P'ilipense 2:11 - Tachi Ak'õre Pedea

¹¹ Mãɨne jõmãɨrãpa Jesucristo jõmãɨrã Chipariade a jaradaipɨ mãɨnepa Tachi Pajãnepema Ak'õrea pia pedeadaipɨ.

P'ilipense 2:11 ပူးပေါင်းရင်းမြစ်များ

Mateo 10:32

»Abaɨpa ẽpẽrarã k'ĩrari mɨne ĩjãa bɨade aipɨra, mɨ Ak'õre pajãne bɨ k'ĩrari mɨa ichi mõréane aipɨ.

Luca 2:11

Idi Daví t'õna p'uuru Belene mãra k'aripaparí t'õsima. Ichi Cristopɨ, Tachi Chiparipɨ.

Juan 12:42

Isaíapa mãɨya bɨdamina chok'ará judiorãpa mãɨnepa p'aarerã chi mãɨrã chaarearã pida Jesude ĩjãasidama. Maamina waapẽarã́ mãɨ jaradaé pasima. Wap'ea p'anasidama p'ariseorãpa chi ará pedeapataɨ tedepema ãyá jeret'aadait'a.

Juan 13:13

Mãrapa mɨ Jarateapariade apatama mãɨnepa mãra Chipariade apatama. Piarã arí jara p'anɨma, mãɨya bɨ pẽra.

Juan 13:14

Mãɨpa mɨ, mãra Chiparipa mãɨnepa Jarateaparipa mãra jĩru sɨɨda pẽra, mãra pida ara abaɨ jĩru sɨɨdai p'anɨma.

Juan 14:13

Mãɨya mãrapa mɨne ĩjãa p'anɨ pẽra mɨ t'ɨ̃nepa ɨt'aa chiidiuta mɨa jõma ooipɨ. Mãɨya mɨnepa mɨ Ak'õre chi choma bɨt'a unupiipɨ.

Juan 14:23

Jesupa p'anoosima: —Chi mɨ k'ɨ̃ria bɨpa mɨ pedea oo baipɨ. Mɨ Ak'õrepa ichi k'ɨ̃ria baipɨ. Maapae mɨ, mɨ Ak'õre ome ichimá chedaipɨ ichi ome ará p'ananai k'orea.

Juan 17:1

Jesupa mãɨya jarak'ari pajãnea ak'ɨk'ari jarasima: «Ak'õre, mɨ ewari ará pasima. Pɨ Warra chi choma bɨt'a unupise pɨ Warrapa pɨ piarã chi choma bɨt'a unupimẽrá.

Juan 20:28

Mãɨne Tomapa jarasima: —¡Mɨ Chipari! ¡Mɨ Tachi Ak'õre!

Juan 5:23

Mãɨya ãareaɨrãpa mɨ Ak'õre wap'ea p'anɨ jĩra mɨ sida wap'eadaipɨ. Chi mɨ wap'eawẽa bɨpa mɨ Ak'õre sida wap'eawẽa bɨma, mɨ Ak'õrepa mɨ nãɨ ĩjũanea peeda pẽra.

Juan 9:22

Chi ak'õrepa mãɨnepa chi naepa mãɨya jarasidama judiorã chaarearã wap'ea p'anɨ pẽra. Piarã mãɨ judiorãpa jarasidama parituapa Jesú Tachi Ak'õrepa Tachi K'aripaparí teai jaradaade aipɨra, mãɨ chi judiorã ará pedeapataɨ tedepema ãyá jeret'aadayade asidama.

Hecho 10:36

Tachi Ak'õrepa chi pedea pia Jesucristo k'orea pedea peesima Israeldepemarã́, Tachi Ak'õre ome pia p'ananamẽrá. Mãɨ Jesucristo ãareaɨrã Chiparipɨ.

Hecho 2:36

»Mãɨ k'orea ãarea israel ĩjũanepemarã, piarã k'awat'ɨ: Jesú, chi mãrapa k'urusude barijira bɨpidada, Tachi Ak'õrepa mãɨ chi ãareaɨrã Chipari mãɨnepa Tachi K'aripaparí teai jarada bɨsima».

