P'ilipense 1:10 - Tachi Ak'õre Pedea

¹⁰ Mãɨya mãrapa minachia k'awadaipɨ k'ãre pia bɨt'a mãɨnepa Cristo cherude ichi k'ĩrari nemietá newẽa p'ananait'a mãɨnepa mãra k'orea waapẽarãpa k'achia pedeadawẽa p'ananaipɨ.

P'ilipense 1:10 ပူးပေါင်းရင်းမြစ်များ

Mateo 16:23

Maamina Jesupa jĩitea ak'ɨk'ari Pedroa jarasima: —Tiore, mɨ omepema ãyá wãse. Mɨa ooi bɨt'a, pɨa oopiemaa bɨma. Pɨa Tachi Ak'õre jĩra k'ɨ̃risiawẽa bɨma. Mãɨpari ẽpẽra jĩra k'ɨ̃risia bɨma.

Mateo 26:33

Mãɨne Pedropa Jesua jarasima: —Jõmãɨrãpa pɨ tuaba ameenaimina, mɨa pɨ ameeiwẽma.

Juan 1:47

Jesupa Natanael ichimá orrobari cheru unuside nãɨya jarasima: —¡Ak'ɨt'ɨ! Nãɨt'a chi piarãpẽa ẽpẽra Israeldepemapɨ. Ichia tachi seak'ama.

Juan 3:20

Ãarea nemietá oopataɨrãpa chi ɨnaa bɨ k'ɨ̃rianak'ama. Chi ɨnaa bɨdea chedak'ama ãchia nemietá oo p'anɨt'a unupidaemaapa.

Hecho 24:16

Mãɨpuru mɨa ne ãarea ooparima Tachi Ak'õre k'ĩrari mãɨnepa ẽpẽerã k'ĩrari jĩp'a nipai k'orea.

Romano 12:2

Chi nãɨ ĩjũanepemarãpa oopataɨ jĩra niparãt'ɨ, mãɨpari k'ɨ̃risia chiwidi Tachi Ak'õrepa tea bɨdepa jĩp'a nipat'ɨ. Mãɨya Tachi Ak'õrepa k'ɨ̃ria bɨt'a mãrapa k'awadaipɨ. Jõma ichia k'ɨ̃ria bɨt'a pia bɨma, jĩp'a bɨma mãɨnepa ichia pia unu bɨma.

Romano 12:9

Machi sõnepa chi k'ɨ̃ria p'anat'ɨ. Jõma nemietá itu bɨt'ɨ. Chi pia bet'a oopariet'ɨ.

Romano 16:17

Ũpẽarã, mɨa mãrá chichupuria idiruma jĩrak'aua p'ananamẽrá. Chi eda waapẽarãpa ũpẽarã́ ne awara awará k'ɨ̃risiapipatama. Chi mãrapa piarã pedea k'awadada ãchia k'ĩra awara jarateapatama. Mãɨ ẽpẽrarã ome ará p'anarãt'ɨ.

Romano 2:18

Mãɨ Moisepa bɨda uru p'anɨ pẽra k'awa p'anɨma Tachi Ak'õrepa k'ãre k'ɨ̃ria bɨt'a mãɨnepa k'ãre jĩp'a bɨt'a.

Romano 7:16

Maamina mɨa nemietá oo bɨt'a oo k'ɨ̃riawẽa bɨ pẽra mãɨpa pia unupi bɨma Moisepa bɨda mɨa pia unu bɨt'a.

Romano 7:22

Piarã mɨa sõnepa Moisepa bɨda minachia pia unu bɨma.

Romano 8:7

Nãɨ k'ak'uapa oo k'ɨ̃ria bɨt'a k'ɨ̃risia baipɨra, Tachi Ak'õre ome chi nek'ĩramaapɨ. Moisepa bɨda jĩra ooi k'ɨ̃riak'ama; mi ãpia pida p'ue ook'ama.

1 Corintio 1:8

Mãɨpa Tachi Ak'õrepa mãra chaarea uru baipɨ aba nãɨ ewari jõrunea. Mãɨya Tachi Chipari Jesucristo cherude mãra k'orea k'achia pedeadaiwẽa p'ananaipɨ.

1 Corintio 10:32

Mãrapa ne oo p'anɨnepa judiorã, judiorãwẽ mãɨnepa ẽpẽrarã Tachi Ak'õrenepemarã nemietaade baepirãt'ɨ.

1 Corintio 8:13

Mãɨ k'orea mɨa nek'o bɨdepa mɨ ũpẽa k'achiade baepipɨra, waa nek'oiwẽma.

2 Corintio 1:12

Nãɨ k'orea arapá p'anɨma: taipa k'awa p'anɨma sõ jĩp'a p'anɨnepa, k'ɨ̃risia piadepa nãɨ ĩjũanepemarã t'ãena mãɨnepa mãra t'ãena pia nipadada. Mãɨ sõ jĩp'a bai mãɨnepa k'ɨ̃risia pia Tachi Ak'õrenepemapɨ. Tai nãɨ ĩjũanepema k'ɨ̃risiadepa mãɨya nipadak'ama, mãɨpari Tachi Ak'õrepa ichi sõpiadepa k'aripa bɨ pẽra mãɨya nipapatama.

2 Corintio 2:17

Taipa erreara atadai k'orea Tachi Ak'õre pedea jaratea nipadawẽma chok'araɨrãpa oopata jĩra. Mãɨpari Cristo ome p'anɨ pẽra Tachi Ak'õrepa tai peesima. Mãɨne ichi k'ĩrari k'ɨ̃risia piadepa jarateapatama.

