P'ilipense 1:7 - Tachi Ak'õre Pedea

⁷ Pia bɨma mɨa jõma mãra k'orea mãɨya k'ɨ̃risia bait'a, mãra minachia k'ɨ̃ria bɨ pẽra. Mɨ eda jɨ̃a nɨbɨde wa chi pedea pia Cristo k'orea piarã k'awapii bɨde, Tachi Ak'õrepa ichi sõpiadepa mãra mãɨnepa mɨ sida k'aripa bɨma ichi pedea jaratea p'ananamẽrá.

P'ilipense 1:7 ပူးပေါင်းရင်းမြစ်များ

Hecho 20:23

Abapuru k'awa bɨma Tachi Ak'õre Jaorepa mɨá k'awapi bɨma p'uurucha mɨ mĩa bait'a mãɨnepa mɨ jɨ̃a nɨbɨ bait'a.

Hecho 21:33

Chi papaká berã chi atepe poro chaarea bɨ ará cheside Pablo jitak'ari k'ãnena umeepa jɨ̃pisima. Maapae ẽpẽerã minachia cheepɨradadá idisima Pablo k'ait'a, mãɨnepa k'ãre oosit'a k'awai k'orea.

1 Corintio 13:7

Chi waapẽarã k'ɨ̃ria uru bɨpa waapẽarãpa piawẽa oodada jõma choaparima, ne ãarea pia ĩjãaparima, chi abaɨpa nejõma pia oomẽrá nɨparima, mãɨnepa ne ãareaɨne choa baparima.

1 Corintio 9:23

Mɨa jõma mãɨ jĩra ooparima chi pedea pia Cristo k'orea k'awapii k'orea. Mãɨya mɨa pida Tachi Ak'õrenepa nepia jitaipɨ.

2 Corintio 3:2

Mãrat'a chi tai sõne k'art'a bɨ bɨ jĩra p'anɨma. Jõmãɨrãpa mãɨ k'art'a ak'ɨdak'ari k'awa p'anɨma taipa jĩp'a jarateapataɨt'a.

2 Corintio 7:3

Mɨa mãɨ jarawẽa bɨma mãra k'orea k'achia pedeai k'orea. Mɨa naena jarasima taipa mãra sõnepa k'ɨ̃ria p'anɨ. Mãɨnepa mãra ome ará p'anɨne wa piuutade, mãɨya k'ɨ̃ria p'ananaipɨ.

Gálata 5:6

K'ak'ua tauchaa bɨdepa wa k'ak'ua tauchaawẽa bɨdepa tachi Jesucristo ome ará bak'ama. Mãɨpari chi ichide ĩjãa bɨdepa ichi ome ará baparima mãɨnepa waapẽarã k'ɨ̃ria baparima.

Ep'esio 3:1

Mãɨpuru mɨa [mãra k'orea Tachi Ak'õrea ɨt'aa chiidiparima]. Mɨ Pablopɨ. Mãra judiorãwẽa Jesucristo k'orea jaratea bɨ k'orea eda serra bɨma.

Ep'esio 4:1

Mɨ Tachi Chipari k'orea eda serra bɨma. Mɨa mãrá chichupuria idiruma jĩp'a nipadamẽrá. Tachi Ak'õrepa mãra t'ɨ̃sima mãɨya nipadamẽrá.

Ep'esio 6:20

Cristopa mɨ peesima mãɨ pedea jarateamẽrá. Mãɨ jaratea bɨ k'orea mɨ mãɨya eda serra uru p'anɨma. Tachi Ak'õrea ɨt'aa chiidit'ɨ mɨa mãɨ pedea pia ne wap'eawẽa pedeai k'orea, mɨa mãɨya ooi bɨ jĩra.

P'ilipense 1:12

Ũpẽarã, mɨa mãrá k'awapii k'ɨ̃ria bɨma chi mɨ eda jɨ̃a nɨbɨdaadamina chi pedea pia Cristo k'orea atepe jaratea bɨt'a.

P'ilipense 1:13

Romanepema chi minachia k'awa bɨ chi te ak'ɨpataɨ papaká berãpa mãɨnepa waapẽarãpa k'awa p'anɨma mɨ Cristo k'orea eda jɨ̃a nɨbɨt'a.

P'ilipense 1:14

Mãɨ k'orea chok'ará ũpẽarãpa Tachi Chiparidepa Tachi Ak'õre pedea ne wap'eawẽa jara p'anɨma.

P'ilipense 1:5

mãrapa ichi pedea ĩjãasida ewaridepa, chi pedea pia Cristo k'orea mɨ k'aripa jaratea p'anɨ pẽra.

P'ilipense 2:22

Maamina mãrapa k'awa p'anɨma Timoteopa pia ooparit'a. Warrapa ichi ak'õre k'aripapari jĩra ichia chi pedea pia Cristo k'orea k'aripa jaratea bɨma.

