Mateo 9:22 - Tachi Ak'õre Pedea

²² Maamina mãɨya t'õmariside, Jesupa ãpɨtea ak'ɨk'ari, mãɨya jarasima mãɨ wẽrá: —K'au, arapaase. Piarã jɨpa beeit'a ĩjãana pẽra pɨ jɨpa beesima. Ara mãɨne mãɨ wẽra pia beesima.

Mateo 9:22 ပူးပေါင်းရင်းမြစ်များ

Mateo 15:28

Jesupa jarasima: —Wẽra, pɨa piarã ĩjãa bɨma mɨa pɨ k'au p'ue jɨpa beepiit'a. Mãɨpuru pɨa k'ɨ̃ria bɨ jĩra mɨa ooipɨ. Ara mãɨne chi k'au jɨpa beesima.

Mateo 17:18

Jesupa jaore mietá ɨtɨak'ari, jeret'aaside warra k'ak'uadepema ãyá wãsima. Ara mãɨne chi warra jɨpa beesima.

Mateo 8:13

Maapae Jesupa papaká berã chi mãɨrã chaarea bɨa jarasima: —Tedea wãse. Pɨa ĩjãa bɨ jĩra mɨa ooipɨ. Ara mãɨne papaká berã chi mãɨrã chaarea pae pari mimiaparí jɨpa beesima.

Mateo 9:2

Mãma ẽpẽra sorek'ea bɨt'a ẽpẽra uapataɨde Jesumá enemeesidama. Jesupa unusima ãchia piarã ĩjãa p'anɨ ichia chi sorek'ea bɨ p'ue jɨpa beepiit'a. Mãɨ k'orea Jesupa chi sorek'ea bɨa jarasima: —Sõpia base, k'ũtã́. Pɨa nemietá ooda k'ɨ̃risia atuasima.

Mateo 9:29

Maapae Jesupa ãchi taude t'õmarik'ari jarasima: —Mãrapa ĩjãa p'anɨ jĩra mɨa ooipɨ.

Marco 10:52

Mãɨne Jesupa jarasima: —Wãse. Pɨa ĩjãana pẽra jɨpa beesima. Ara mãɨne chi tau p'ãrio badapa unu beesima. Maapae Jesú ome ode wãsima.

Marco 5:34

Mãɨpuru Jesupa ichiá jarasima: —K'au, piarã jɨpa beeit'a ĩjãana pẽra pɨ jɨpa beesima. Ne k'ɨ̃risiawẽa wãse. Waa mãɨya mĩa baiwẽma.

Luca 17:19

Mãɨne Jesupa chi ẽpẽrá jarasima: —P'irabarik'ari ne k'ɨ̃risiawẽa wãse. Pɨa piarã ĩjãana pẽra jɨpa beesima.

Luca 18:42

Jesupa jarasima: —Unu beese. Pɨa ĩjãana pẽra jɨpa beesima.

Luca 7:50

Mãɨne Jesupa wẽrá jarasima: —Pɨa mɨne ĩjãana pẽra k'achiadepema k'aripasima. Ne k'ɨ̃risiawẽa wãse.

Luca 8:48

Mãɨne Jesupa jarasima: —K'au, piarã jɨpa beeit'a ĩjãana pẽra pɨ jɨpa beesima. Ne k'ɨ̃risiawẽa wãse.

Juan 4:53

Mãɨne chi ak'õrepa k'awasima ara mãɨ horade Jesupa pɨ warra jɨpa beesiade a basit'a. Mãɨpa ichia mãɨnepa ichi tiidapemarã pida Jesude ĩjãasidama.

Hecho 14:9

chi Pablopa pedea bɨt'a ũrisima. Pablopa ichimá ak'ɨrude k'awasima ichia piarã ĩjãa bɨ Jesupa ichi p'ue jɨpa beepiit'a.

Hecho 16:18

Ichia ewari minachia mãɨya jĩk'ua jara nipada pẽra Pablo sẽsima. Ichimá ak'ɨk'ari chi jaore mietá uru bɨa jarasima: —Mɨa Jesucristo t'ɨ̃nepa pɨá jararuma: nãɨ ãwẽranepema ãyá wãse. Ara mãɨne chi jaore mietá wãsima.

Hebreo 4:2

Chi pedea pia Tachi Ak'õrepa ɨ̃apaapii k'orea tachia ũrisidama tachi chõarãenapemarãpa ũrinana jĩra. Tachia sõnepa ĩjãa p'anɨ pẽra Tachi Ak'õrepa ɨ̃apaapii bɨmá padaipɨ. Maamina tachi chõarãenapemarãpa ũrinak'ari ĩjãanaanawẽ pẽra mãɨ pedeapa ãchi p'ue k'aripaé pasima. Ãchi k'orea Tachi Ak'õrepa nãɨya jarasima: «K'ĩruu bɨde mɨa piarãnepa nãɨya jarasima: “Mɨa chi ãchi ɨ̃apaapii bɨmá p'ue eda wãnaiwẽma”». Mãɨya jarasima nãɨ ĩjũa oodaedadepa ichia ooi bada ãarea oo uru bɨmina.