P'ilemón 1:19 - Tachi Ak'õre Pedea

¹⁹ Ara mɨ juapa nãɨya bɨruma: ichi tee pará bada mɨa teaipɨ. ¡K'ɨ̃risiase, mɨnepa Cristode ĩjãana pẽra pɨa mɨá tee pará bɨt'a!

P'ilemón 1:19 ပူးပေါင်းရင်းမြစ်များ

Romano 16:22

Mɨ Terciopɨ. Pablopa mɨá nãɨ k'art'a bɨpi bɨma. Tachi Chipari Jesucristodepa mɨa k'ɨ̃ria bɨma mãra pia tuananait'a.

1 Corintio 4:15

Mãrapa Cristo k'orea jarateapataɨrã chok'ará uru p'anɨpara wapida ak'õre aba uru p'ananai pasima. Mɨnepa mãrapa chi Jesú k'orea pedea pia ĩjãanana pẽra ichidepa mɨ mãra ak'õrepɨ.

2 Corintio 10:1

Mɨ Pablopɨ. Cristo k'ɨ̃rianepa mãɨnepa ichi sõpiadepa mɨa mãrá chichupuria idiruma mɨ pedea ũrinamẽrá. Waapẽarãpa jara p'anɨma mãra ome bɨde, mɨa wap'ea baparit'a mãra ɨtɨai k'orea, maamina mãra ome bɨwẽne wap'eak'ama mãra k'art'adepa ɨtɨai k'orea.

2 Corintio 3:2

Mãrat'a chi tai sõne k'art'a bɨ bɨ jĩra p'anɨma. Jõmãɨrãpa mãɨ k'art'a ak'ɨdak'ari k'awa p'anɨma taipa jĩp'a jarateapataɨt'a.

2 Corintio 9:4

Mãɨya oodaepɨra, chi wãuta Macedonianepemarã ũpẽarã mɨ ome mãramá wãutade, mãrapa erreara jɨrɨp'edawẽa p'anɨt'a ununai pasima. Mãɨyara tai k'ĩra p'eradai pasima, k'ɨ̃risia p'anɨ pẽra mãrapa piarã jɨrɨp'edai padat'a. Mãɨnepa mãra sida minachia k'ĩra p'eradai pasima.

Gálata 5:2

Mɨ Pablopɨ. ¡Ũrit'ɨ! Mɨa nãɨ mãrá jararuma: mãra k'ak'ua tauchaadai p'anɨ a k'ɨ̃risia p'anɨpɨra, Cristopa mãra k'orea oodapa k'aripaiwẽma.

Gálata 6:11

Ak'ɨt'ɨ, ara mɨchi juapa letra tau nepalá nãɨ k'art'ade bɨruma.

1 Timoteo 1:2

Timoteo, mɨa nãɨ k'art'a pɨ pae bɨruma. Mɨnepa Cristode ĩjãana pẽra pɨ piarã mɨ warra jĩra bɨma. Mɨa k'ɨ̃ria bɨma Tachi Pajãnepema Ak'õrepa mãɨnepa Tachi Chipari Jesucristo pida ãchi sõpiadepa pɨ k'aripa p'ananamẽrá, k'ĩra chupuria p'ananamẽrá mãɨnepa ne k'ɨ̃risiawẽa bapi p'ananamẽrá.

Tito 1:4

Tito, mɨa nãɨ k'art'a pɨ pae bɨruma. Tachia abarik'a Cristode ĩjãa p'anɨ pẽra pɨt'a piarã mɨ warra jĩra bɨma. Mɨa k'ɨ̃ria bɨma Tachi Pajãnepema Ak'õrepa mãɨnepa Tachi Chipari Jesucristo pida ãchi sõpiadepa pɨ k'aripa p'ananait'a mãɨnepa ne k'ɨ̃risiawẽa p'anapiit'a.

P'ilemón 1:18

Ichia pɨ paritua piawẽa oosira wa tee paraasira, jarase mɨa pɨá jõmasã́ teait'a.