Mateo 7:23 - Tachi Ak'õre Pedea

²³ Mãɨne mɨa piarã jararuma: “Mietá oopataɨrã, ãyá wãt'ɨ. Mɨa mãra unuk'ama”.

Mateo 7:23 ပူးပေါင်းရင်းမြစ်များ

Mateo 25:12

Maamina chi miak'ãi bɨ ɨmɨk'ĩrapa jarasima: “Mɨa piarã jararuma: mɨa mãra atuama”.

Mateo 25:41

»Maapae mɨ juawieri p'anɨrã́ jaraipɨ: “Mãra, Tachi Ak'õrepa nepɨra pará bɨade apataɨrã, mɨk'aapema ãyá wãt'ɨ t'ɨpɨ tau urua k'iiwãk'á nɨbɨdea. Mãɨ Tachi Ak'õrepa bɨsima tiore, ichidirã ome ɨtɨai k'orea.

Luca 13:25

Te chiparipa chi eda wãpataɨ jõat'ɨk'ari chi tajata p'anɨpa nãɨya t'ɨ̃ jaradaipɨ ewamẽrá: “Tai chipari, tai chipari, ewase”. Maamina chi te chiparipa p'anooipɨ: “Mɨa mãra unuk'ama mãɨnepa sãmapema atuama”.

Luca 13:27

Mãɨne ichia mãrá jaraipɨ: “Mɨa mãra unuk'ama mãɨnepa sãmapema atua bɨma. K'achia oopataɨrã, ãyá wãt'ɨ”.

Juan 10:14

»Mɨ oveja ak'ɨpari chi pia bɨpɨ. Mɨchidirã k'awa bɨma chi oveja ak'ɨparipa ichi oveja k'awa bɨ jĩra. Mãɨnepa mɨchidirãpa mɨ k'awa p'anɨma.

2 Timoteo 2:19

Mãɨya p'anɨmina, Tachi Ak'õre ẽpẽrarãpa Cristode minachia ĩjãa p'anɨma, te jĩrupa te chaarea bapipari jĩra. Tĩitaude ne bɨpata jĩra Tachi Ak'õrepa nãɨya jarasima: «Tachi Chiparipa jõma ichidirã k'awa bɨma». Mãɨnepa jarasima: «Ãarea Tachi Chiparide ĩjãa p'anɨane a berãpa k'achia itu bɨdai p'anɨma».

Apocalipsi 22:15

Maamina chi nemietá oopataɨrã, chi ẽpẽra nɨɨpataɨrã, chi k'ĩranejasia oopataɨrã, chi mĩa peapataɨrã, chi juapa oodada sãdode ĩjãapataɨrã, mãɨnepa seajarapataɨrã ãarea awara tuaneenaipɨ.