P'ilemón 1:6 - Tachi Ak'õre Pedea

⁶ Mɨa Tachi Ak'õrea ɨt'aa chiidi bɨma Cristode ĩjãapataɨrã ome pɨ minachia pia bamẽrá. Mãɨya jõma nepia tachia Jesucristodepa uru p'anɨt'a pɨa minachia k'awaipɨ.

P'ilemón 1:6 ပူးပေါင်းရင်းမြစ်များ

Mateo 25:16

Chi joesoma mil jitada mimiane wãsima mãɨ erreara eapapii k'orea. Mãɨnepa ichia erreara awara mãicha mil joesoma eapapisima.

Mateo 5:16

Ara mãɨ jĩra ẽpẽrarã k'ĩrari pia oo p'anat'ɨ ãchia Tachi Ak'õre pajãne bɨa pia pedeadamẽrá.

1 Corintio 14:25

Ichi sõne mẽra uru bada pia k'awaipɨ. Mãɨne sĩraporode k'obeek'ari Tachi Ak'õrea pia pedeaipɨ mãɨnepa «Tachi Ak'õre piarã mãra ome bɨade» aipɨ.

1 Corintio 16:9

Nãma chi mɨ unuemaa minachia p'anɨmina p'ue Tachi Ak'õre pedea pia jaratea baipɨ mãɨnepa chok'araɨrãpa ĩjãautama.

P'ilipense 4:8

Mãɨ awara ũpẽarã, jõma piarãnepema, nejõma tachia pia bɨt'a unupataɨdepema, jõma jĩp'a bɨdepema, jõma nemietaawẽa bɨdepema, jõmãɨrãpa k'ɨ̃riapataɨdepema, jõma chi piipará bayade a p'anɨnepema, nejõma piadepema mãɨnepa nejõma tachia pia jarapataɨdepema k'ɨ̃risia p'anat'ɨ.

Colosense 1:9

Mãɨya ũrisidaedapema taipa mãra k'orea ewaricha Tachi Ak'õrea ɨt'aa chiidi p'anɨma ichia oopi k'ɨ̃ria bɨ mãrá jõma k'awapimẽrá. Ichiaba ɨt'aa idi p'anɨma ichia mãrá pia k'ɨ̃risiapimẽrá mãɨnepa ichi Jaoredepa pia k'ɨ̃risiapimẽrá.

Colosense 3:10

Neet'á chiwidi jɨ̃uta jĩra mãra chiwidi p'aneesidama ara Tachi Ak'õre jĩra p'ananamẽrá. Mãɨ awara mãra pia oopodoutama ichi jĩra p'aneenamẽrá mãɨnepa ichi pia k'awadamẽrá.

Tito 3:14

Tachi chi Cristode ĩjãa berãpa pia oo k'awadai p'anɨma nenea k'ede k'aripadai k'orea. Mãɨya ara tachi pari p'ananaiwẽma.

Hebreo 6:10

Tachi Ak'õre jĩp'a bapari pẽra mãrapa pia oo p'anɨt'a mãɨnepa ichi k'ɨ̃ria p'anɨt'a k'ɨ̃risia atuaiwẽma. Ichi ẽpẽrarã k'aripa p'anɨnepa mãrapa unupisidama chi ichi k'ɨ̃ria p'anɨt'a. Wapida k'aripa p'anɨma.

Santiago 2:14

Ũpẽarã, abaɨpa Jesucristode piarã ĩjãa bɨade aipɨra, maamina pia oowẽa bɨpɨra, ¿mãɨ pia bɨk'ãra? ¿Tachi Ak'õrepa mãɨ k'aripaik'ãra?

Santiago 2:17

Ara mãɨ jĩra chi Jesucristode ĩjãa bɨade a bɨpa pia oowẽpɨra, piarã ĩjãawẽa bɨma. Ichia ĩjãa bɨade a bɨt'a, ẽpẽra piuda jĩra bɨma.

1 Pedro 2:12

Tachi Ak'õrene ĩjãanak'apɨɨrã t'ãena jĩp'a nipat'ɨ. Mãɨya ãchia mãra nemietá oopataade a p'anɨmina, mãrapa pia oo p'anɨt'a unu p'anɨma. Maapae Tachi Ak'õre cherude mãra k'orea ichiá pia pedeadaipɨ.

1 Pedro 3:1

Mãra wẽra k'ima pará berã, mãra k'ima pedea ũrit'ɨ. Mãɨya chi eda wẽerã k'imanepemarãpa Tachi Ak'õre pedea ĩjãanawẽa p'anɨmina mãra jĩp'a be mãɨnepa Tachi Ak'õre wap'ea be ununak'ari ĩjãanaipɨ. Mãrapa ãchiá ĩjãanamẽrá jaradawẽmina, pia oo p'anɨ k'orea ĩjãapidaipɨ.

1 Pedro 3:16

Ara machi tuaba k'awa p'anat'ɨ nemietá oodawẽa p'anɨt'a. Mãɨya mãra Cristodepa pia nipada k'orea chi piawẽa pedeapataɨrã p'eradaipɨ.

2 Pedro 1:8

Mãrapa mãɨ jõma pia oodaipɨra, mãɨpa tachiá Tachi Chipari Jesucristo waa pia k'awapipododaipɨ mãɨnepa tachi nepia oodai k'orea chok'ea p'anapidaipɨ.