P'ilipense 2:6 - Tachi Ak'õre Pedea

⁶ Ichi Tachi Ak'õremina, ara Tachi Ak'õre jĩra abarik'a bai k'ɨ̃risiaé pasima.

P'ilipense 2:6 ပူးပေါင်းရင်းမြစ်များ

Mateo 1:23

«Wẽra ɨmɨk'ĩra atua bɨ biak'oa beek'ari warra t'õipɨ. Ẽpẽrarãpa chi warra Emanuel adaipɨ». (Mãɨ t'ɨ̃ jara k'ɨ̃ria bɨma «Tachi Ak'õre tachi ome bɨ»).

Juan 1:18

Abaɨ pida Tachi Ak'õre ununak'ama. Maamina chi Warra aba bɨt'a Tachi Ak'õre pẽra mãɨnepa chi Ak'õre ome abarik'a bɨ pẽra, tachiá k'awapisima Tachi Ak'õre piarã sãmaasã́ bɨt'a.

Juan 10:30

Mɨ, mɨ Ak'õre ome aba p'anɨma.

Juan 10:33

Judiorãpa p'anoosidama: —Taipa pɨ mawarapa bat'adaiwẽma nepia oo bɨ k'orea, mãɨpari bat'adaipɨ pɨ ẽpẽrat'u bɨmina, mãɨ Tachi Ak'õreane a bɨ k'orea. Mãɨpa pɨa Tachi Ak'õrenepema k'achia pedea bɨma.

Juan 10:38

Maamina ichia oo bɨt'a mɨa oo bɨpɨra, mɨa jara bɨ k'orea mãrapa ĩjãanawẽa p'anɨmina mɨa oo bɨt'a k'orea ĩjãat'ɨ. Mãɨya mãrapa piarã k'awadaipɨ mɨ Ak'õre mɨ ome bɨ mãɨnepa chi mɨ Ak'õre mɨ ome bɨt'a.

Juan 14:28

Mɨa mãrá jarasima mɨ wãrut'a mãɨnepa mãicha mãramá cheit'a. Mãrapa mɨ piarã k'ɨ̃ria p'anɨpara arapaadai pasima mɨ Ak'õremá wãyane ada k'orea. Ichi mɨ atepe bɨ pẽra, mɨ mãicha bɨipɨ mɨ naena badamá.

Juan 14:9

Mãɨpuru Jesupa jarasima: —P'elipe, mɨ minachia tãaraa mãra ome bɨma. Pɨa mɨ ¿waidi k'awawẽa bɨk'ãra? Chi mɨ unu bɨpa mɨ Ak'õre sida unu bɨma. Pɨa ¿sãmaasã́ “Tachi Ak'õre taiyá unupipade” a bɨma?

Juan 17:5

Mãɨpuru Ak'õre, mɨ pɨ k'ĩrari chi choma bɨse pɨ ome nãɨ ĩjũa ooi naena chi choma bada jĩra.

Juan 20:28

Mãɨne Tomapa jarasima: —¡Mɨ Chipari! ¡Mɨ Tachi Ak'õre!

Juan 5:18

Mãɨ k'orea judiorã chi chaarearãpa ichi atepe peada k'ɨ̃ria p'aneesidama. Ichia mimianak'apɨ́ ewaride ne oodak'apɨ́ oodat'a k'ɨ̃rianaé pasima. Mãɨ awara mɨ Ak'õreane ada k'orea mãɨ atepe k'ɨ̃rianaé pasima mãɨpa ara ichi Tachi Ak'õreane ada pẽra.

Juan 5:23

Mãɨya ãareaɨrãpa mɨ Ak'õre wap'ea p'anɨ jĩra mɨ sida wap'eadaipɨ. Chi mɨ wap'eawẽa bɨpa mɨ Ak'õre sida wap'eawẽa bɨma, mɨ Ak'õrepa mɨ nãɨ ĩjũanea peeda pẽra.

Romano 9:5

Ãchi chõarãenapemarã chi minachia k'awapataɨrã pasima. Ãchidepa Cristo ẽpẽra k'ak'uade chesima. Ichit'a jõmãɨrã Ak'õrepɨ. Ichiaapuru tachia ewaricha pia pedeadai p'anɨma. Mãɨya beese.

