Mateo 9:14 - Tachi Ak'õre Pedea

¹⁴ Mãɨya bak'ari Juan chi Porochoaparí ome p'ɨrrɨapataɨrã Jesumá chedak'ari idisidama: —Taipa mãɨnepa chi p'ariseorãpa Tachi Ak'õrene k'ɨ̃risiadayá nek'odak'apɨ́ ewari oopatama, maamina chi pɨ ome p'ɨrrɨapataɨrãpa ¿k'ãre k'orea mãɨya oodak'ama?

Mateo 9:14 ပူးပေါင်းရင်းမြစ်များ

Mateo 11:2

Juan chi Porochoaparí eda jɨ̃a nɨbɨsidaɨde, ũrisima Tachi Ak'õrepa Tachi K'aripaparí teai jaradapa ne oomaa bɨt'a. Mãɨ k'orea ichi ome p'ɨrrɨapataɨrã ume peesima Jesua nãɨya ididamẽrá:

Mateo 6:16

»Mãrapa Tachi Ak'õrene k'ɨ̃risiadayá nek'odak'apɨ́ ewaride ooutade k'ĩra piawẽa p'aneerãt'ɨ Tachi Ak'õrene ĩjãapataade apataɨrãpa oopataɨ jĩra. Ãchi mãɨya p'anapatama jõmãɨrãpa k'awadamẽrá Tachi Ak'õrene k'ɨ̃risiadayá nek'odak'apɨ́ ewaride oo p'anɨ. Mɨa piarã jararuma: ẽpẽrarãpa ãchi pia jaradai k'ɨ̃ria p'anɨ pẽra mãɨ ãchi k'orea pedea pia pedeadada puru nepia uru p'anɨma. Mãɨt'u Tachi Ak'õrenepa mi ãpia pida nepia uru p'anɨwẽma.

Mateo 9:15

Jesupa ãchiá jarasima: —Ɨmɨk'ĩrapa wẽra atarude ¿k'ai sõp'ua baima? Mãɨ ɨmɨk'ĩra chi ichia t'ɨ̃narã ome bɨmisa arapá p'ananaipɨ. Maamina chi ewari ará parude waapẽarã ẽpẽerãpa ichi ãyá ateewãnaipɨ. Maapaepuru ichia t'ɨ̃narãpa Tachi Ak'õrene k'ɨ̃risiadayá nek'odak'apɨ́ ewari oodai.

Juan 3:25

Mãɨ ewaride waapẽarã Juan ome p'ɨrrɨapataɨrã judio aba bɨ ome k'ĩruu pedeasidama, ne sɨɨdak'ari, ya mãɨ k'orea Tachi Ak'õrepa ãchi pia unumẽrá.

Juan 4:1

Mãɨ ewaride p'ariseorãpa ũrisidama Jesupa Juan k'aepẽra ẽpẽerã minachia atepe uru bɨt'a mãɨnepa porochoa bɨt'a.