasidama. Eda serra p'anasidama, minachia mĩapidai k'orea. Mãma ãchi k'ẽet'aadayade asidama chi Tachi Ak'õrene waa ĩjãanaiwẽa p'anɨane adaipara. Maamina itu peapisidama, chok'ae p'irabaridak'ari piipará p'ananait'a nɨ p'anana pẽra.

Apocalipsi 20:5

Mãɨ chok'ae p'irabaridada Tachi Ak'õrepa naa chok'ae p'irabaripida pasima. Waapẽarã piudarã chok'ae p'irabaridaé pasima aba mil ãyo jõrunea.