Romano 14:11

Tachi Ak'õre pedeade nãɨya bɨ bɨma: «Tachi Chiparipa nãɨya jara bɨma: mɨ piarã chok'ae bɨ pẽra piarãnepa jararuma jõmãɨrã mɨ k'ĩrari sĩraporode k'op'aneenak'ari mɨá pia pedeadaipɨ. Mãɨnepa jõmãɨrãpa “mɨ Tachi Ak'õreane” a jaradaipɨ».

Romano 14:9

Cristo piusima, piudaadarã Chipari pai k'orea. Mãɨnepa chok'ae p'irabarisima, chi chok'ae berã Chipari pai k'orea.

Romano 15:9

Mãɨnepa Cristo chesima judiorãwẽpa Tachi Ak'õrea pia pedeadamẽrá ãchi k'ĩra chupuriada pẽra. Mãɨnepema Tachi Ak'õre pedeade nãɨya bɨ bɨma: «Mɨa judiorãwẽ t'ãena pɨá pia pedeaipɨ. Mɨa pɨá pia k'ariipɨ».

1 Corintio 12:3

Mãɨ k'orea mɨa k'ɨ̃ria bɨma mãrapa nãɨ k'awadait'a: Chi Tachi Ak'õre Jaoredepa pedea bɨpa «Jesú k'achia bɨade» ak'ama. Mãɨnepa chi Tachi Ak'õre Jaoredepa pedeawẽa bɨpa «Jesú jõmãɨrã Chipariade» ak'ama.

1 Corintio 15:47

Chi naapema ẽpẽra Adán apataɨ yooro ooda pẽra, nãɨ ĩjũanepema pasima. Chi k'aadeapema ẽpẽra Jesucristo apataɨ pajãnepemapɨ.

1 Corintio 8:6

Maamina tachimá, Tachi Ak'õre abapuru bɨpɨ. Ichi tachi Pajãnepema Ak'õrepɨ. Ichiapuru nejõma oosima. Tachi ichi pae chok'ae p'anɨma. Mãɨnepa Tachi Chipari Jesucristo abapuru bɨma. Ichidepa Tachi Ak'õrepa nejõma oosima. Ichidepa tachi chok'ae p'anɨma.

1 Pedro 1:21

Cristodepa mãrapa Tachi Ak'õrene ĩjãa p'anɨma. Tachi Ak'õrepa ichi piu bada chok'ae p'irabaripik'ari atepe bɨsima. Mãɨpuru mãrapa Tachi Ak'õrene piarã ĩjãa p'anɨma mãɨnepa nɨ p'anɨma Ichia jarada ãarea oomẽrá.

1 Juan 4:15

Abaɨpa Jesú piarã Tachi Ak'õre Warraade aipɨra, Tachi Ak'õre ichi ome bɨma mãɨnepa ichi Tachi Ak'õre ome bɨma.

1 Juan 4:2

Nãɨya mãrapa k'awadaipɨ k'ai Tachi Ak'õre Jaoredepa pedea bɨt'a: abapa Jesucristo nãɨ k'ak'uade piarã chesiade aipɨra, Tachi Ak'õre Jaoredepa pedea bɨma.

2 Juan 1:7

Chi seapataɨrã nãɨ ĩjũane minachia p'anɨma. Ãchia ĩjãanak'ama Jesucristo nãɨ k'ak'uade tachi jĩra chesit'a. Chi mãɨya bɨpa waapẽarã seaparima mãɨnepa Cristo nek'ĩramaapɨ.

Apocalipsi 3:5

Nemietá p'uedaadapa ara mãɨ jĩra neet'á t'ot'oa bɨt'a jɨ̃naipɨ. Ãchi t'ɨ̃ chi ewaricha chok'ae p'ananai k'art'ade eda bɨ bɨ pẽra mɨa ãchi t'ɨ̃ wẽpapiiwẽma. Maawẽapuru mɨ Ak'õre k'ĩrari, mãɨnepa ichi pae pari mimiapataɨrã pajãnepema k'ĩrari ãchi mõréane aipɨ.