P'ilipense 2:22 - Tachi Ak'õre Pedea

²² Maamina mãrapa k'awa p'anɨma Timoteopa pia ooparit'a. Warrapa ichi ak'õre k'aripapari jĩra ichia chi pedea pia Cristo k'orea k'aripa jaratea bɨma.

P'ilipense 2:22 ပူးပေါင်းရင်းမြစ်များ

Hecho 16:2

Ũpẽarã Listradepemarãpa mãɨnepa Iconio p'uurudepemarãpa mãɨ Timoteo k'orea pia jarapachidama.

Romano 5:4

Mãɨ choa p'anɨnepa k'awa p'anɨma Tachi Ak'õrepa tachi pia unu bɨt'a. Makɨɨdepa k'awa p'anɨma Tachi Ak'õre pia bɨdepema jitadait'a.

1 Corintio 16:10

Ũpẽa Timoteo mãramá cheipɨra, ichi mãra t'ãena pia bayade at'ɨ wap'eapiemaapa. Tachi Chiparipa k'ɨ̃ria bɨt'a ichia pia oo bɨma mɨa oo bɨ jĩra.

1 Corintio 4:17

Mãɨpuru Timoteo mãramá peeruma. Tachi Chiparidepa ichi mɨ warra k'ɨ̃ria bɨ jĩra bɨma mãɨnepa jĩp'a nipaparima. Ichia mãrá k'ɨ̃risiapiipɨ mɨ Jesucristo ome sãmaasã́ nit'a. Mɨ mãɨya nipai bɨt'a ẽpẽrarã Jesucristoderã becha jarateaparima.

2 Corintio 2:9

Mɨa naena mãɨ k'orea bɨsima mãrapa piarã jõma mɨa jarada oodai k'awai k'orea.

2 Corintio 8:22

Mãɨ ũpẽarã ume p'anɨ mãramá wãutade abaɨ ũpẽa ãchi ome peedaipɨ. Mãɨ ũpẽapa ewaricha taiyá unupisima ũpẽarã minachia k'aripa k'ɨ̃ria bɨt'a. Idiapae mãra minachia k'aripa k'ɨ̃ria bɨma mãrapa jĩp'a oodai k'awa bɨ pẽra.

2 Corintio 8:24

Mãɨ ũpẽarã́ unupit'ɨ mãrapa ãchi piarã k'ɨ̃ria p'anɨt'a. Mãɨya ãchia k'awadaipɨ taipa mãra k'orea pia jaradada piarã pasit'a. Waapẽarã ũpẽarã pida ara mãɨ jĩra k'awadaipɨ.

2 Corintio 8:8

Mɨa mãɨ oopadade awẽa bɨma, mãɨpari mɨa k'ɨ̃ria bɨma mãrapa unupidait'a ũpẽarã piarã k'ɨ̃ria p'anɨt'a. Mãɨ k'orea mɨa mãrá k'awapi bɨma sãmaasã́ waapẽarãpa erreara ũpẽarã Jerusalenepema pae jɨrɨp'e p'anɨt'a.

P'ilipense 1:12

Ũpẽarã, mɨa mãrá k'awapii k'ɨ̃ria bɨma chi mɨ eda jɨ̃a nɨbɨdaadamina chi pedea pia Cristo k'orea atepe jaratea bɨt'a.

P'ilipense 1:16

Mãɨrãpa k'ɨ̃rianepa mãɨya oopatama. K'awa p'anɨma Tachi Ak'õrepa mɨ nãma bɨsit'a, chi pedea pia Cristo k'orea piarã k'awapimẽrá. Maamina waapẽarãpa Cristo k'orea jara p'anɨma minachia k'awa berã jĩra k'ɨ̃risia p'anɨ pẽra. K'ɨ̃risia piadepa mãɨya oodak'ama, mãɨpari k'ɨ̃risia p'anɨma mɨ nãma eda jɨ̃a nɨbɨde atepe sõp'uapidait'a.

