P'ilipense 2:3 - Tachi Ak'õre Pedea

³ Waapẽarã k'aepẽra atepe pia be k'ɨ̃risia p'anɨnepa mi ãpia pida oorãt'ɨ. Mãɨnepa oorãt'ɨ mãra paepuru pia p'ananai k'orea. Mãɨpari k'ɨ̃risiat'ɨ waapẽarã mãra k'aepẽra atepe pia berã.

P'ilipense 2:3 ပူးပေါင်းရင်းမြစ်များ

Luca 18:14

»Mɨa mãrá jararuma: mãɨ p'ariseo k'aepẽra mãɨ ẽpẽra tedea wãside Tachi Ak'õre k'ĩrari jĩp'a basima. Chi atepe bai k'ɨ̃ria bɨ, Tachi Ak'õrepa mãɨ wariwẽa bɨipɨ. Abaɨ pida ara ichi ãpia bɨ jĩra k'ɨ̃risiasira Tachi Ak'õrepa mãɨ chi atepe bɨ jĩra bɨipɨ».

Romano 12:10

Piarã k'ɨ̃rianepa chi k'ɨ̃ria p'anat'ɨ. Chi waapẽarã ome pia p'anat'ɨ, ãchi machi k'aepẽra atepe p'anɨ jĩra mãɨnepa waapẽarã k'orea pia k'ɨ̃risiat'ɨ.

Romano 13:13

Tachi jĩp'a nipadai p'anɨma ãst'á nipapata jĩra. Arapá oopataɨ tiidá it'ua tode wãnaiwẽa p'anɨma, tachi k'ak'uadepa nemietá oo p'ananaiwẽa p'anɨma, k'ĩruu pedea p'ananaiwẽa p'anɨma, mãɨnepa abaɨpa uru bɨ k'orea piawẽa k'ɨ̃risiadaiwẽa p'anɨma.

Romano 2:8

Maamina chi eda waapẽarãpa waapẽarã k'aepẽra pia p'ananai k'orea jɨrɨpatama. Mãɨpuru chi piarãpẽa pedea ĩjãanai k'ɨ̃rianak'ama mãɨnepa nemietaade p'anapatama. Mãɨ ẽpẽrarã Tachi Ak'õrepa ichi k'ĩruupidepa minachia ɨtɨaipɨ.

1 Corintio 15:9

Piarã chi Jesucristopa peedadepema mɨ chi ãpiipará bɨ jĩra bɨpɨ. Ẽpẽrarã Tachi Ak'õreneerã piawẽa ooi k'orea ẽp'ẽ bada pẽra pia bɨwẽma ẽpẽrarãpa mɨ ichia peeda jaradait'a.

1 Corintio 3:3

Mãra wapida nãɨ k'ak'uapa oo k'ɨ̃ria bɨ jĩra nipapatama: waapẽarãpa uru bɨ k'orea piawẽa k'ɨ̃risiapatama mãɨnepa k'ĩruu pedeapatama. Mãɨya p'anɨ pẽra ¿nãɨ k'ak'uapa oo k'ɨ̃ria bɨ jĩra nipapatawẽk'ãra? ¿Nãɨ ĩjũanepemarã jĩra p'anɨwẽk'ãra?

2 Corintio 12:20

Mɨa wap'ea bɨma mãramá wãk'ari mãra unuiwẽma mɨa k'ɨ̃ria bɨ jĩra. ¡Mãɨnepa mãrapa mɨ ununaiwẽma mãrapa k'ɨ̃ria p'anɨ jĩra, mãra ɨtɨai bɨdeepuru! Piarã mɨa wap'ea bɨma mãramá wãrune, unuipɨ mãra k'ĩruu pedea p'anɨt'a, waapẽarãpa ne uru be k'orea piawẽa p'anɨt'a, k'ĩruu p'anɨt'a, ara machi pia p'ananai k'orea jɨrɨ p'anɨt'a, waapẽarã k'orea k'achia pedea p'anɨt'a, waapẽarã k'orea sea jara p'anɨt'a, chi atepe bɨ jĩra k'ɨ̃risia p'anɨt'a mãɨnepa k'ĩruupik'a para p'anɨt'a.

