P'ilipense 2:17 - Tachi Ak'õre Pedea

¹⁷ Tãaraawẽa bɨde mɨ Cristo k'orea peadai p'anɨma, uvaba Tachi Ak'õrea weateai jĩra. Ara mãɨya mãrapa Cristode ĩjãa p'anɨt'a ãnimara Tachi Ak'õrea paateai jĩra bɨma. Mãɨ k'orea mɨ mãra ome minachia arapá bɨma.

P'ilipense 2:17 ပူးပေါင်းရင်းမြစ်များ

Hecho 20:24

Maamina mãɨ k'orea mɨa minachia k'ɨ̃risiak'ama, mɨ pia bai jɨrɨwẽa bɨ pẽra. Abapuru chi Tachi Chipari Jesupa mɨá oopi bɨt'a mãɨ ãarea oo k'ɨ̃ria bɨma. Mãɨpuru chi pedea pia Tachi Ak'õrepa ichi sõpiadepa k'aripa bɨ k'orea mɨa pedea baipɨ.

Hecho 21:13

Maamina Pablopa jarasima: —¿K'ãre k'orea jẽa p'anɨma? ¿K'ãarea jãɨya mɨ sõp'uapi p'anɨma? Mɨ ara jua jɨ̃nai k'orea bɨma mãɨnepa Mɨ Chipari Jesú t'ɨ̃ k'orea Jerusalene piui k'orea bɨma.

Romano 12:1

Mãɨpa ũpẽarã, Tachi Ak'õrepa mãra k'ĩra chupuriada pẽra, mɨa mãrá chichupuria idiruma ara machi Tachi Ak'õrea teadamẽrá, ãnimara peadak'ari, paateapata jĩra. Mãɨ ãnimara piuda k'aepẽra, ichi pae pia p'anat'ɨ mãra pia unumẽrá.

Romano 15:16

judiorãwẽ t'ãena Jesucristo pae pari mimiaparí bamẽrá. Mãɨpuru pedea pia Tachi Ak'õre k'orea ãchiá jaratea bɨma. Ĩjãasidara p'aare judiopa ãnimara paatearu jĩra mɨa ãchi Tachi Ak'õrea tearuma pia unumẽrá. Mãɨne Tachi Ak'õre Jaorepa ãchi Tachi Ak'õre pae pia bɨipɨ.

2 Corintio 12:15

Ara mɨ mãɨnepa jõma mɨa uru bɨt'a arapá teaipɨ mãra k'aripai k'orea. Mɨ ãpia k'ɨ̃ria p'anɨmina, mɨa mãra atepe k'ɨ̃riapodoipɨ.

2 Corintio 4:12

Piarã ẽpẽrarãpa tai pea k'ɨ̃ria p'anɨmina taipa jaratea p'anɨt'a mãrapa ĩjãasidama. Mãɨpuru ewaricha Tachi Ak'õre ome chok'ae p'ananaipɨ.

2 Corintio 6:10

Tai sõp'uapatamina ewaricha arapá p'anɨma. Tai nenea k'edema. Maamina taipa chok'ará ẽpẽrarã́ Tachi Ak'õre k'orea k'awapipatama ãchi erreara uru be jĩra p'ananamẽrá. Tai nenea p'anɨmina Tachi Ak'õrenepa nejõma uru p'anɨma.

2 Corintio 7:4

Mɨa mãrá piarã pedea bɨma mãɨnepa mãra k'orea mɨ arapá bɨma. Tai minachia mĩa p'anɨne mɨ mãra k'orea sõpia baparima mãɨnepa minachia arapá baparima.

P'ilipense 1:20

Cristo k'orea mɨ mi ãpia pida p'eraiwẽa bɨma, mãɨpari ichi k'orea pedeai k'orea p'eraiwẽa bɨma. Mãɨya mɨa jõmãɨrã́ Cristo chi atepe bɨt'a k'awapiipɨ, ewaricha oo bapari jĩra. Chok'ae beeipɨra wa piuipɨra, mɨa k'ɨ̃ria bɨma jõmãɨrãpa mɨnepa k'awadait'a Cristo chi atepe bɨt'a.

P'ilipense 2:18

Ara mãɨ jĩra mãra sida mɨ ome ará arapá p'ananai p'anɨma.

P'ilipense 2:30

Cristopa oopi bɨ k'orea ichi perá piusima. Mãrapa jãmãɨpa mɨ pae p'ue oodawẽa p'anɨt'a, ichia piui atua oosima.

P'ilipense 4:18

Nejõma mãrapa ũpẽa Epap'rodito ome tea peedada mɨa jitasima. Mãɨpuru ne minachia uru bɨma. Mãɨpa mɨ pia baipɨ. Mãrapa tea peedada, k'era p'iumá Tachi Ak'õrea teada jĩra bɨma. Mãɨ Tachi Ak'õrepa pia unu bɨma.

Colosense 1:24

Naapae mɨa mãra k'aripai k'orea minachia mĩa bɨmina arapá bɨma. Mãɨnepa Cristo k'orea wapida mĩai bɨ pẽra, minachia mĩa nipaipɨ jõma ichi ẽpẽrarã k'aripai k'orea.

1 Tesalonicense 2:8

Taipa mãra minachia k'ɨ̃ria p'anɨ pẽra abapuru chi pedea pia Tachi Ak'õre k'orea mãrá jarateadaé pasima, mãɨpari ne ãareanepa k'aripadai k'orea p'anasidama.

2 Timoteo 4:6

Tãaraawẽane mɨ peadaipɨ. Mɨ piui ewari ara k'ait'a bɨma.

1 Pedro 2:5

Mãra ichidepa chok'ae p'anɨ pẽra mawara te oopataɨ jĩra p'anɨma. Mãranepa Tachi Ak'õrepa ichi te ooruma. Mãɨnepa mãra p'aarerã ichi pae papi bɨma. Mãrapa Jesucristodepa Tachi Ak'õre pae ne oo p'anɨne, ichiá ãnimara paateauta jĩra oo p'anɨma. Mãɨya oo p'anɨt'a ichia pia unu bɨma.

1 Juan 3:16

Nãɨne tachia k'awa p'anɨma tachi ũpẽarã k'ɨ̃ria p'anɨt'a: Jesucristo tachi k'orea piusima. Ara mãɨ jĩra tachi sida k'ɨ̃rianepa ũpẽarã k'orea piudai k'orea p'ananai p'anɨma.