2 Corintio 4:4

Tachi Ak'õrene ĩjãanak'apɨɨrãmá chi mãɨ pia ũrinak'ama. Nãɨ ĩjũane tiore ãchi chiparipɨ. Ãchirã́ chi piarã pedea pia Cristo k'orea itu k'awapiwẽa bɨma tau p'ãrio oo bɨ jĩra. Mãɨya ãchia Cristo pia bɨ k'orea p'ue k'awadaiwẽma. Cristo Tachi Ak'õre pẽra mãɨya pia bɨma.

2 Corintio 8:9

Mãrapa minachia k'awa p'anɨma Tachi Chipari Jesucristopa ichi sõpiadepa oodat'a. Ichi pajãne nejõma uru bɨmina, mãra pae nãɨ k'ak'uade nenea bɨ jĩra basima mãrapa nejõma Tachi Ak'õrepa tea bɨdepema uru p'ananamẽrá.

1 Timoteo 1:17

Tachi Ak'õre chi ewaricha jõmãɨrã Chiparipɨ. Ichi chi tachia ununak'aɨ piuk'ama. Ichit'u Tachi Ak'õrepɨ. Ichiá tachia ewaricha pia pedeadai p'anɨma mãɨnepa wap'eadai p'anɨma. Mãɨya beese.

1 Timoteo 3:16

Piarã Tachi Ak'õrepa mãɨ pedea k'awapida minachia pia bɨma: Cristo nãɨ k'ak'uade chesima. Tachi Ak'õre Jaorepa k'awapisima ichi jĩp'a bɨt'a. Tachi Ak'õrepa ɨt'aripa peedaɨrãpa ichi unusidama. Ũpẽarãpa ichi k'orea tua awaraɨdepemarãmá jarateasidama. Chok'araɨrãpa nãɨ ĩjũane ichide ĩjãasidama. Tachi Ak'õrepa ichi pajã k'ĩrawãrea bɨde mãicha ateewãsima.

Tito 2:13

Tachi pia p'ananai ewari nɨ p'anɨmisa mãɨya p'ananai p'anɨma. Mãɨ ewaride Tachi K'aripaparí Jesucristo cherude, ichi k'ĩrawãrea ununaipɨ, ichi Tachi Ak'õre chi atepe bɨdeepuru.

Hebreo 1:3

Ichi Warrapa Tachi Ak'õre k'ĩrawãrea achiterrea unupiparima. Ichiapuru Tachi Ak'õre sãmaasã́ bɨt'a k'awapiparima. Ichi pedea jua chaarea bɨdepa ne ãarea ooda ichi juade ara mãɨya uru bɨma. Ichia tachi nemietá oodada sɨɨk'ari Tachi Ak'õre chi auk'ará bɨ juaraari pajãne suak'abari beesima.

Hebreo 1:6

Mãɨ awara Tachi Ak'õrepa ichi Warra aba bɨt'a nãɨ ĩjũanea peeside nãɨya jarasima: «Ãarea Tachi Pajãnepema Ak'õrepa ɨt'aripa peedaɨrãpa ichiá pia pedeadai p'anɨma».

Hebreo 1:8

Maamina ichi Warra k'oreapuru Tachi Ak'õrepa nãɨya jarasima: «Tachi Ak'õre, pɨ ewaricha ne ãareaɨrã chiparipɨ. Pɨ p'uuru jĩp'a bapiparima.

Hebreo 13:8

Jesucristo k'ĩra awara bak'ama. Noena bada jĩra idi pida abarik'a bɨma, mãɨnepa ewaricha mãɨya baipɨ.

Apocalipsi 21:6

Ichiaba ichia mɨá nãɨya jarasima: «Mɨa ooi badat'a jõma oosima. Mɨ chi Alp'apɨ mãɨnepa chi Omegapɨ. Mãɨpa jara bɨma mɨ chi Naapemapɨ mãɨnepa chi K'aadeapemapɨ. Paritua opisia bɨpɨra, mɨa pania wea bɨt'a pari topiipɨ. Mãɨ paniapa tachi chok'ae p'anapiparima.