P'ilemón 1:22 - Tachi Ak'õre Pedea

²² Mãɨ awara mɨa k'ɨ̃risia bɨma mãrapa Tachi Ak'õrea ɨt'aa chiidi p'anɨnepa mɨ eda serra uru p'anɨnepa awara wãit'a. Mãɨya mɨ mãramá p'ue wãipɨ. Mãɨpuru mɨ pae te yaa uru base.

P'ilemón 1:22 ပူးပေါင်းရင်းမြစ်များ

Hecho 27:24

mɨá jarasima: “Ne wap'earãse, Pablo. Pɨ Romanepema chi atepe poro chaarea bɨ k'ĩrari pedeai bɨma. Pɨ k'orea Tachi Ak'õrepa ãareaɨrã nãɨ p'ãp'orrode wãutat'a itu piupiiwẽma”.

Hecho 28:23

Mãɨne ãchia ewari aba bɨsidama. Mãɨ ewari cheside ẽpẽerã minachia Pablo bɨmá cheepɨrɨsidama. Tap'ededa waa k'ewara Pablopa pedea basima Tachi Ak'õrepa ichidirã ichi juade ua bɨ k'orea. Moisepa bɨdadepa mãɨnepa Tachi Ak'õre pari pedeapataɨrãpa bɨdaadadepa jaratea basima Jesude ĩjãanamẽrá.

Romano 15:24

España tuadea wãrune mãra ak'ɨi k'ɨ̃ria bɨma. Mãra ome tãaraa arapá p'aneenak'ari, k'ɨ̃ria bɨma mãrapa mɨ k'aripadait'a, pia wãmẽrá.

2 Corintio 1:11

Mãra pida tai k'orea Tachi Ak'õrea ɨt'aa chiidi p'anɨnepa k'aripa p'anɨma. Chok'araɨrãpa mãɨya ɨt'aa chiidi p'anɨ pẽra chok'araɨrãpa Tachi Ak'õrea sõpia bɨade adaipɨ ichi sõpiadepa tai k'aripa bɨ k'orea.

P'ilipense 1:19

mɨa k'awa bɨ pẽra mɨ nãmapema awara wãit'a, mãrapa Tachi Ak'õrea ɨt'aa chiidi p'anɨ pẽra mãɨnepa Jesucristopa teada Jaorepa k'aripa bɨ pẽra.

P'ilipense 2:24

Maamina k'ɨ̃risia bɨma Tachi Chiparipa mɨ k'aripait'a, tãaraawẽa bɨde mɨ sida mãramá wãi k'orea.

Hebreo 13:19

Mɨa chichupuria idiruma, mɨ k'orea Tachi Ak'õrea ɨt'aa chiidipadade at'ɨ mãicha isapea mãramá wãpimẽrá.

Hebreo 13:23

K'awat'ɨ tachi ũpẽa Timoteo eda jɨ̃a nɨbada awara wãsit'a. Ichi isapea mɨmá cheipɨra, mãra ak'ɨde wãrune mɨa ichi ateewãipɨ.

Santiago 5:16

Mãɨ k'orea mãrapa nemietá oodada abaɨa jaradak'ari, jõrea jarat'ɨ. Mãɨnepa tausia Tachi Ak'õrea ɨt'aa chiidit'ɨ pia tuananai k'orea. Ẽpẽra jĩp'a bɨpa Tachi Ak'õrea ɨt'aa chiidisira Tachi Ak'õre jua chaareadepa ne waibɨa ooparima.

2 Juan 1:12

Mɨa ne minachia mãrá jara k'ɨ̃ria bɨma. Maamina nãɨ k'art'ade mãɨ ãarea bɨ k'ɨ̃riawẽma. Mɨa mãra ak'ɨde wã k'ɨ̃ria bɨma. Mãɨne mãra ome ará pedeadaipɨ minachia arapá p'ananai k'orea.

3 Juan 1:14

Tãaraawẽane pɨ ak'ɨde wã k'ɨ̃ria bɨma. Maapae ará pedeadaipɨ.