P'ilipense 2:4 - Tachi Ak'õre Pedea

⁴ Ara machicha pia p'ananai k'orea jɨrɨrãt'ɨ, mãɨpari jɨrɨt'ɨ waapẽarã sida pia p'ananamẽrá.

P'ilipense 2:4 ပူးပေါင်းရင်းမြစ်များ

Mateo 18:6

»Abaɨpa chi ãpia k'ede mɨne ĩjãa p'anɨ nemietaade baepiipɨra, Tachi Ak'õrepa mãɨ ẽpẽra minachia ɨtɨaipɨ. Mãɨ minachia ɨbɨa ɨtɨai pẽra piipará bɨma mãɨ ẽpẽra obɨɨrɨde k'ũruma waibɨa jɨ̃nak'ari senia chomanea toeda t'aa peedai.

Romano 12:15

Chi arapá be ome arapá p'anat'ɨ. Chi sõp'ua be ome sõp'ua p'anat'ɨ.

Romano 15:1

Tachia ĩjãa p'anɨ k'orea minachia k'awa berãpa tachia k'ɨ̃ria p'anɨ k'aepẽra, chi pia atua k'ede k'aripadai p'anɨma.

1 Corintio 10:24

Abaɨ pida ara ichi pia bai k'orea jɨrɨ baiwẽa bɨma, mãɨpari waapẽarã pia p'ananamẽrá jɨrɨ bai bɨma.

2 Corintio 11:29

Aba k'ɨdade beeipɨra, mɨ sida k'ɨdade bee jĩra baparima. Abaɨpa waapẽarã ũpẽa nepɨrade baepiipɨra, mɨ mãɨ ẽpẽra ome k'ĩruuparima.

2 Corintio 6:3

Tai k'orea abaɨa piawẽa unupidawẽa p'anɨma, mi ãpia pida piawẽa pedeapidaemaapa taipa jarateapataɨ k'orea.

P'ilipense 2:21

Jõmãɨrãpa ara ãchi pia p'ananai jɨrɨpatama, Jesucristopa k'ɨ̃ria bɨ jɨrɨdai k'aepẽra.

Santiago 2:8

Mãrapa Moisepa bɨdadepema chi atepe bɨ piarã oo p'anɨpɨra, pia oo p'anɨma. Tachi Ak'õre pedeade mãɨ Moisepa bɨdade nãɨya jara bɨma: «Abaɨ k'ɨ̃riase ara pɨchi k'ɨ̃ria bɨ jĩra».