P'ilipense 1:5

mãrapa ichi pedea ĩjãasida ewaridepa, chi pedea pia Cristo k'orea mɨ k'aripa jaratea p'anɨ pẽra.

P'ilipense 1:7

Pia bɨma mɨa jõma mãra k'orea mãɨya k'ɨ̃risia bait'a, mãra minachia k'ɨ̃ria bɨ pẽra. Mɨ eda jɨ̃a nɨbɨde wa chi pedea pia Cristo k'orea piarã k'awapii bɨde, Tachi Ak'õrepa ichi sõpiadepa mãra mãɨnepa mɨ sida k'aripa bɨma ichi pedea jaratea p'ananamẽrá.

P'ilipense 2:20

Nãma mɨ ome ichi jĩra bɨ aba newẽma. Ichia mãra piarã k'aripa k'ɨ̃ria bɨma.

1 Timoteo 1:18

Mɨ warra Timoteo, mɨa Tachi Ak'õrepa naena jara peeda pɨ k'orea k'ɨ̃risiarude, pɨa ooi bɨt'a jara peeruma. Mãɨne Cristode ĩjãa bɨdepa mãɨnepa k'ɨ̃risia jĩp'a bɨdepa chi pedea piarã uru base waapẽarã t'ãena, papaká bɨ k'ĩruupari jĩra. Waapẽarãpa k'ɨ̃risia pia uru p'anana itu bɨdak'ari ãchia Cristode ĩjãa p'anɨ itu bɨsidama.

1 Timoteo 1:2

Timoteo, mɨa nãɨ k'art'a pɨ pae bɨruma. Mɨnepa Cristode ĩjãana pẽra pɨ piarã mɨ warra jĩra bɨma. Mɨa k'ɨ̃ria bɨma Tachi Pajãnepema Ak'õrepa mãɨnepa Tachi Chipari Jesucristo pida ãchi sõpiadepa pɨ k'aripa p'ananamẽrá, k'ĩra chupuria p'ananamẽrá mãɨnepa ne k'ɨ̃risiawẽa bapi p'ananamẽrá.

1 Timoteo 4:6

Timoteo, pɨa jõma mãɨ ũpẽarã́ jaratea baipɨra, Jesucristo pae pari mimiaparí pia baipɨ. Tachi Ak'õre chi piarã pedea tachia ĩjãa p'anɨ ĩjãapodoutadepa pɨ jaore chaarea wari baipɨ, pia nek'o bɨ jĩra.

2 Timoteo 1:2

Timoteo, nãɨ k'art'a pɨ pae bɨruma. Mɨa pɨ minachia k'ɨ̃ria bɨma mɨ warra jĩra. K'ɨ̃ria bɨma Tachi Pajãnepema Ak'õrepa mãɨnepa Tachi Chipari Jesucristo pida pɨ k'ĩra chupuria p'anapiit'a, ãchi sõpiadepa k'aripa p'ananait'a mãɨnepa ne k'ɨ̃risiawẽa p'anapiit'a.

2 Timoteo 3:10

Maamina pɨa nãɨ ãarea jõma minachia k'awa bɨma: mɨa jaratea bɨt'a, mɨ nipaparit'a, mɨa oo k'ɨ̃ria bɨt'a, mɨa Cristode ĩjãa bɨt'a, mɨa jõmãɨrã ome choa bɨt'a, mɨa waapẽarã k'ɨ̃ria uru bɨt'a, mɨ ne ãareane sẽwẽa choa bɨt'a,

Tito 1:4

Tito, mɨa nãɨ k'art'a pɨ pae bɨruma. Tachia abarik'a Cristode ĩjãa p'anɨ pẽra pɨt'a piarã mɨ warra jĩra bɨma. Mɨa k'ɨ̃ria bɨma Tachi Pajãnepema Ak'õrepa mãɨnepa Tachi Chipari Jesucristo pida ãchi sõpiadepa pɨ k'aripa p'ananait'a mãɨnepa ne k'ɨ̃risiawẽa p'anapiit'a.