P'ilipense 4:14

Maamina mɨa mãrá pia bɨade aruma, mɨ minachia mĩa bɨde k'aripadada pẽra. Piarã mãrapa pia oosidama.

P'ilipense 4:15

Ũpẽarã P'ilipodepemarã, mãrapa k'awa p'anɨma chi pedea pia Cristo k'orea naa ĩjãasidaɨde mɨ Macedonia tuadepa tua awaraɨdea jarateade wãside, ũpẽarã waapẽarã p'uurudepemarãpa mɨá ne tea peedaé pasima. Aba mãrapuru mɨá mãɨyasidama.

P'ilipense 4:3

Ichiaba pɨ, chi mɨ ome Tachi Ak'õrepa oo bɨt'a ooparí, mɨa pɨá idiruma mãɨ ũpẽawẽrarã k'aripamẽrá. Ãchi, Clemente ome mãɨnepa waapẽarã sida mɨ ome minachia mimiasidama, chi pedea pia Cristo k'orea k'awapidai k'orea. Jõma ãchi t'ɨ̃ Tachi Ak'õrepa ichi ewaricha chok'ae p'ananai k'art'ade bɨ bɨma.

Colosense 4:18

Mɨ Pablopɨ. Ara mɨchi juapa bɨruma mɨa tea peerut'a ãchi arapá p'ananamẽrá. Mɨ eda jɨ̃a nɨbɨ uru p'anɨ k'orea Tachi Ak'õrea ɨt'aa chiidi p'anat'ɨ. Mɨa k'ɨ̃ria bɨma Tachi Ak'õrepa ichi sõpiadepa mãra k'aripa bamẽrá.

Colosense 4:3

Tai k'orea ɨt'aa chiidit'ɨ Tachi Ak'õrepa eda wãpataɨ ewaru jĩra chi Cristo k'orea naena k'awapiwẽa bada itu jarateapimẽrá. Mãɨ jaratea bɨ k'orea mɨ eda jɨ̃a nɨbɨ uru p'anɨma.

1 Tesalonicense 5:5

Jõma mãra ewari ɨnaanepemapɨ. Tachi teamasi p'ãrionepemawẽma.

2 Timoteo 1:8

Mãɨpuru Tachi Chipari Jesucristo k'orea jarai k'orea p'erarãse. Mɨ Jesucristo k'orea eda serra bɨmina, mɨ k'orea p'erarãse. Mãɨpari chi Jesú k'orea pedea pia jaratearude Tachi Ak'õre jua chaareadepa pɨ sida mĩai k'orea choa base.

2 Timoteo 2:9

Mãɨ jaratea bɨ k'orea mɨ minachia mĩa bɨma. Mɨ ẽpẽra k'achia jĩra k'ãnenapa jɨ̃ uru p'anɨma. Maamina Tachi Ak'õre pedea jɨ̃ uru p'anɨwẽma.

P'ilemón 1:13

Chi pedea pia Cristo k'orea mɨ eda serra bɨde ichi pɨ pari mɨ ome uru ba k'ɨ̃ria basima.

Hebreo 3:1

Ũpẽarã, mãra ẽpẽerã Tachi Ak'õrenepemarã pẽra mãɨnepa ichia mãra t'ɨ̃na pẽra, Jesucristo k'orea minachia jĩrak'aua k'ɨ̃risiat'ɨ. Tachia piarã ĩjãa p'anɨane apatama Ichi Tachi Ak'õrepa peedapɨ mãɨnepa P'aare minachia k'awa bɨpɨ.

1 Pedro 4:13

Mãɨpari Cristo jĩra minachia mĩa p'anɨ pẽra arapá p'anat'ɨ. Mãɨya Tachi Ak'õrepa Cristo chi atepe bɨ unupirude mãra minachia arapaadaipɨ.

1 Pedro 5:1

Mãra ũpẽarã ak'ɨpataɨrã́ mɨa chichupuria idiruma, mɨ sida ũpẽarã ak'ɨparí pẽra. Cristo minachia mĩana mɨa unusima. Mãɨnepa Tachi Ak'õrepa Cristo chi atepe bɨ unupirude mɨ sida ichi ome baipɨ. Mãɨpuru nãɨya chichupuria idiruma:

2 Pedro 1:13

Mɨmá pia bɨma wapida chok'ae bɨmisa mãɨ mãrá k'ɨ̃risiapi bait'a.

1 Juan 3:14

Tachia ũpẽarã k'ɨ̃ria p'anɨ pẽra k'awa p'anɨma tachi piu p'anana chok'ae p'aneesidat'a. Chi ichi ũpẽa k'ɨ̃riawẽa bɨ wapida piu bɨma.