2 Corintio 6:3

Tai k'orea abaɨa piawẽa unupidawẽa p'anɨma, mi ãpia pida piawẽa pedeapidaemaapa taipa jarateapataɨ k'orea.

2 Corintio 8:8

Mɨa mãɨ oopadade awẽa bɨma, mãɨpari mɨa k'ɨ̃ria bɨma mãrapa unupidait'a ũpẽarã piarã k'ɨ̃ria p'anɨt'a. Mãɨ k'orea mɨa mãrá k'awapi bɨma sãmaasã́ waapẽarãpa erreara ũpẽarã Jerusalenepema pae jɨrɨp'e p'anɨt'a.

Gálata 5:11

Ũpẽarã, k'ak'ua tauchaadai p'anɨt'a mɨa wapida jaratea bɨpara, chi mãɨya jaratea berãpa mɨ piawẽa oodai k'orea ẽp'ẽnaiwẽ pasima. Mɨa mãɨya jaratea bɨpara ãchia Jesú k'urusude piudadepema piawẽa k'ɨ̃risiadaiwẽ pasima.

Ep'esio 4:15

Mãɨpari k'ɨ̃rianepa chi piarã pedea ĩjãanai p'anɨma ne ãareaɨne Tachi Chipari Cristo jĩra p'ananai k'orea.

Ep'esio 5:10

Tachi Chiparipa pia unu bɨt'a k'awadai k'orea jɨrɨt'ɨ.

Ep'esio 5:27

Jõma mãɨ oosima tachi ichi pae minachia pia bɨi k'orea, jayoawẽa, asosoawẽa, mãɨnepa mi ãpia pida paritua mietaawẽa. Ichia k'ɨ̃ria basima tachi ichi pae pia p'ananait'a, k'achia p'ananayane a jarawẽa.

Ep'esio 6:24

Mɨa k'ɨ̃ria bɨma Tachi Ak'õrepa ichi sõpiadepa jõma Tachi Chipari Jesucristo piarã minachia k'ɨ̃ria berã k'aripa bait'a. Mãɨya beese.

P'ilipense 1:16

Mãɨrãpa k'ɨ̃rianepa mãɨya oopatama. K'awa p'anɨma Tachi Ak'õrepa mɨ nãma bɨsit'a, chi pedea pia Cristo k'orea piarã k'awapimẽrá. Maamina waapẽarãpa Cristo k'orea jara p'anɨma minachia k'awa berã jĩra k'ɨ̃risia p'anɨ pẽra. K'ɨ̃risia piadepa mãɨya oodak'ama, mãɨpari k'ɨ̃risia p'anɨma mɨ nãma eda jɨ̃a nɨbɨde atepe sõp'uapidait'a.

P'ilipense 1:6

Mɨa nãɨ piarã k'awa bɨma: Tachi Ak'õrepa mãra sõne pia ooda, pia oopodoipɨ aba Jesucristo cherudea. Mãɨne ichia mãra jõma pia ua baipɨ.

P'ilipense 2:16

Chi tachi chok'ae bapiparí pedea k'orea ãchiá pia k'awapi p'anat'ɨ. Mãɨya Cristo cherude mɨ mãra k'orea arapá baipɨ. Mãɨne mɨa k'awaipɨ pari nipaé pasit'a mãɨnepa pari mimiaé pasit'a.

1 Tesalonicense 3:13

Mãɨnepa ɨt'aa chiidi p'anɨma Cristopa mãra k'aripak'ari, sõnepa minachia ĩjãanamẽrá. Mãɨya Tachi Chipari Jesú jõma ichidirã ome cherude mãra Tachi Ak'õre, tachi Pajãnepema Ak'õre taade nemietá newẽa p'ananaipɨ.

1 Tesalonicense 5:21

Jõma mãɨ jĩrak'aua ũrit'ɨ, maapae aba chi piadepuru ĩjãat'ɨ.

1 Tesalonicense 5:23

Mɨa k'ɨ̃ria bɨma Tachi Ak'õrepa mãra ichi pae ãarea pia p'anapimẽrá. Ichia tachi ne k'ɨ̃risiawẽa p'anapiparima. Mɨa k'ɨ̃ria bɨma Tachi Ak'õrepa mãra jaore, mãra k'ɨ̃risia mãɨnepa mãra k'ak'ua ãarea pia ak'ɨmẽrá. Mãɨya Tachi Chipari Jesucristo cherude, waapẽarãpa mãra mi ãpia pida nemietaade p'anɨane a jaradawẽa p'ananaipɨ.

1 Juan 4:1

Ũpẽarã, Tachi Ak'õre Jaoredepa pedea p'anɨane apataɨrã jõma ĩjãarãt'ɨ, mãɨpari jĩrak'aua ak'ɨt'ɨ ãchia piarã Tachi Ak'õre Jaoredepa wa waapẽarãnepa pedea p'anɨ k'awadai k'orea. Mãɨya oot'ɨ chi seapataɨrã nãɨ ĩjũane minachia p'anɨ pẽra.

Apocalipsi 2:2

»Mãrapa oo p'anɨt'a mɨa k'awa bɨma. Mɨ pae minachia mimia p'anɨt'a mãɨnepa minachia mĩa p'anɨne ãarea choa p'anɨt'a k'awa bɨma. Mãrapa chi nemietá oopataɨrã́ itu oopidak'at'a k'awa bɨma. Eda waapẽarã mãramá wãnak'ari Jesucristopa peesiade apachidama. Maamina mãrapa jĩrak'aua ak'ɨ p'anɨnepa k'awasidama ãchi chi sea bet'a.