P'ilipense 1:9 - Tachi Ak'õre Pedea

⁹ Mɨa Tachi Ak'õrea ɨt'aa chiidi bɨma mãra minachia chi k'ɨ̃ria p'ananamẽrá, ichi pia k'awadamẽrá mãɨnepa sãmaasã́ nipadai p'anɨ k'awadamẽrá.

P'ilipense 1:9 ပူးပေါင်းရင်းမြစ်များ

1 Corintio 14:20

Ũpẽarã, warra chak'erã jĩra p'anat'ɨ. Ãchia nemietá k'orea minachia atua p'anɨma. Maamina Tachi Ak'õre Jaorepa oopi bɨ k'orea chõarã jĩra k'ɨ̃risia p'anat'ɨ. Waa warra chak'erã jĩra k'ɨ̃risiarãt'ɨ.

2 Corintio 8:7

Mãrapa ne ãareaɨne minachia pia oo p'anɨma: Jesude minachia ĩjãa p'anɨma, minachia pedea k'awa p'anɨma, Tachi Ak'õrenepa minachia ne k'awa p'anɨma, Tachi Ak'õrepa k'ɨ̃ria bɨ jĩra minachia oo k'ɨ̃ria p'anɨma mãɨnepa tai minachia k'ɨ̃ria p'anɨma. Mãɨpuru mãrapa machi sõpiadepa erreara jɨrɨp'e p'anɨ minachia teat'ɨ.

Ep'esio 5:17

K'ɨ̃risiawẽa be jĩra p'anarãt'ɨ, mãɨpari minachia k'awat'ɨ k'ãre Tachi Chiparipa oopi bɨt'a.

Colosense 1:9

Mãɨya ũrisidaedapema taipa mãra k'orea ewaricha Tachi Ak'õrea ɨt'aa chiidi p'anɨma ichia oopi k'ɨ̃ria bɨ mãrá jõma k'awapimẽrá. Ichiaba ɨt'aa idi p'anɨma ichia mãrá pia k'ɨ̃risiapimẽrá mãɨnepa ichi Jaoredepa pia k'ɨ̃risiapimẽrá.

Colosense 3:10

Neet'á chiwidi jɨ̃uta jĩra mãra chiwidi p'aneesidama ara Tachi Ak'õre jĩra p'ananamẽrá. Mãɨ awara mãra pia oopodoutama ichi jĩra p'aneenamẽrá mãɨnepa ichi pia k'awadamẽrá.

1 Tesalonicense 3:12

Taipa k'ɨ̃ria p'anɨma Tachi Chiparipa mãra k'aripa bai jõmãɨrã ome minachia chi k'ɨ̃ria p'ananamẽrá taipa mãra minachia k'ɨ̃ria p'anɨ jĩra.

1 Tesalonicense 4:1

Mãɨ awara ũpẽarã, taipa mãrá jarateasidama sãmaasã́ Tachi Ak'õre k'ĩrari nipadai p'anɨ ichia pia unumẽrá. Tachi Chipari Jesú t'ɨ̃ne taipa mãrá chichupuria idi p'anɨma ara mãɨ jĩra nipadamẽrá. Piarã mãrapa mãɨya oomaa p'anɨma, maamina pia oot'ɨ.

2 Tesalonicense 1:3

Ũpẽarã, taipa ewaricha mãra k'orea Tachi Ak'õrea sõpia p'anɨane apatama. Taipa mãɨya oodai pia bɨma. Mãrapa ewaricha Cristode pia ĩjãa p'anɨma mãɨnepa machicha pia chi k'ɨ̃ria p'anɨma.

P'ilemón 1:6

Mɨa Tachi Ak'õrea ɨt'aa chiidi bɨma Cristode ĩjãapataɨrã ome pɨ minachia pia bamẽrá. Mãɨya jõma nepia tachia Jesucristodepa uru p'anɨt'a pɨa minachia k'awaipɨ.

Hebreo 5:14

Maamina chi chik'oara chõarã paepuru bɨma. Ãchia Tachi Ak'õre pedea jĩrak'aua k'ɨ̃risia p'anɨnepa k'awa p'anɨma k'ãret'u chi pia bɨt'a mãɨnepa k'ãret'u piawẽa bɨt'a.

1 Pedro 1:22

Chi piarã pedea oo p'anɨ pẽra mãra nemietaawẽa p'aneesidama. Mãɨpuru ũpẽarã piarã k'ɨ̃ria p'anɨma. Sõnepa piarã minachia chi k'ɨ̃ria p'anat'ɨ.

2 Pedro 3:18

Jesucristo Tachi Chipari mãɨnepa Tachi K'aripaparí ewaricha pia k'awapariet'ɨ. Ichi sõpiadepa warit'ɨ. Idi mãɨnepa ewaricha ichiá pia pedeadai p'anɨma. Mãɨya beese.