P'ilipense 1:11 - Tachi Ak'õre Pedea

¹¹ Mɨa ɨt'aa chiidi bɨma mãra Jesucristodepa ne ãareaɨne jĩp'a p'ananamẽrá. Mãɨya ẽpẽrarãpa Tachi Ak'õre chi atepe bɨade adaipɨ mãɨnepa ichiá pia pedeadaipɨ.

P'ilipense 1:11 ပူးပေါင်းရင်းမြစ်များ

Mateo 5:16

Ara mãɨ jĩra ẽpẽrarã k'ĩrari pia oo p'anat'ɨ ãchia Tachi Ak'õre pajãne bɨa pia pedeadamẽrá.

Juan 15:16

Mãrapa mɨ jɨrɨ atadaé pasima. Mɨapuru mãra jɨrɨ atasima. Pak'uru bɨɨrɨ nejõ beraak'aɨ chaupari jĩra, mɨa mãra bɨsima wãnak'ari nepia chaudamẽrá. Mɨa mãra jɨrɨ atada pẽra mãrapa mɨ Ak'õrea mɨ t'ɨ̃nepa ne idiutat'a ichia teaipɨ.

Juan 15:2

Mɨ pak'uru jua chaudak'aɨ ichia mãɨ t'ɨat'uparima, maamina chi chaupataɨ pak'uru jua mãɨ t'ɨat'uparima atepe chaudamẽrá.

Juan 15:8

Mãra pia chaudaipɨra unupidaipɨ piarã mɨ ome p'ɨrrɨapataɨrãt'a. Mãɨya unupidaipɨ mɨ Ak'õre chi choma bɨt'a.

Romano 15:28

Mãɨ erreara ũpẽarã Jerusalenepemarã́ teak'ari mɨ España tuadea wãipɨ. Wãrune mãramá wãipɨ.

Romano 6:22

Naapae mãra nemietá oodaadadepema pari ãjã́ p'aneenana pẽra Tachi Ak'õre pae pari mimiapataɨrã p'aneesidama. Mãɨya Tachi Ak'õre pae pia p'aneesidama. Mãɨpuru ichi ome ewaricha chok'ae p'ananaipɨ.

1 Corintio 10:31

Maamina mɨa jararuma: mãra nek'o p'anɨne, neto p'anɨne wa ne oo p'anɨne jõma oot'ɨ ẽpẽrarãpa Tachi Ak'õre k'orea pia jaradamẽrá.

2 Corintio 9:10

Tachi Ak'õrepa net'a tau teaparima uudamẽrá. Nek'odai k'orea pida teaparima. Net'a tau uudamẽrá minachia tearu jĩra, ichia nejõma minachia mãrá teaipɨ waapẽarã minachia k'aripadamẽrá. Mãɨne jĩp'a oo p'anɨnepa nepia chok'ará ununaipɨ chi ne uuda minachia chaupari jĩra.

Ep'esio 1:12

Mãɨya oosima tai judiorã chi naa Cristode ĩjãanaanarãpa ichi pia bɨ k'orea pia pedeadamẽrá.

Ep'esio 1:14

Tachi Ak'õre Jaore jitatadada pẽra tachia k'awa p'anɨma jõma Tachi Ak'õrepa teai jarada piarã jitadait'a chi ichidirã ãarea pia bɨi ewaride. Mãɨ k'orea ichi pia bɨ k'orea pia pedeadai p'anɨma.

Ep'esio 2:10

Tachi Ak'õrepa tachi Jesucristodepa chiwidi oosima nepia oo p'ananamẽrá. Mãɨ nepia ichia naena bɨsima tachia oodamẽrá.

Ep'esio 5:9

Ɨnaane nipadaipɨra sõpia p'ananaipɨ, jĩp'a oodaipɨ mãɨnepa piarãnepa nipadaipɨ.

P'ilipense 4:17

Mɨa idiwẽa bɨma mãrapa ne tea peedamẽrá, mãɨpari k'ɨ̃ria bɨma pia oo p'anɨ k'orea Tachi Ak'õrepa mãra pia k'aripait'a.

Colosense 1:10

Mãɨya mãra p'ue jĩp'a nipadaipɨ Tachi Chiparipa k'ɨ̃ria bɨ jĩra mãɨnepa ne ãareaɨne ichia mãra pia unuipɨ. Piarã mãrapa nejõma pia oo p'anɨnepa nejõ pia chau bɨ jĩra tuananaipɨ mãɨnepa Tachi Ak'õre pia k'awapododaipɨ.

Colosense 1:6

ũrisidaɨde mãramá Tachi Ak'õrepa ichi sõpiadepa mãra piarã k'aripait'a ãarea k'awasidama. Ara mãɨya mãɨ ewaridepa jõma tuacha ẽpẽerãpa minachia ĩjãamaa p'anɨma, nejõ bɨɨrɨ minachia chaupari jĩra.

2 Tesalonicense 1:12

Mãɨya mãra k'orea jõmãɨrãpa Tachi Chipari Jesucristo k'orea pia jaradaipɨ mãɨnepa ichidepa mãra k'orea pia jaradaipɨ, Tachi Ak'õrepa mãɨnepa Tachi Chipari Jesucristopa ãchi sõpiadepa k'aripa p'anɨ pẽra.

Tito 3:14

Tachi chi Cristode ĩjãa berãpa pia oo k'awadai p'anɨma nenea k'ede k'aripadai k'orea. Mãɨya ara tachi pari p'ananaiwẽma.

Hebreo 12:11

Ɨtɨautade tachi arapaapidak'ama mãɨpari minachia sõk'achiapipatama. Maamina jãapae chi jĩp'a oodai k'awadak'ari ara mãɨya oopatama mãɨnepa ne k'ɨ̃risiawẽa p'anapatama.

1 Pedro 2:12

Tachi Ak'õrene ĩjãanak'apɨɨrã t'ãena jĩp'a nipat'ɨ. Mãɨya ãchia mãra nemietá oopataade a p'anɨmina, mãrapa pia oo p'anɨt'a unu p'anɨma. Maapae Tachi Ak'õre cherude mãra k'orea ichiá pia pedeadaipɨ.

1 Pedro 2:5

Mãra ichidepa chok'ae p'anɨ pẽra mawara te oopataɨ jĩra p'anɨma. Mãranepa Tachi Ak'õrepa ichi te ooruma. Mãɨnepa mãra p'aarerã ichi pae papi bɨma. Mãrapa Jesucristodepa Tachi Ak'õre pae ne oo p'anɨne, ichiá ãnimara paateauta jĩra oo p'anɨma. Mãɨya oo p'anɨt'a ichia pia unu bɨma.

1 Pedro 2:9

Maamina mãra Tachi Ak'õrepa jɨrɨ atadaɨrãpɨ, Tachi Chipari p'aarerãpɨ, ichi pae bɨda ẽpẽrarãpɨ mãɨnepa ichi p'uurupɨ. Mãɨya Tachi Ak'õrepa ne minachia pia ooda k'orea mãrapa pedeapatama. Tachi Ak'õrepa mãra p'ãrionepema t'ɨ̃sima ichi ɨnaa minachia pia bɨde p'ananamẽrá.

1 Pedro 4:14

Waapẽarãpa mãra Cristode ĩjãa p'anɨ k'orea k'achia pedeadaipɨra, Tachi Ak'õre k'ĩrari minachia pia p'anɨma. Tachi Ak'õre Jaore k'ĩrawãrea bɨt'a mãra ome bɨma.