Mateo 8:13 - Tachi Ak'õre Pedea

¹³ Maapae Jesupa papaká berã chi mãɨrã chaarea bɨa jarasima: —Tedea wãse. Pɨa ĩjãa bɨ jĩra mɨa ooipɨ. Ara mãɨne papaká berã chi mãɨrã chaarea pae pari mimiaparí jɨpa beesima.

Mateo 8:13 ပူးပေါင်းရင်းမြစ်များ

Juan 4:50

Jesupa jarasima: —Tiidá wãse. Pɨ warra jɨpa beesima. Chi ẽpẽrapa ĩjãana pẽra ara mãɨne wãsima.

Marco 9:23

Mãɨne Jesupa jarasima: —Pɨa ¿sãmaasã́ “mɨa p'ueima” a bɨma? Chi ĩjãa bɨpa ne ãarea p'ue bɨma.

Mateo 17:20

Jesupa p'anoosima: —Mãrapa Tachi Ak'õrene ãpia ĩjãanawẽa p'anɨ pẽra p'uedaé pasima. Mɨa piarã jararuma: mostaza net'a tau ãpia k'ɨrɨ jĩra mãrapa ãpia ĩjãa p'anɨpara, nãɨ eyá nãmãɨpa ãyá wãpade adai pasima. Mãɨne eya ãyá wãipɨ. Mãɨya ĩjãa p'anɨpara, mãrapa ẽpẽerãpa ne p'ue oodak'apɨ́ p'ue oodawẽa p'ananaiwẽ pasima.

Mateo 15:28

Jesupa jarasima: —Wẽra, pɨa piarã ĩjãa bɨma mɨa pɨ k'au p'ue jɨpa beepiit'a. Mãɨpuru pɨa k'ɨ̃ria bɨ jĩra mɨa ooipɨ. Ara mãɨne chi k'au jɨpa beesima.

Mateo 9:22

Maamina mãɨya t'õmariside, Jesupa ãpɨtea ak'ɨk'ari, mãɨya jarasima mãɨ wẽrá: —K'au, arapaase. Piarã jɨpa beeit'a ĩjãana pẽra pɨ jɨpa beesima. Ara mãɨne mãɨ wẽra pia beesima.

Mateo 8:4

Jesupa ichiá jarasima: —Pɨ jɨpa beeda abaɨa jararãse. Mãɨpari p'aaremá wãse pɨ jɨpa beesit'a unumẽrá. Maapae ne tease Moisepa jarada jĩra. Mãɨya ẽpẽrarãpa pɨ piarã jɨpa beeda k'awadaipɨ.

Marco 7:29

Mãɨ ũrik'ari Jesupa jarasima: —Pɨa mãɨya pia p'anoona pẽra ne k'ɨ̃risiawẽa tiidá wãse. Pɨ k'au k'ak'uade bada jaore mietá ãyá wãsima.