Gálata 5:15

Jĩrak'aua p'anat'ɨ. K'ĩruu pedea tuananaipɨra, chõo tuananaipɨra, ara mãra tuaba jõma jõnaipɨ.

Gálata 5:26

Waapẽarã k'aepẽra pia be k'ɨ̃risiadaiwẽa p'anɨma, k'ĩruu pedea tuananaiwẽa p'anɨma, mãɨnepa abaɨpa uru bɨ k'orea piawẽa k'ɨ̃risiadaiwẽa p'anɨma.

Ep'esio 4:2

Mãra chi atepe be k'ɨ̃risiarãt'ɨ, mãɨpari k'ɨ̃risia piadepa p'anat'ɨ. Ara machi paara k'ɨ̃rianepa choa p'anat'ɨ.

Ep'esio 5:21

Cristo wap'ea p'anɨnepa ara mastu chi ĩjãat'ɨ.

P'ilipense 2:14

Waapẽarã k'orea k'achia pedeadawẽa mãɨnepa k'ĩruu pedeadawẽa jõma oot'ɨ.

Colosense 3:12

Tachi Ak'õrepa mãra k'ɨ̃rianepa jɨrɨ atasima ichi pae pia p'ananamẽrá. Mãɨpuru waapẽarã k'ĩra chupuria p'anat'ɨ. Ẽpẽra pia p'anat'ɨ. Mãra chi atepe be k'ɨ̃risiarãt'ɨ. Jõmãɨrã ome k'ɨ̃risia piadepa p'anat'ɨ. Ara machi paara choa p'anat'ɨ.

Colosense 3:8

Maamina naapae jõma nãɨ itu bɨt'ɨ: mãra sõnepa k'ĩruupataɨ, k'ĩruu pedeapataɨ, waapẽarã́ piawẽa oopataɨ, waapẽarã́ k'achia pedeapataɨ mãɨnepa pedea k'achia jarapataɨ.

1 Timoteo 6:4

mãɨnepa jõma k'awa bɨade a k'ɨ̃risia bɨmina piarã atua bɨma. Sõpiawẽa bɨdepa k'ĩruu pedeayá awaa baparima. Paritua pedeauta k'orea k'ĩruu pedea baparima. Mãɨ k'orea nãɨrã unuparima: waapẽarãpa ne uru bɨ k'orea sõ ãyá bait'a, waapẽra ome k'ĩruu jɨrɨ bait'a, waapẽra k'orea k'achia pedea bait'a, mãɨnepa waapẽra k'orea piawẽa k'ɨ̃risia bait'a.

1 Pedro 3:8

Mãɨ awara ũpẽarã, abarik'a k'ɨ̃risiadepa jõma mãra ará pia tuanat'ɨ. Waapẽarã k'aripai k'ɨ̃risiadepa p'anat'ɨ. Ũpẽarã pẽra chi k'ɨ̃riat'ɨ. Chi k'ĩra chupuriat'ɨ mãɨnepa waapẽarã k'aepẽra atepe bɨ jĩra k'ɨ̃risiarãt'ɨ.

1 Pedro 5:5

K'ũtãarã, chõarãpa jarauta oot'ɨ. Jõmãɨrã chi k'aripa p'ananai p'anɨma waapẽarã k'aepẽra chi atepe bɨ k'ɨ̃risiadawẽa. Tachi Ak'õre pedeade nãɨya bɨ bɨma: «Chi waapẽarã k'aepẽra chi ãchi k'ak'ua atepe k'ɨ̃riapataɨrã Tachi Ak'õrepa itu pia p'anapik'ama. Maamina chi atepe k'ɨ̃risiawẽa be Tachi Ak'õrepa ichi sõpiadepa k'aripaparima».