P'ilemón 1:10 - Tachi Ak'õre Pedea

¹⁰ Mɨa chichupuria idiruma pɨ pae pari mimiaparí Onésimo k'orea. Ichi mɨ warra jĩra bɨma. Mɨ nãma eda serra bɨde ichia mɨnepa Cristode ĩjãana pẽra mɨ warra jĩra beesima.

P'ilemón 1:10 ပူးပေါင်းရင်းမြစ်များ

Marco 9:17

Mãɨ chi minachia nɨbɨdepema abaɨpa p'anoosima: —Jarateaparí, mɨ warra enemeesima pɨa jɨpa beepimẽrá. Ichi jaore mietá uru bɨma. Mãɨ jaore mietapa ichi k'ĩrame t'urrá uru bɨma.

Romano 12:1

Mãɨpa ũpẽarã, Tachi Ak'õrepa mãra k'ĩra chupuriada pẽra, mɨa mãrá chichupuria idiruma ara machi Tachi Ak'õrea teadamẽrá, ãnimara peadak'ari, paateapata jĩra. Mãɨ ãnimara piuda k'aepẽra, ichi pae pia p'anat'ɨ mãra pia unumẽrá.

1 Corintio 4:14

Mɨa mãɨ bɨwẽma mãra p'erapii k'orea. Mãɨpari mɨ warrarã jĩra mãra k'ɨ̃ria bɨ pẽra mãɨya bɨ bɨma jĩp'a k'ɨ̃risiapii k'orea.

1 Corintio 4:15

Mãrapa Cristo k'orea jarateapataɨrã chok'ará uru p'anɨpara wapida ak'õre aba uru p'ananai pasima. Mɨnepa mãrapa chi Jesú k'orea pedea pia ĩjãanana pẽra ichidepa mɨ mãra ak'õrepɨ.

Gálata 4:19

Ũpẽarã, mãra mɨ warrarã jĩra p'anɨpɨ. Mɨ mãicha mãra k'orea minachia mĩa bɨma wẽra warra t'õrune p'ua bɨ jĩra. Mɨ mãɨya minachia mĩa baipɨ aba mãra Cristo jĩra p'aneeutadea.

Colosense 4:9

Tík'ik'o ome ũpẽa Onésimo peeruma. Ichia ne ãareaɨne jĩp'a oo bɨma mãɨnepa taipa ichi k'ɨ̃ria p'anɨma. Tik'ik'opa mãɨnepa Onésimo pida mãrá nepɨrɨdaipɨ jõma nãma sãmaasã́ nɨbɨt'a.

1 Timoteo 1:2

Timoteo, mɨa nãɨ k'art'a pɨ pae bɨruma. Mɨnepa Cristode ĩjãana pẽra pɨ piarã mɨ warra jĩra bɨma. Mɨa k'ɨ̃ria bɨma Tachi Pajãnepema Ak'õrepa mãɨnepa Tachi Chipari Jesucristo pida ãchi sõpiadepa pɨ k'aripa p'ananamẽrá, k'ĩra chupuria p'ananamẽrá mãɨnepa ne k'ɨ̃risiawẽa bapi p'ananamẽrá.

Tito 1:4

Tito, mɨa nãɨ k'art'a pɨ pae bɨruma. Tachia abarik'a Cristode ĩjãa p'anɨ pẽra pɨt'a piarã mɨ warra jĩra bɨma. Mɨa k'ɨ̃ria bɨma Tachi Pajãnepema Ak'õrepa mãɨnepa Tachi Chipari Jesucristo pida ãchi sõpiadepa pɨ k'aripa p'ananait'a mãɨnepa ne k'ɨ̃risiawẽa p'anapiit'a.

P'ilemón 1:11

Naena pɨ pae pari mimiaparí piawẽa basima, maamina idiapae chi pɨ pae pari mimiaparí pia beesima. Mãɨya ichia pɨ pae pia mimiaipɨ mãɨnepa mɨ pia k'aripaipɨ.

P'ilemón 1:13

Chi pedea pia Cristo k'orea mɨ eda serra bɨde ichi pɨ pari mɨ ome uru ba k'ɨ̃ria basima.

3 Juan 1:4

Mɨ ũpẽarãpa chi piarãpẽa pedeade nina ũrirune mɨ minachia arapá baparima.