P'ilipense 3:10 - Tachi Ak'õre Pedea

¹⁰ Mɨa Cristo minachia k'awa k'ɨ̃ria bɨma. Ichi Tachi Ak'õre jua chaareadepa chok'ae p'irabarisima. Mɨ ara mãɨ jua chaareadepa ichi ome p'ɨrrɨa k'ɨ̃ria bɨma. Mãɨpuru ichi minachia mĩana jĩra mɨ mĩa k'ɨ̃ria bɨma, mãɨnepa ichi piuda jĩra piui k'ɨ̃ria bɨma.

P'ilipense 3:10 ပူးပေါင်းရင်းမြစ်များ

Mateo 20:23

Mãɨne Jesupa jarasima: —Mãra sida piarã mɨ jĩra minachia mĩanaipɨ. Maamina mɨ juaraari wa juawieri suak'abari p'aneenait'a mɨa mãɨya p'ue jaraiwẽma. Mɨ Ak'õrepuru mãɨya jara bɨma.

Juan 10:18

Mɨa mɨ itu itarpiepɨra mi ãpia pida mɨ p'ue peadaiwẽma, maamina mɨ piuipɨ ara mɨchia mãɨya k'ɨ̃ria bɨ pẽra. Mɨ piuk'ari ya mãicha chok'ae p'irabariipɨ. Mãɨ mɨ Ak'õrepa mɨá mãɨya oopisima».

Juan 17:3

Ewaricha chok'ae bepa, ãchia k'awa p'anɨma pɨ piarã Tachi Ak'õre aba bɨt'a. Ichiaba k'awa p'anɨma chi pɨa peeda, Jesucristot'a.

Romano 8:17

Ichi warrarã pẽra Cristo ome ichia uru bɨdepema jitadaipɨ. Tachi piarã Cristo minachia mĩana jĩra minachia mĩa p'ananaipɨra, Tachi Ak'õrepa Cristo ome ará minachia pia bɨipɨ.

Romano 8:29

Mãɨ mãɨya bɨma, ichia naenaena k'awa basi pẽra k'airã ichidirã pait'a. Ãchi bɨsima ichi Warra Jesú jĩra p'ananamẽrá. Mãɨya ichi Warra Jesú ũpẽarã chok'ará p'anɨnepema chi naapemapɨ.

Romano 8:36

Tachi Ak'õre pedeade nãɨya bɨ bɨma: «Ewaricha pɨ k'orea tai pea k'ɨ̃ria p'anɨma. Oveja peauta jĩra peadai k'ɨ̃risia p'anɨma».

2 Corintio 1:10

Ichia tai peadai pada k'aripasima mãɨnepa mãicha peadai k'ɨ̃risiasidara k'aripaipɨ. Taipa piarã ĩjãa p'anɨma ichia tai peadai pada k'aripa bait'a.

2 Corintio 1:5

Piarã Cristo k'orea tai minachia mĩapatamina ichidepa ne ãareaɨne sõpiapatama.

2 Corintio 13:4

Ichi ɨbɨwẽa bɨ jĩra k'urusude barijira bɨdaadamina Tachi Ak'õre chaareadepa chok'ae bɨma. Tai sida ɨbɨwẽa p'anɨma ichi ɨbɨwẽa bada jĩra, maamina ichi ome tai Tachi Ak'õre chaareadepa p'ananait'a mãrá unupidaipɨ.

Gálata 2:20

Mɨ Cristo ome ará k'urusude barijira bɨsidama. Mãɨpuru ara mɨnepa bɨwẽma, mãɨpari Cristot'a mɨ sõne bɨma. Nãɨ k'ak'uade chok'ae bɨmisa, mɨ Tachi Ak'õre Warra Jesudepa baipɨ. Ara mãɨ Jesupa ichi Ak'õrepa oopi bɨt'a oopachi pẽra, mɨ k'ɨ̃riasima mãɨnepa mɨ k'orea ara ichi itu peapisima.

Gálata 6:17

Chi Jesudepema pedea jaratea bɨ k'orea ẽpẽrarãpa mɨ piawẽa oosidama. Mɨ k'ak'ua k'õk'oadada pada ya anik'ari uru bɨma mãɨya unupii k'orea mɨ ichidit'a. Mãɨpuru idiipa waa mɨa k'ɨ̃riawẽma abaɨ pida mɨ waa ooit'a.

Ep'esio 4:13

aba jõmãɨrã Tachi Ak'õre Warrade ĩjãa p'anɨnepa mãɨnepa k'awa p'anɨnepa ará pia p'aneeutadea. Mãɨne tachi ne ãareaɨne Cristo jĩra p'ananaipɨ.

P'ilipense 3:8

Piarã mɨ Chipari Jesucristo k'await'a ne ãarea k'aepẽra atepe piipará bɨma. Mɨa naena k'ɨ̃risia bada, mãɨ ãarea ichi k'orea itu bɨsima. Jõma mãɨ nejarra jĩra unu bɨma, Cristo unui k'orea

Colosense 1:24

Naapae mɨa mãra k'aripai k'orea minachia mĩa bɨmina arapá bɨma. Mãɨnepa Cristo k'orea wapida mĩai bɨ pẽra, minachia mĩa nipaipɨ jõma ichi ẽpẽrarã k'aripai k'orea.

Colosense 2:13

Naena mãra piu p'anasidama, ĩjãanawẽa p'anasidepa nemietá oopachida pẽra. Mãɨne tachi k'ak'uapa nemietá ooyá bɨ oopachidama. Maamina Tachi Ak'õrepa mãra Cristo ome chok'ae bɨsima. Jõma tachia nemietá oodada ichia k'ɨ̃risia atuasima.

Colosense 3:1

Mãra Cristo ome chok'ae p'irabaridada pẽra ne ɨt'aripema jɨrɨ p'anat'ɨ. Mãma Cristo Tachi Ak'õre juaraari suak'abari bɨma.

1 Pedro 1:3

Tachi Chipari Jesucristo, Pajãnepema Ak'õrea pia pedeadai p'anɨma. Ichia tachi minachia k'ĩra chupuriada pẽra Jesucristo piu bada chok'ae p'irabaridadepa tachi chok'ae chiwidi jĩra p'aneepisima. Mãɨpuru piarã k'awa p'anɨma

2 Pedro 1:13

Mɨmá pia bɨma wapida chok'ae bɨmisa mãɨ mãrá k'ɨ̃risiapi bait'a.

1 Juan 2:3

Tachi Ak'õrepa oopi bɨ pedeat'a tachia oo p'anɨpɨra, unupidai p'anɨma ichi piarã k'awa p'anɨt'a.

1 Juan 2:5

Maamina chi Tachi Ak'õre pedea oo bɨpa Tachi Ak'õre piarã k'ɨ̃ria bɨma. Chi Tachi Ak'õre ome ará bɨade a bɨt'a Jesucristo nipada jĩra nipai bɨma. Tachi mãɨya nipadaipɨra, k'awa p'anɨma piarã ichi ome ará p'anɨt'a.

Apocalipsi 1:18

Mɨ chi Chok'ae Bɨma. Mɨ piudamina ak'ɨse chok'ae bɨ, mãɨnepa ewaricha chok'ae baipɨ. Mɨa piudarã chok'ae p'irabaripi bɨma.